زميلي طالب مساعدتكم بخصوص الأيداع بالصراف الالي !

[HaSaN]

لي زميل بالعمل (عليمي مثلي) لا يعرف طريقة ايداع النقود عن طريق الصراف الالي
قل لي تعرف تساعدني قلت له انا من جنبها
لكن خلني أسأل لك وارد عليك

كيف طريقة ايداع مبلغ من المال عن طريق الصراف ؟
ودمتم سالمين

[موج]

هلا ابواحمد

ماعليك مايجاوب على هالأسئلة إلا أصحاب الدراهم >> من جنبها والله خخخخ

اول شيء لإيداع مبلغ ي الصراف

لازم يكون الصراف نفسه يدعم خدمة الايداع

وطبع الآن اغلب البنوك عندها صرافات تدعم هالخدمة لكن منتشره وبعض الاحيان تكون قليلة في اماكن معينة


طريقة الايداع

بعض البنوك فقط عليك اول ماتوصل الصراف تضغط اي زر على الصراف وبدون ادخال البطاقة
حق الصراف
وتتبع التعليمات وتختار ايداع في حساب جاري
وبيطلب منك " رقم الحساب " والمفترض بعد ادخال رقم الحساب
يطلع لك الاسم وكذلك يطلع طلب ادخال المبلغ

وبعد الادخال
يحط الفلوس في " الدرج " الخاص بالإيداع
ويآخذها الصراف
ويرجع له التالفه او اللي ماتقبل
لأنه فيه فئات معينة مثلا ماتقبل في الصراف

والمفترض يطلع له الصراف " رسالة فيها المبلغ اللي حسبه الصراف "

اذا المبلغ صحيح يدخل تأكيد
اذا غير صحيح فيه شيء اسمه " اضافة " يعني تضيف مبلغ على القديم ..
واذا حب انه يسترجع فلوسه ويلغي الايداع يختار " الغاء "

وبناءا على الاختيار اعلاه يتم اعتماد الايداع او رفضه ..


---

فيه بعض البنوك لازم يدخل العميل بطاقة الصراف الخاصة بنفس البنك
ويسوي عملية الايداع
وبعض البنوك تعطيه خيار ايداع في حسابه او حساب آخر

:)

ونفس الآلية بالضبط

طبعا الشاشات عربية وواضحة
لكن اللي يفرق طريقة وضع الفلوس في الصراف :)
وشكل الصراف طبعا والخيارات الموجودة

لكنها ان شاء الله واضحة :)

واذا ماضبطت ارسل لي الفلوس بريد ممتاز ونآخذ عمولة 20% ونودعها لكم :13:

وحياك الله ابواحمد :)

[HaSaN]

بيض الله وجهك موج بيض الله وجهك
كفيت ووفيت
طبعت ردك اليوم الصبح و رزيته بوجه صاحبي وقلت شف يا (دلخ ) الطريقة
اليوم العصر اتصل بي وقال ضبطت معي وآخر حلاوة
وقل للي عاطاك الطريقة الله يجزاه كل خير ومجمل ومشكور


الف شكر لك يا موج

[موج]

الله يسعد قلبك

والحمد لله ان الطريقة ضبطت معه ماحولها دولارت ونشبنا خخخخ

بس وين العمولة :13:

والدعوة احسن عمولة :) قول له يقول يارب ترزقه بلكزس :) >>> يتشرط ماينعطى وجه

في الخدمة ابو احمد
يسعد قلبك