رواية همساتك تذوبني بس ظلمك يعذبني

[شموع الكون]

همساتـــك تذوبني بس ظلمك يعذبني..

قصة رومانسية جدا جدا..اجتماعية وجرئية وبها من المواقف الكوميدية الكثيـــر..أنها قصة عاشقين سنعيش معهما بكل مواقفها..الرومانسية..الشاعرية..الكوميدية والحزينة..لنرى ماذا حدث معهما..
للكاتبـــة:ياليت الحزن لحظة..
أقدم لكم أولى رواياتي على أمل أن تنال إعجابكم..وقبل البداية أود أن أقووول لكم أنها قصة كويتية خالصة من صميم المجتمعات الكويتية ولكني تصرفت في الأسمااااء..
شخصيات القصة:
أبوفيصل:50سنة،أب قووي الشخصية..متسلط أحيانا إلى درجة أنه يبالغ في ظلم بناته أحيانا..
أم فيصل:45سنة،طيبة وحنوونة وعكس زوجها بكل شي.
عيالهم:
فيـــصل:27سنة..شاب وسيم وحنون إلى أبعد درجة..يمتلك طوول فارع ورزة كويتية عجيبـــة،متزوج بنت خالته ملاك وعنده منها ولد اسمه عزوووز وعمره سنة ونص.
وليـــد:25سنة،شاب رياضي وشديد الوسامة..وعصبي.
مساعد:23سنة،طويل وبشرته حنطيه ودمه خفيف..
روان(البطلة):20سنة،دلوووووعة مووووت وبشرتها بيضا وشفايفها توتية وعيونها عسلية وجسمها مخصر وشعرها طويل لنهاية ظهرها..توه متزوجة من طلال ولد عمها ومسافرة معاه شهر العسل.
جراح:18سنة،حلووو ومملوح واللي يشوفه يعطيه أكبر من عمره..
نوف:16سنة،مراهقة بالصف الحادي عشر..مغرووورة وتغار من أختها موووت.
عايلة العم أبوطلال:
أبوطلال:46سنة،عكس أخووه بكل شي..طيب وحنوون..
أم طلال:44سنة،حنوونة وتحب عيالها..
عيالـــــهم:
طلال:25سنة،شاب طويل ورياضي ووسيم جدا جدا ويتميز بلوون عيونه السودا رومانسي إلى درجة خيالية..متسرع أحيانا..
أميرة:22سنة،حنطاوية وعيونها بنية لووزية..وشعرها بني فرواله..
جنا:17سنة،أخر سنة بالثانوية وتشبه أختها وايد بس الفرق أنه بيضا..
أحمـــد:15سنة،مراهق ومشاغب جدا جدا..
عايلة أبوسامي:
أبوسامي :49سنة،متزوج أخت أم فيصل يعني نسيبه..
أم سامي:46سنة،وتحب الكشخة والفشخرة الزايدة..
عيالهم:
سامي:27سنة،خريج ماجستير من أمريكا..ومغرووور وايد..
ملاك (زوجة فيصل):23سنة،حلوووة وبشرتها بيضا وشعرها كاريه قصير..رومانسية وخووافة..
وسم:17سنة،أخر سنة بالثانوية..
نبـــــدا بالقصة:




البـــــارت الأووووول..
قال مجروحــة جاوبته نعم؟..
قال ما أشوف بك آثار دم!!
قلت وأن كان في ذاتي النزيـــف..
قال ما به نزيف من عـــــدم!!
قلت؟وأن خان بي أغلى حبيب..
قال وهم بنيته وانهـــــدم!!!
قلت ما عذبك يووم الفراق؟
قال درب وتمشيه القدم..
في روما مدينة العشاق الإيطالية..الساعة 11 بالليل بالفندق..
روان بغرفتها قاعدة عالسرير وسرحانة(آآآه يارب ساعدني والله أحبه أحبه بس ما أقدر أصارحه بشي ما أقدر ، ياااارب ساعدني صار له أسبوعين صاد عني..اهو ظالمني ظالمني)
قطع أفكارها صووت طلال
طلال بهدوء:روان شفيج سرحانه..وبقلبه(ليكون تفكرين فيه بعد)
روان طالعت بعيوونه:طلال حبيبي أنا أبيك تسمعني عطني فرصة أقولـ
طلال قاطعها بحدة وهو يمسك زنودها بقووة: وأنا مابي أسمع،أصلا شبتقولين شنوو بتبررين فعلتج السودا..روان أنا كنت أحبج أحبج بس بعد اللي اكتشفته انصدمت..انصدمت
روان وقفت بحده وصرخت:طـــلال أنت ظالمني ظالمني..حــــرام عليك بس عطني فرصة أقوول لكـ
طلال صرخ:شتقولين هـــا شتقولين؟..تقولين سواد ويهج..أنا شفتج بعيني وأنتي معاه بالفراش بــــعد..
روان صرخت وقلبها مجروووح:لااااااا لاااااااا والله ما بينا شي والله،حراااام عليك تظلمني حـــرام،أنا كنت نايمة واهو دخل يحسبني أخته بس والله ما صار بينا شي ووو
طلال قاطعها بكف:طـــــــــــــــــــرااااخ..أنا مو ياهل تجذبين علي ..الموضوع هذا سكريه وزواجنا بيتم عالورق بس لأني ما أتشرف ببقايا الأخرين..
روان حست بطعنة بصميم القلب وقالت وسط دموعها وهي تتمدد عالفراش:طلال أقســـم لك بالله أنك أوول وأخر ريال بحياتي..أنا جدامك وتقدر تتأكــد بنفسك من براءتي..بس تكفى حلفتك بكل غالي عندك لا تظلمني..
طـــلال حن قلبه وطاح قناع القسوة اللي كان لابسه وجـا عندها وانحنى لمستواها ومسح دموعها بأصابعه:
روان حبيبتي أنا آ
روان قاطعته وهي مغمضه: ما بينا كلام إلا بعد ما تتأكد من براءتي ياولد العم..
طلال انصدم(معقوولة أكووون ظالمها..بس والله أحبها أحبها)وهمس: رواااان
روان همست بكبرياء مجروووح:لا تذلني أكثر من جذي..
طلال قرب منها أكثر لين صارت أنفاسه تلفح وجهها الناعم: ما عاش من يذلج ياعمري..وقرب منها وووو


:bigsmile:
:biggrin:
~..تح ـــــــــــــــياتي..~

[شموع الكون]

الـــــــــــــــــــبارت الثاني


ـــــــــــــــــــــــــــــــــــــــــ
في فيلا أبو فيصل
نفس الوقت بس الساعه 5 العصر

كانوا مجتمعين بالصاله يتقهون(وليد ومساعد وجراح ونوف وأم فيصل)


أم فيصل: أقول نوف ما اتصلت أختج
نوف تتصنع الأبتسامه: لا يمه أكيد مشغوله إذا فضت بتتصل.

جراح بضحكه: هههه يمه البنت بشهر العسل أكيد بتكون مشغوله
أم فيصل ضحكت:ههههه أنت متى تيوز من هالسوالف

وليد ومساعد مع بعض: إذا حجت البقر على قرونها ههههه

بنفس الوقت انفتح باب الفيلا ودخل فيصل وزوجته وولده

فيصل: السلام عليكم
الكل: وعليكم السلام

عزوز دخل يركض ومبتسم وأول شخص راح له جدته أم فيصل
أم فيصل ابتسمت وخذته بحضنها: هلا والله بولدي حبيبي وباست خدوده

ملاك ابتسمت وجت باست رأس خالتها: شلونج خالتي عساج بخير
أم فيصل بابتسامه: هلا يمه أنا بخير دام أني أشوفكم بخير

مساعد ووليد وجراح: شلونج ياأم عزيز
ملاك ابتسمت بحيا: هلا والله أنا الحمدلله بخير


بعد ساعه جا أبوفيصل واجتمعت العايله كلها ما عدا روان

ـــــــــــــــــــــــــــــــــــــــــ
في الفندق

طلال قام وهو متندم أنه ظلم حبيبته وزوجته
دخل بسرعه الحمام يتروش

روان بعد ما قام طلال قامت وتعدلت وسندت رأسها على السرير ورفعت اللحاف لجسمها ودموعها تنزل مثل الشلالات

بعد ربع ساعه على نفس الوضع

طلال طلع من الحمام لاف الفوطه على خصره
وشافها شلون تبجي وتندم أكثر
وحس بالخنقه
راح لابس جينز وبلوزه صفرا ونشف شعره عالسريع وجا قعد عندها وقرب منها عشان يمسح دموعها
روان بعدت وصدت عنه: روح ياطلال مابي شفقه من أحد

طلال قرب منها وهمس: روان أنا آسف سامحيني
روان ضحكت بألم:ههههه أسامحك على شنو على شكك فيني ولا على اتهامك لي بشرفي وكرامتي ، أنا ياطلال أنا روان الي حبيتها وحبتك تشك فيني، بهالسهوله تبيني أسامحك.

طلال بندم قرب منها وضمها بقوة لصدره: آسف والله آسف ، أنا مستعد أصلح غلطتي بس ما أشوف دموعج
روان رفعت رأسها وغمضت عيونها: إذا أنت ريال عند كلمتك أبي أرجع بيت أبوي
طلال انصدم: روان حبيبتي كل شي إلا الطلاق أنا أحبج أحبج

روان بهمس ودموعها تنزل: إذا تحبني اتركني براحتي ، أبي أروح بيت أبوي ، أنت جرحتني جرحتني بكرامتي يالغلا ومو بسهوله أنسى
طلال باس جبهتها وهمس بأذنها: وراحتج اهي مطلبي بهالدنيا ، أنا بروح أدور حجز وبتركج براحتج ، بس صدقيني برجع برجع
وقام عنها وطلع

روان بعدها قامت دخلت الحمام تتروش
ـــــــــــــــــــــــــــــــــــــــــ

في فيلا أبو سامي
الســـاعه 8 بالليل

بغرفة سامي

كان قاعد سرحان ويفكر

(آه يارب أنا ما كنت بحطها بهالموقف ، أنا عبالي أختي وسم الخبله)

الموقف الي صار وخلا طلال يشك بروان

كــــــــــــان

بغرفة وسم الساعه 4 العصر

وسم بخبث: ها روونه خلصتي جهازج ترى ما بقى إلا شهر على عرسج
روان كانت زايرتها: إيه خلصت حتى الفستان جاهز ومن باجر ببدأ أروح الصالون
وسم قامت: آها أوكي ، روونه حبيبتي أنا بروح أييب لنا عصير وأجي خذي راحتج
روان ابتسمت:أوك بس مو تطولين
وسم طلعت: دقايق

روان بعد ما طلعت وسم قامت نزعت جاكيتها وكانت لابسه تحته بدي كت أبيض
تمددت بفراش وسم وغطت نفسها باللحاف
روان ابتسمت: خليني استفرد بفراشها شوي

بعد دقيقه سمعت صوت شخص يدخل
سامي دخل مستعيل : وسم وسمووه وينج يالهبله
دخل وشافها نايمه : وسمووه قومي أدري أنج مو نايمه يلا قومي وعطيني أشرطة الـdvd‏ ‏
طلال بغرفتي ونبيهم
روان تحت اللحاف سمعته وماتت خوف وقلبها قام يدق بسرعه وبنفسها( يمه أكيد هذا أخوها سامي لا وبعد طلال بغرفته ياربي شهلـ ورطه)
سامي عصب ورفع اللحاف: وسمووه قـــ وانصدم وبتر كلامه لأنه شاف روان وما شاف أخته
روان خافت ومن الخوف تجمدت بمكانها
سامي بنفسه(حلوه حلوه موت بعد ياحظك ياطلال ، استغفر الله شقاعد أقول أنا): أنا آسف ظنيتج أختي ومد إيده يقومها

وتوه انحنى إلا دخلت وسم وبيدها الصينيه
وسم شافتهم وشهقت : أهـــى سامي شتسوي هني
روان ما تحركت ولا خطوه وصارت ترجف وهي ممدده

سامي ارتبك وكان بيرد إلا سمع صوت طلال ينادي

وسم صرخت وهي تشوف جاكيت روان عالأرض ومتمدده بفراشها وأخوها قريب منها ومنحني عليها: حـــرام عليك سامي شسويت روان متزوجه حرام حرام
طلال كان بالممر وسمع اسم روان وانصدم وطلع يركض

سامي جا عند وسم وضربها كف: طــــــرااااااخ ينيتي أنتي أقولج ما صار بينا شي أنا دخلت وظنيتها أنتي
وسم قوة الكف طيحتها بالأرض

بنفس اللحظه طلال كان واقف منصدم من الي سمعه وقلبه تفتت لما شاف حبيبته بهالوضع

سامي انصدم: طلال لا تصدقها ما صار بينا شي والله آ
وسكته كف طلال طــــــرااااخ
: ما ظنيتك حاط عينك عليها ولا جان تركتها لك يالخايـــن
سامي سكت من الصدمه وطلال راح عند روان وقومها بيده ووقفها عالأرض وهمس بحده: بتتم زواجنا عشان عمي بس يالخــــــاينه.
وطلع وتركهم


سامي صحى من سرحانه على دق الباب
وسم دخلت: سامي العشاء جاهز
سامي بجديه: دقايق ونازل

ـــــــــــــــــــــــــــــــــــــــــ

في فيلا أبو طلال
الســـاعه 10:30 بعد ما تعشوا



جنا وأميره لابسين بيجامات نوم شورت وبلوزه علاق وقاعدين يلعبون بالصاله

جنا بضحكه:هههه أموره شرايج نسوي نفسنا نتخانق
أميره ضحكت:ههههه ونسوي فيهم مقلب

بدوأ يتخانقون
جنا سدحت أميره بنص الصاله وقعدت فوقها وصارت تضربها وتقرص خدودها
أميره كانت تصرخ: هـــيه جنوه يالخبله وخري ذبحتيني آه يمه خدودي راحوا آه
جنا كانت تضحك:هههههه

دخل أحمد وشافهم يتخانقون وكتم ضحكته: هيه يالخبول شتسون وجا بيفرقهم
أميره صرخت: أحمد حبيبي خذها عني آآه بطني ههههه

جنا ضحكت: هههه أحمدووه صدقني لا تبلش حالك مع البنات هههههه
أحمد ضحك:ههههه يعني شبتسوين وجا يبعدها
أميره استغلت التفات جنا ورفعت نفسها وسدحتها وصارت فوقها وترمي عليها الخداديات مالت القنفات

جنا ضحكت: ههههه أحمدووه أنت السبب
أحمد جا يبعد أميره وكان يضحك:هههههه ورفع أميره بيدينه مع أنها أكبر منه

أميره تصرخ وهو رافعها: اتركني عليها
جنا استغلت الفرصه وقامت وكانت بترفس أميره
بس أميره بعدت عنها وجنا طاحت فوق أحمد وسدحته

أحمد ضحك:هههه قومي عني

جنا ضحكت :ههه قلتلك لا تتدخل بهواش البنات وقامت ههههه


جت أم طلال من المطبخ وشافتهم يتخانقون كأنهم يهال وكتمت ضحكتها غصب: شالعفسه أنتو يهـــال ههههه
خلف الله عليكم
ضحكوا:هههههههههه

بعدها رجعوا يتخانقون وصاروا الثلاثه يرمون الخداديات على بعض والشعور انتفشت والبلايز ارتفعت

أميره تضحك وهي طايحه وجنا فوفها تدغدغها وأحمد يرميها بالخداديات : هههه جنووه ههههه خلاص قومي فصختيني

جنا ضحكت: هههه ماني قايمه وبعدين شمنه خايفه الي عندج عندي هههههه
أحمد ماقدر يكتم ضحكته من كلامها وجرأتها وانسدح عالأرض ضحك: ههههههههههه

أميره ضحكت: ههههه ياقليلة الحيا أخوج موجود
جنا توها تنتبه وقامت لأحمد : أحمدووه أخوي حبيبي عمري أنت عادي صح ههههههه
أحمد قام وضحك:ههههه الحمدلله والشكر على هالــ خوات الي عندي ههههههه

ـــــــــــــــــــــــــــــــــــــــــ




في روما في بحيرة صغيره وبين العشب الأخضر والجو المغيم الحلو
الســــــاعه 2 الفجر

كان طلال قاعد يفكر باللي صار : آه ياربي سامحني ظلمتها ، بس والله أني أحبها لا مو بس أحبها وأعشقها وأذوب بسحرها ونعومتها ودلعها ، آه ياروان آه ظلمتج وأهنتج واتهمتج بشرفج وجرحت كرامتج بس والله أحبج وحبي اهو الي خلاني أتسرع ، آآآه والله حسيت أني نذل وأنتي بين إيديني وأحس بدموعج الحاره على خدودج وطعمها بشفايفي ، سامحيني روان سامحيني.
وتنهد وقام


بالفندق

روان بعد ما تروشت وانتعشت بحمام استرخاء وهدت أعصابها وخاصة بعد ما أثبتت براءتها

نشفت شعرها وخلته مبلل شوي ودهنت جسمها بلوشن مرطب ومعطر
قامت طلعت لها بيجامة نوم حرير بنطلون وقميص زهري علاق
لبستهم وتعطرت وبعدها قعدت ترتب أغراضها وتحطهم بالشنط

خلصت على الساعه 1:30 وشافت الساعه
روان بتوتر: ياربي الوقت تاخر وطلال مابين >> ياحياتي ياروان تحاتينه وأنتي زعلانه منه

راحت خذت تلفونها تدق عليه بس كان يطلع لها مغلق

ظلت تحاول لين سمعت صوت باب الجناح ينفتح
تركت التلفون وقامت بسرعه وقعدت عالصوفا جنب الشباك
وسوت نفسها تطالع

طلال دخل وشافها وابتسم لمنظرها الجذاب والهادي

جا عندها وباس رأسها : حبيبتي أنا حجزت لنا على رحلة باجر الظهر
روان ببرود ظاهري همست: أوكي عادي أصلا أنا جهزت الشنط ورتبت أغراضنا
وقامت بروح أجهز لك الحمام تتروش
طلال مسكها من معصم يدها وشدها له وقربها منه: حبيبتي روان أنا آســــ
روان قاطعته وحطت إيدها على شفايفه تمنعه يكمل: لا تتآسف أنت ما غلطت وأي واحد مكانك بيكون عنده غيره بس إلا الشرف ياطلال إلا الشرف.
وراحت عنه
طلال تنهد بحيره وضيق وراح بدل ملابسه ولبس بيجامه

روان شافته لبس بيجامه وهمست : أنا بروح أنام بالصاله تصبح على خير
وطلعت قبل ما تعطيه فرصه يرد

طلال تضايق وراح تمدد عالسرير: آه يحق لج ياروان يحق لج ، ما ألومج والله ما ألومج

ـــــــــــــــــــــــــــــــــــــــــ

في شقة فيصل
الساعه 8 الصبح

ملاك قعدت من ثلث ساعه وراحت تتروش
بعد عشر دقايق
طلعت لابسه روبها وراحت قعدت جدام المرايه نشفت شعرها بكواية السراميك وخلته نازل ودهنت جسمها بلوشن وبعدها قامت لكبتها وطلعت لها فستان شيفون أبيض وماسك عالصدر بدون علاق ومزوم بشريطه سوده حرير على شكل ورده تحت الصدر وطوله لعند الركبه بشوي ولبست معاه كعب أسود عالي بشرايط تنربط حول الساق وحطت ميك أب خفيف كحل وماسكرا وغلوس وردي شفاف وتعطرت

راحت قعدت عند فيصل وهمست بأذنه وباست خده: فيصل حبيبي فوفي يلا قوم بتتأخر عالدوام
فيصل فتح عيونه على بوستها وهمستها وابتسم وقام وحضنها: يابعد عمر فوفي أنتي صباح الخير
ملاك استحت لأنه حضنها وصدره عاري: صباح النور يلا قوم خذ شاور وأنا بقوم أحضر لك ريوق
فيصل حط رأسه على كتفها وصار يتنفس شعرها وعطرها الجذاب: حاضر ياآحلى زوجه بالكون
بنفس الوقت انفتح الباب ودخل عزوز يتعثر بخطواته : ماما ماما

ملاك استحت: فيصل حبيبي ولدك دخل
فيصل رفع رأسه وطالع ولده وابتسم على شكله ورفعه عن الأرض وحطه بحضنه وباس خدوده: روح ماما وبابا أنت

عزوز ابتسم وصار يضحك ودفن رأسها بصدر أبوه: ههههه بابا
ملاك ابتسمت : يلا عزوزي عشان نلبس ونتريق وخذته ومشت
فيصل ابتسم لهم وقام دخل الحمام يتروش
ــــــ☻ــــــ☻ــــــ☻ــــــ☻

في فيلا أبوفيصل
الســــــاعه 9 الصبح

أم فيصل بعد ماراحوا عيالها وبنتها وزوجها الشغل والمدارس
نادت الشغاله ترفع الصحون وقامت تنظف البيت وتبخر

بعد ساعه كانت مرتبه غرف عيالها الشباب لأنهم ما يحبون شغل الخدامه

جابت المبخر وقعدت تلف فيه بالدور والصالات
وسمعت تلفون البيت يدق وشالته
أم فيصل: السلام عليكم
روان بفرحه: هلا يمه أنا روان شلونج وشلون أبوي وأخواني

أم فيصل فرحت ومن الحماس
صارت تكلم بصوت عالي: هلا ببنتي شمعة بيتي هلا فيج يمه أنا بخير وأبوج وأخوانج كلهم بخير ويسألون عنج ، وأنتي طمنينا عنج
روان ابتسمت بألم: تسأل عنكم العافيه أنا بخير ومشتاقتلكم وايد وايد والحين حنا بالمطار وطيارتنا بعد نص ساعه
أم فيصل اندهشت: ترجعون ! بس ما صار لكم إلا أسبوعين

روان تضحك عشان تتهرب: ههههه أسبوعين وايد وبعدين أنا قلت لطلال نرجع لأني فاقدتكم ومشتاقه لكم
أم فيصل صدقت: عيل أول ما توصلون دقوا طمنونا
روان تنهدت بارتياح: أن شاء الله يمه يلا أنا أخيلج مع السلامه
أم فيصل: مع السلامه يايمه
وبحفظ الرحمن
ــــــ☻ــــــ☻ــــــ☻ــــــ☻

في مطار روما
نفس الوقت بس الساعه 12 الظهر
وما باقي على الرحله إلا دقايق

روان كانت قاعده بالكراسي ومبتسمه بعد ماكلمت أمها وقعدت تفكر: الحين شلون بقول لهم أني بقعد عندهم شلون بيصدقوني إذا أمي وأبوي صدقوا أخواني ما بيصدقون وخاصه وليد ، آه الله يسامحك ياطلال الي عرضتني لهلـ موقف، أنا حبيبتك وعاشقتك روان تظلمني لا وتقولي ما تتشرف ببقايا الأخرين آه ، وطرى على بالها هالشعر وقالته بصوت هامس

بعض الجــــــروح أن جت من أغراب عــــــادي ..ـــ☻
الجــــــرح،،، موت الجـــــرح
لا جا من أحـــــباب..ــــــ☻
مليت أدور لك عذر ياودادي
مثل الضرير الي ورى النور
طــــــــــــلاب...ــــــ☻

طلال سمعها وحس أنه انطعن بصميم قلبه يدري أنه جرحها وجرح الكرامه صعب بس تأسف وندم: روان
روان طالعت فيه بدون ما تتكلم
وبنفسها:فديت هالعيون أنا

طلال بهمس قاتل: يلا نادوا على رحلتنا
روان قامت

سووا الأجراءات وركبوا الطياره

روان قعدت وسندت رأسها عالكرسي وردته لورى

طلال قعد جنبها وشافها وقعد يتأمل ملامح وجهها الحزينه وهمس: روان حبيبتي لازم نتكلم
روان ومغمضه عيونها: عن
طلال ابتسم: روان أنا أحبج وأدري أني تسرعت وجرحتج بس والله حبي لج اهو الي سيرني، روان أنا بخليج ترتاحين وتفكرين عند أهلج وبعدها برجع أخذج
روان طالعت فيه وهمست بأذنه: وإذا كانت راحتي بطلاقي

طلال انصدم: مو لهدرجه روان قلتلج أنا آسف آسف
روان همست ودموعها تهدد بالنزول: وكرامتي واتهامك لي بشرفي وشكك بأخلاقي ونظراتك الحاقده لي وقت العرس وأهانتك لي ورفضك وصدك لي ليلة العرس وأنا بين إيدينك وكأنك تقولي أنتي رخيصه ، شلون بنساهم شلون ، طلال أنا مو بس حبيتك أنا عشقتك عشقتك بس أنت هنتني
طلال ضمها لصدره بقوه وما اهتم بالناس الي بالطياره : تكفين يالغلا إذا كان لي بقلبج مكان سامحيني سامحيني
روان همست بأذنه: عطني وقت أفكر وارتاح
طلال: لج الوقت كله ياقلبي

ــــــ☻ــــــ☻ــــــ☻ــــــ☻ــ

في فيلا أبوطلال
الســـــاعه 1:30 الظهر

أحمد وجنا دخلوا البيت جايين من المدارس
جنا بصراخ: يمه يمه
أم طلال جت مبتسمه: هلا يمه يتوا
جنا وأحمد جوا باسوا رأسها: شلونج يمه
أم طلال: أنا بخير وعافيه ، يلا روحوا تروشوا ونزلوا عشان نتغدى

بعد ربع ساعه
جت أميره جايه بسيارتها من الجامعه
دخلت وسلمت على أمها وبعدها طلعت غرفتها عشان تاخذ شاور سريع

أول ما دخلت دق تلفونها بنغمة مسج وكان من غلاي طلال:
أموره حبيبتي حنا الحين راكبين بالطياره ورادين الديره ، حدي مشتاق لكم وترى أنتي أول وحده تدرين ههههه ، بعد ساعتين ونص بنكون بمطار الكويت..
أميره استانست وتشققت من الفرح وتحمست ودخلت بسرعه تتروش عشان تنزل تبلغ أهلها

ــــــ☻ــــــ☻ــــــ☻ــــــ☻ــ

في شقة فيصل
نفس الوقت

عزوز يلعب بوسط الصاله وجدامه ألعاب وسيارات وااايد

ملاك كانت بالغرفه تلبس بعد ما جهزت الغدى ودخلت تتروش

لبست تنوره سوده حرير وبكسرات ولعند الركبه وبدي كت أخضر ضيق حرير وفوقه قميص أسود قصير لنص الصدر وينربط على شكل ورده ، وشوز كعب أسود عالي وحلق أسود ناعم وميك أب خفيف وروجها أحمر ناعم.
تعطرت ونثرت شعرها القصير وطلعت
المطبخ تحضر الصحون

بالصاله كان عزوز يلعب وشاف الباب انفتح وأبوه دخل
ترك الي بيده وراح له يركض

فيصل شاف ولده واتسعت ابتسامته
شافه تعلق بريوله كأنه يضمه: بابا
فيصل شال ولده وقعد يبوس خدوده: روح بابا أنت شلونك

عزيز الي ما يعرف إلا بابا: هههه بابا
فيصل ابتسم : ماما وين
عزيز فهم وأشر عالمطبخ: ماما

فيصل أخذه ومشى فيه وحطه عند الألعاب: أنا بشوف ماما وأجي خليك هني
عزوز ابتسم


بالمطبخ
ملاك حضرت الصحون والملاعق والشوك وهي مبتسمه لأنها تدري أن فيصل جا

تخبت ورى باب المطبخ

فيصل دخل مبتسم: حبيبة فوفي وينها
ملاك سمعته وأول ما دخل رمت نفسها بحضنه: حبيبة فوفي بحضنه هههههه ودفنت وجهها برقبته وصارت تشمها وتبوسها
فيصل ابتسم على حركاتها وضمها لصدره: ملوكه بس قطعتي رقبتي ههههه
ملاك رفعت رأسها وضحكت: هههه مابي أبيها ورجعت دفنت وجهها برقبته
فيصل ضحك: ههههه ملوك حبيبي ترى أحنا بالمطبخ لا تخليني أتهور

قاطعهم دخول عزوز يضرب ريل أبوه يعني بعد عن أمي: ماما ماما
ملاك ضحكت:هههه ولدي يغار من أبوه. ونزلت له وخذته
فيصل ضحك : هههههه والأبو بيغار من ولده
ملاك ضحكت ومشت تجهز الغدى
ــــــ☻ــــــ☻ــــــ☻ــــــ☻ــ

في فيلا أبوفيصل
الساعه 3

الكل بعد ما عرف بوصول روان وطلال فرحوا وصاروا يجهزون نفسهم

وليد بغرفة مساعد: مسرع ما ملوا
مساعد ابتسم: قصدك روان وطلال ! عادي بكيفهم في ناس وايد يروحون شهر عسل أسبوعين بس ويردون
وليد بحيره: أدري بس توقعت أنهم يطولون وخاصة أنهم يحبون بعض واااايد

قاطعهم دخول جراح وشايل نوف على ظهره وهي تصرخ وتضرب ظهره وترفس بريوله: جراحووه نزلني يبــــــه يبــــــه

جراح كان يضحك: هههههه خذوا أختكم الهبله عني ورماها على سرير مساعد
مساعد ووليد شافوهم وضحكوا : هههههههه
نوف طاحت بحضن وليد وصرخت: جراحووه كسرتني يالغبي آآه هههههه
وليد ضحك وقومها: هههه شعندك عليها
جراح: الخبله كنت قاعد أطالع فلم رعب يت وصارت تناقز جدام الشاشه وخربت علي المشاهد ومالقيت إلا هالطريقه ههههه
نوف ضحكت: ههههه يالجذاب فلم رعب ولا فلم رومانسي

مساعد ابتسم: وأنتي شدارج أنه رومانسي
نوف تمددت وحطت إيدينها ورى
رأسها وبنغزه: شفته نصه وهو مايدري
وليد ومساعد ضحكوا: هههههه يالخبيثه
جراح ضحك: هههه أتحداج
نوف بتحدي: بتخسر ياأخوي العزيز
جراح مشى وما اهتم: جذااابه

نوف ضحكت:ههههه جراحووه بصراحه حياي يمنعني أقول ههههه
وليد انسدح ضحك ومساعد ضحك ورفعها له: هههه أموت بالحيا أنا هههه
نوف ضربت كتفه بمزح: هههه شايفني ريال

بنفس الوقت دخلت أم فيصل: نوف يانوف
نوف ابتسمت: هلا يمه
أم فيصل: قومي جهزي القهوة والحلو وشوفي دار أختج ما باقي شي ويجون
نوف بدون نفس: أن شاء الله يمه وبقلبها(أختج أختج تزوجت وما افتكيت منها)

نوف تحس بالغيره من أختها لأن مدلله ومدلعه وتكرهها لأنها مره كشفتها تطالع فلم عن عرض الأزياء بس أباحي وايد وروان لما شافتها انصدمت وهاوشتها وضربتها كف وسكتت عنها لأنها أختها الصغيره بس نوف الي تحب عرض الأزياء وتموت فيه كرهت أختها وحقدت عليها.

ــــــ☻ــــــ☻ــــــ☻ــــــ☻ــ

انتــــــهى البارت الثاني

[بقايا مرآهقه]

هههههههههههههههههههههههههههه

وش ذا يختي ؟؟

ههههههههههههههههههههه


يعطيك الف الف العافيه ..

[شموع الكون]

البارث الثالث

في مطار الكويت الدولي
بوابة القادمين
الساعه 4:30العصر


انفتحت البوابه ودخلت روان ماسكه إيد طلال وعلى وجهها ابتسامه ظاهريه

فيصل ووليد وأحمد كانوا بالأستقبال

روان أول ما شافت أخوانها ابتسمت وتركت إيد طلال وراحت ركض ورمت نفسها بحضن أخوها فيصل
طلال ابتسم وراح سلم على أخوه وحضنه
أحمد: الحمدلله عالسلامه ياخوي
طلال: الله يسلمك يالغالي وبعدها راح سلم على وليد

وليد بابتسامه: حيالله ولد العم الحمدلله عالسلامه
طلال حضنه : الله يسلمك

فيصل الي كان يدور بروان : الحمدلله عالسلامه ياأحلى أخت وعروس بالدنيا
روان ضحكت وهي متعلقه برقبته:ههههه الله يسلمك ياآحلى أبو عزوز وهمست بأذنه وفوفي بهالكون ههههه
فيصل ضحك بصوت عالي: ههههههه ونزلها

بعدها سلم على طلال وراحوا كلهم
أحمد ووليد راحوا بسيارة وليد، وفيصل أخذ روان وطلال بسيارته.

بسيارة فيصل بعد ما مشوا

طلال بنفسه(فديت هالضحكه أنا )
روان كانت تتجاهل طلال ونظراته عشان ما تضعف: عزوز حبيبي النتفه مشتاقتله
شخباره
فيصل ابتسم: بخير وماعنده إلا كلمتين ماما وبابا
روان ضحكت:ههههه فديته بعد عمري وبنفسها (وفديت حبيبي أنا)
∞∞∞∞∞∞∞∞∞∞∞∞∞∞∞∞

في فيلا أبوفيصل
الساعه 5

كانوا كل العوايل مجتمعه بصالة البيت وناطرين وصول المعاريس

نوف كانت قاعده مع جنا وبنفسها(أف الحين بتجي وتاخذ الجو هالدلوعه)
جنا : نوف نوفووه وينج شفيج سرحانه
نوف ابتسمت: لا ولا شي بس أفكر بروان مشتاقتلها مووت وودي أعرف أخبارها

وسم كانت قاعده مع أميره وأختها ملاك
وسم بنفسها(آه ياروان أن شاء الله تكونين بخير وسعيده بزواجج ويكون طلال فهمج )

أميره : أقول ملوكه ما تفكرين تيبين لنا أخت لعزوز الأمور وتقرص خدود عزوز الي قاعد بحضن أمه.
ملاك ضحكت بحيا: ههههه تو الناس أبي يصير عمر عزوز سنتين

أميره ابتسمت: أيه عادي بعد 5 شهور بيكمل عزوز سنتين وبنشوف. وبقلبها( آه حاسه أني بموت حبيبي موجود وأنا قاعده جدامه وما أقدر أطالعه)

جدام أميره كان قاعد مساعد ويسولف مع سامي وجراح

مساعد : ها ياسامي مو ناوي تتزوج
سامي ابتسم: لا تو الناس إذا لقيت بنت الحلال أفكر ، أنت الي ليش ماتتزوج
مساعد بقلبه(إذا تأكدت من مشاعر الي أحبها بخطبها): أنا بفكر إذا وليد تزوج


بنفس الوقت انفتح الباب ودخلوا طلال وروان وفيصل ووليد وأحمد

بعد السلامات والأحضان وتوزيع الهدايا
قعدوا يشربون قهوة وشاي ويحلون

أم فيصل خذت بنتها على جنب: ها يمه طمنيني شصار
روان احترق وجهها : تطمني يمه ما صار إلا الخير


عند الشباب كانوا قاعدين على جنب بالصاله
مساعد بنغزه: ها يالمعرس طمنا أن شاء الله كل تماااام

طلال ضحك: ههههه إذا تزوجت أقولك
ضحكوا : هههههههههه

أبوفيصل: طلال ياولدي خذ مرتك وروح بيتكم عشان ترتاحون أكيد أنكم جايين تعبانين
طلال بجديه وتوتر: أنا متفق مع روان أنها تقعد عندكم اليوم تقول أنها مشتاقتلكم وبترتاح وأن شاء الله باجر ترجع معاي البيت(طلال بنى له جناح منفصل فبيت أهله واشترى أرض يبنيها)
أبوفيصل صدق: خير عيل براحتكم

فيصل وأخوانه لاحظوا تغير طلال وشكوا

سامي بنفسه(الله يستر شكلهم ما تفاهموا ، الله يسامحك ياطلال ظلمتني وظلمت مرتك)

بعدها بساعه طلال استأذن وراح البيت يرتاح بعد ما أرسل لروان مسج

وبعد صلاة العشى الكل استأذن وراح البيت


بغرفة روان
الســـاعه 9:30

كانت بغرفتها تلبس بعد ما خذت لها شاور يريحها من تعب السفر وترتيب الشناط

نشفت شعرها الطويل وخلته نازل وناعم مثل الحرير ودهنت جسمها بلوشن

قامت لكبتها وطلعت لها بيجامة نوم برمودا رصاصي قطن ناعم وضيق وبلوزه علاق رصاصيه برسمة دبدوب زهري

لبستها وتعطرت وراحت قعدت عالسرير وظلت تفكر بمسج طلال

كان المسج: حبيبتي روان أنا قلت لأبوج وأخوانج أني اتفقت معاج تقعدين عندهم اليوم ترتاحين لأنج مشتاقه لهم وأني بمر أخذج باجر، روان حبيبتي وعمري فكري عدل ولا تحكمين علي بسرعه ، روان حبيبتي أنا أحبج والي سويته من خوفي وغيرتي عليج ، أدري أن الجرح صعب بس تكفين حاولي تسامحيني .
حبيبج الي ذايب بسحر عيونج طلال)

روان تنهدت: آآآه ياطلال مسامحتك والله مسامحتك بس ماأقدر أنسى بهالسهوله ما أقدر




بغرفة نوف
كانت تكلم وحده عالماسنجر

نوف: أنتي ضامنه هالعرض يعني متأكده أني إذا رحت واشتغلت عندهم بعرض الأزياء ما يعلنون ويصورون لأني مابي أهلي يدرون.
ليلى رفيجتها: أنا متأكده 100% وبعدين هذول ينشرون برى بدول أوروبا ومكانهم الأصلي بأيطاليا
نوف ابتسمت: أوكي عيل باجر بالمدرسه نتفق عالطلعه والتسجيل أوكي
ليلى رفيجتها: أوكي بااااااااي

نوف سكرت الماسن وضحكت بخبث على فكرتها المجنونه: ههههه ليش لا اشتغل بعرض الأزياء وأحقق حلمي بدون محد من أهلي يدري.


بالصاله

أبوفيصل: وينها روان من المغرب ما شفناها
أم فيصل: أكيد بغرفتها ترتاح

روان نزلت من الدرج مبتسمه: هلا يبه أنا هني
وجت عنده وباست رأسه وقعدت عنده

أبوفيصل ابتسم: يقول طلال أنج بتقعدين عندنا
روان توترت وابتسمت: إيه أنا وياه متفقين أقعد عندكم اليوم وباجر بالليل يجي ياخذني

وليد الي كان قاعد وملاحظها: روان تعالي شوي بسألج عن شي بالاب توب
روان قامت مبتسمه: أوكي يلا

قاموا وراحوا غرفة وليد

بعد ما قعدوا
روان: ها شكنت تبي
وليد جا عندها ورفع وجهها بيدينه وطالع بعيونها: روان بسألج وجاوبيني بصراحه أنتي بينج وبين طلال شي
روان ارتبكت: لا لا يعني شبيكون بينا وبعدين سمعتني وأنا أقول لأبوي أني مشتاقتلكم وبقعد عندكم ، وتغير الموضوع إلا قولي نوف شخبارها تقعد معاكم ولا أغلب وقتها عالاب توب
وليد استغرب: شحقه تسألين
روان: بصراحه وليد نوف مراهقه وأنا خايفه عليها يعني أبيكم تنتبهون لها شوي
وليد شك: روان أنتي شايفه عليها شي أنا أخوها وأكيد تهمني مصلحتها
روان تنهدت: بقولك بس توعدني أنك ماتقول لها أني قلتلك ولا تهاوشها
وليد بنفاذ صبر: أوعدج بس تكلمي
روان نزلت عيونها: بصراحه أنا مره دشيت عليها الغرفه بدون ما تدري وشفتها تطالع أفلام عالاب توب ، أحم أفلام أباحيه.

وليد انصدم وعصب ومسك زنودها : روان أنتي من صجج

روان : أيه بس أنا هاوشتها وضربتها وفهمتها أن الي تسويه غلط بس أبيكم تراقبونها
وليد معصب: الحقيره قليلة الأدب لهدرجه وصلت فيها الوقاحه

برا عند الباب كانت نوف ماره بالممر وسمعتهم وزاد حقدها على أختها وفكرت تنتقم منها


داخل الغرفه
روان تهديه: هدي ياخوي أنا قلتلك عشان تنتبه لها مو تضايق نفسك
وليد ابتسم لها: لا تخافين هديت وراح أحط بالي عليها

بنفس الوقت دخل مساعد ومعاه جراح
مساعد: ها شعندكم منخشين بروحكم
وليد ابتسم: ولا شي قاعدين نسولف
روان ضحكت: هههه يجذب كان يقولي أنه بيتزوج ويبيني أدور له على مره
وليد ضحك بصدمه: ههههه أنــــا روانوه يالجذابه أنا قلت وسدحها على السرير وصار يدغدغها

مساعد وجراح ضحكوا: ههههههههههه
جراح لمساعد:عليهم
مساعد ضحك: هههه عليهم
وراحوا وصار الثلاثه على روان ويدغدغونها بخصرها

روان زهقت ضحكت: هههههه وخروا عني ذبحتوني ههههه
وليد ضحك: ههه عيل أنا بتزوج ها. وصار يدغدغها زياده
روان دمعت من كثر الضحك: ههههه أويلـــي يمه الحقيني ثلاث شباب على بنيه آآه ههههه خــــــلاص
وليد ومساعد وجراح بعد كلامها تركوها وانسدحوا جنبها ضحك: هههههههههههههههههههه
جراح يضحك:هههههه روان أنتي بنيه
روان استحت وقامت سدحته وقعدت فوقه: يالبايــــــخ!!
وليد ومساعد ضحكوا على شكلها المنحرج: هههههههه

جراح ضحك:ههههه يعنني مستحيه
روان ضربتها بالخداديه وهي قاعده فوقه: لااا شايفني فاصخه الحيا
مساعد ضحك:هههه جراحوه شعندك عليها
جراح ضحك:هههه ولا شي بس أختبر جرأتها
روان قامت عنه:
لااا وشلون بتختبر جرأتي
جراح بخبث: والله أنتي وذكائج
مساعد بضحكه:ليلة العرس مثلا ههههه
وليد وجراح ضحكوا توقعوا أنها تنحرج
بس روان اختفت ضحكتها وتغيرت ملامح وجهها وقامت: عن أذنكم بروح أنام تصبحون على خير
سكتوا واستغربوا ردة فعلها

وليد لحقها ومسك إيدها: لحظه روان شفيج جراح يمزح
روان بصوت مبحوح من الذكرى: أدري بس أنا نعسانه وبروح أنام
وليد وقفها: روان أنا مو غبي تقصين علي ممكن أعرف شفيج وليش تحسستي من كلام جراح
روان انهارت وضمت أخوها وقامت تبجي
وليد ومساعد وجراح انصدموا
وراحوا لها يهدونها
وليد يضمها لصدره ويمسح دموعها بخوف: روان حبيبتي شفيج
مساعد بخوف وحنان: روان شفيج صاير بينكم شي
روان رفعت رأسها ومسحت دموعها: لاااا آآ
وليد قاطعها وسحبها من إيدها وقعدها عالسرير وقعدوا حولها

روان نزلت رأسها
وليد رفع رأسها: روان أنا من أول ما دريت أنكم رادين بهالسرعه حسيت أن فيج شي ، روان قولي لنا وأحنا بنساعدج

روان مسحت دموعها: صدقني ما في شي بس مشكله بسيطه وبحلها
مساعد بتفهم: روان أحنا ندري أن هذا شي خاص فيج عشان جذي ما بنتدخل إلا إذا طلبتي منا وبنتركج براحتج أوكي
روان ابتسمت: أوكي وقامت طلعت
وليد كان بيتكلم بس مساعد منعه
وأول ما راحت
وليد اعترض: شحقه خليتها تطلع بدون ما تفهمنا
مساعد: شفيك واضح أنها مشكله خاصه ولو كانت بتقول جان تكلمت
جراح يأيد: صح كلام مساعد ، خلونا نتركها تحل مشاكلها بروحها مع زوجها وإذا تطور الموضوع بنتدخل




بغرفة نوف
أول ما دخلت
راحت قعدت عالصوفا عند الشباك وقعدت تفكر بخطه تنتقم فيها من روان
نوف تفكر: أف والله هذي النشبه الحين شلون أتخلص منها هذي أنا ما صدقت تزوجت عشان ارتاح من مراقبتها تقوم تقول لوليد ، ياعيني كملت ، شسوي شسوي أمممم
وبعد تفكير
نوف: إيـــه لقيتها ، أبين جدام أخواني أني تبت وندمت وأتغير معاهم وبالمقابل أخلي أبوي يكره بنته الدلوعه ،وويع ملاغه

وبدت بخطتها ودقت على وسم بنت خالتها
بعد رنتين:
وسم : هلا نوف شلونج شخبارج

نوف ابتسمت: هلا فيج أنا بخير الحمدلله أنتي شلونج وشخبار الدراسه معاج
وسم: أنا بخير والدراسه لاعنه أبو أسلافها ههههه المهم طمنيني عن العروس شخبارها

نوف تتصنع الضيقه: والله ما أدري شقولج روان من طلعتوا وهي قاعده بغرفتها وقافله على نفسها ماأدري ليش حاسه أنها متهاوشه مع طلال ، والله أني متضايقه حدي وزعلانه عليها وودي أعرف شفيها عشان أقدر أساعدها
وسم صدقتها وبطيبه: نوف بصراحه فيه موقف صار لها ببيتنا قبل زواجها بشهر وأتوقع أن هو السبب
نوف ابتسمت بخبث: صج قولي شصار وأوعدج أني أساعدها بدون ما تدري
وسم : اسمعي ، وقالتها كل الموقف الي صار
نوف بخبث: صج وأنا أقول شفيها ، وسم حبيبتي أنا أخليج وبروح أشوفها بااااااي
وسم: بـــااااااااي
نوف سكرت وضحكت بخبث: هههههه والله وطحتي بيدي يالخاينه ، أكيد طلال هدج عشان اكتشف خيانتج هههه ومسويتلي نفسها شريفة مكه، بس أنا أعرف أدبرها .
وقامت قعدت عالاب توب وجابت معاها صوره لأختها وقعدت ساعتين تلعب فيها وتركبها على أجسام عاريه .

بعد ما خلصت صارت الصور كأنها حقيقه ومحد بيشك فيها إلا المصور المحترف
نوف قعدت تضحك بخبث وبعدها جابت ظرف كبير وحطت الصور فيه وكتبت على ظهر الصور
(هذي صور بنتك الشريفه الي زوجها تركها بعد أسبوعين من شهر العسل لأنه اكتشف خيانتها وعدم عذريتها ههههه) .
خلصت وحطت الصور بالظرف وحطته تحت مخدتها ونامت عشان باجر الصبح تحطه بصندوق الجريده.
>> نـــوم الظالـــم عباده..

ـــــــــــــــــــــــــــــــــــــــــ

في شقة طلال بجناحه الخاص فبيت أبوه
الســـاعه 12:30 الفجر

كان قاعد على سريره ويفكر: آه روان حبيبتي مشتاق لج مشتاق لج مـــووت ودي تكونين يمي وبحضني وعلى صدري وأحس بأنفاسج الدافيه وهمسج ونظرة عيونج ونعومتج ، ودي أسمع صوتها بس أخاف تكون نايمه وأزعجها ، أحسن شي أرسل لها مسج
وكتب رساله:
بشـــفاتي ينام الصـــمت
وعجز نطقي عن الشكوى
يبي يقول بس بهمــــــس
أحبك أحبـــك أحـــــــــبك
فوق مـــا أقــــــــــــوى ...

حبيبتي روان كنت بسمع صوتج بس خفت تكونين نايمه وأزعجج

أحبـــــــــــــــج،،،
أرسلها ونام
ـــــــــــــــــــــــــــــــــــــــــ

نفس الوقت عند روان

كانت بغرفتها وقاعده تبجي بعد الي صار لها مع أخوانها .

سمعت صوت المسج وقامت تفتحه
وشافت مسج طلال حبيبها وابتسمت بلهفه
روان بصوت مبحوح: أحبك أحبك يابعد عمري وأنا مشتاقه لك أكثر، ورفعت تلفونها ودقت عليه


طلال رد بعد رنه متحمس ومستانس: هلا حبيبتي وعمري وحياتي وقلبي ، روان أنا أحبج أحبج صدقيني ندمت بس لا تتركيني
روان ابتسمت بصوت مبحوح وهمس: وأنا بعد أحبك وعرفت أني بدونك وبدون صوتك وأنفاسك أمووووت ، طلال حبيبي أنا ناطرتك باجر الصبح تعال خذني
طلال تشقق من الوناسه: صج يابعد عمري عيل الحين جاي أخذج
روان ضحكت: هههههه الحين الساعه 1 الفجر نام وتعال خذني الصبح
طلال ابتسم: فديت هالضحكه أنا
روان ابتسمت بحيا: طـــلال خلاص عاد
طلال ضحك على حياها: هههه أموت باللي تستحي أنا فديتج خلاص من الصبح بكون عندج

روان: أوكي بااااااي نام وأحلم فيني هههه
طلال ضحك:هههه أوكي باااااي

ـــــــــــــــــــــــــــــــــــــــــ

في شقة فيصل
الساعه 7:30 الصبـــح

ملاك صحت على همس فيصل بأذنها وفتحت عيونها وشافته فوقها وابتسمت
فيصل باس خدها وهمس: صباح الخـــير حبيبتي
ملاك رفعت نفسها وضمته: صباح النور شعندك صاحي قبلي

فيصل بعدها عنه ودفن وجهه بصدرها وصار يتنفس عطرها : مشتاق لحبيبتي وزوجتي فيها شي
ملاك استحت: وأنا بعد مشتاقتلك موووت ، يلا حبيبي قوم خذ شاور وأنا بقوم أحضر لك الريوق
فيصل رفع رأسه وهمس بأذنها: لا اليوم باخذ أجازه وأقعد معاج طول اليوم وبنطلع نتريق ونتغدى ونتعشى برا
ملاك ابتسمت: تسلم لي حياتي أنت وباست خده
فيصل بخبث وعينه على فتحة صدرها لأن قميصها طايح: حبيبي أنتي مو نعسانه
ملاك ما انتبهت: لا
فيصل بخبث ويحرك أصابعه على صدرها: بس أنا نعسان

ملاك توها انتبهت واستوعبت وولعت أحراج وهمست بأذنه: بصير نعسانه بس عشانك ونزلت رأسها وباست رقبته

فيصل ابتسم وقربها له

ـــــــــــــــــــــــــــــــــــــــــ

انتهـــى البـــارت الثالـــث

من قصة
☺ همساتك تذوبني بس ظلمك يعذبني☺

انتظروا البارت الرابع بالكثير من الأحداث المشوقه والمفأجات القوية المدهشه والأكثر رومانسيه

[شموع الكون]

☺البارت الرابع☺


في فيلا أبوطلال
الساعه 8 الصبح كانوا مجتمعين عالريوق

أبوطلال: اليوم ما عندكم دوامات
أميره: شفيك يبه نسيت أن اليوم فيه مؤتمر قمه بالكويت ومعطينا إجازه
أبوطلال تذكر: أيه والله صح
عيل مادام جذي شرايكم بعد ما تخلصون ريوق نروح البحر ونقعد للعصر ونتغدى هناك

جنا وأميره وأحمد بحماس: صج واااااااااو

بنفس الوقت نزل طلال

طلال بابتسامه وجا باس رأس أمه وأبوه: صباح الخير
الكل : صباح النور
أم طلال:تعال تريق يايمه
طلال: لا يمه بروح أخذ روان ونروح نتريق وبعدها نرجع

أم طلال ابتسمت: براحتك يمه

طلال طلع: يلا سلام

☺☺☺☺☺☺☺☺☺☺☺

في فيلا أبو فيصل نفس الوقت

نوف الصبح وهي رايحه المدرسه قطت الظرف بالصندوق ومشت

روان كانت بغرفتها
قعدت من ساعه قامت ودخلت الحمام تتروش
بعد ربع ساعه طلعت لابسه روبها وراحت قعدت جدام المرايه نشفت شعرها واستشورته وخلته طالع على برا ونازل ودهنت جسمها بلوشن مرطب وحطت ميك أب خفيف كحل أسود وماسكرا كثيفه وحددت حواجبها بقلم وبلاشر وردي خفيف وغلوس زهري ناعم
وتعطرت وبعدها قامت لكبتها وطلعت لها بنطلون أسود قماش وضيق بحزام أسود وبلوزه زهريه حرير ربط عالرقبه وصدرها سبعه وحوله كريستال زهري ناعم والظهر نصه عاري
لبستها وجهزت شنطتها وأغراضها وخذت معاها جاكيت أسود ونزلت


تحت بالصاله
الشباب وليد ومساعد وجراح وفيصل الي قط مرته وولده عند أهلها وجا
كانوا قاعدين يسولفون بما أن اليوم عطله

أم فيصل كانت رايحه لمدرسة بنتها لأن اليوم اجتماع الأمهات وهي من النوع الحريص على مستقبل عيالها

طلع أبو فيصل من غرفته

أبوفيصل: ما جت أمكم
جراح: لا يبه تو الناس الأجتماع يبدا بعد ساعه
أبوفيصل: خير عيل أنا بروح أشوف الجريده وأجي
وطلع

بنفس اللحظه نزلت روان متكشخه ومبتسمه: ها أشوف أبو عزوز عندنا وجت باست خده

أخوانها ابتسموا أول ما شافوها

فيصل ابتسم لها: أيه جيت أشوفكم وأقعد معاكم مادام اليوم عطله
مساعد: أشوفج كاشخه بتطلعين
روان ابتسمت: إيه طلال جاي ياخذني

بنفس اللحظه دخل أبوها والشياطين تتناقز جدام عيونه وحده معصب وصرخ: روان

عياله اخترعوا من صوته ووقفوا : شفيك يبه صاير شي

روان ردت باستغراب : أنا هني يبه
أبوفيصل شافها وولع وجا عندها وضربها كف وشد شعرها: طراااااااااخ ، يالفاجره يابنت الكلب هذي أخر التربيه فيج
عياله كانوا واقفين مصدومين
وبس
فيصل تدخل وجا يبعد أخته الي بتموت من الطق: يبه شفيك شصاير وشسوت روان عشان كل هذا
أبوفيصل عصب وبحده وبعد فيصل وصار يرفس بروان الي طايحه ومستسلمه لضرباته : الفاجره بايعة الهوى وأنا أقول ليش طلال تركج عندنا طلعتي خاينه خاينه يالعـ...... أنا أوريج

وليد انجن وجا يبعد روان الي بتموت من الطق وقامت تنزف وشعرها تقطع
مساعد وفيصل وجراح جوا ومسكوا أبوهم
فيصل: يبه شهالكلام حرام عليك تظلمها هذي بنتك
أبوفيصل بغضب: لا تقول بنتي لا بارك الله فيها ، أنا ما عندي بنات تبيع نفسها عشان الفلوس وتفل عليها وقط الصور عالأرض وطلع غرفته معصب

روان كانت طايحه عالأرض وفمها ينزف وشعرها تقطع وانتثر وجسمها تكسر من الرفس والطيحه
وليد كان يقومها وأخذها بحضنه وصار يمسح الدم
روان بعد ما شافت أخوانها شلون مصدومين وهم يشوفون الصور همست بتعب: فــ فيصل
جذب والله جذب وطاحت غشيانه بحضن وليد

أخوانها انجنوا ووليد شالها بيدينه

وليد بخوف: أنا بروح أوديها المستشفى
بنفس اللحظه دخل طلال

طلال مبتسم: الســ وانصدم وجا يركض روان شفيها

فيصل يهديه: طول بالك ما صار شي خلنا ناخذها المستشفى وبعدين تعرف
طلال أخذها من إيد وليد وقلبه يرقع من الخوف وطلع فيها بسرعه
وليد وأخوانها راحوا وراه بسرعه


طلال حط روان بالسياره وحرك بسرعه وطيران عالمستشفى

روان كانت تنزف دم من فمها بسبب الضرب والرفس الي جاها على بطنها

طلال كان يشوفها وقلبه طايح ببطنه وما يشوف من كثرة الدموع
ـــــــــــــــــــــــــــــــــــــــــ

في فيلا أبو سامي
الســـاعه 9:30 الصبح

بالحديقه عند المسبح كانوا وسم وملاك وولدها وسامي مجتمعين وقاعدين يسولفون

ملاك: سامي منت ناوي تتزوج

سامي ابتسم بغرور: إمبلا بس مو أي بنت تناسب مزاااج سامي الــ........
وسم ضحكت: هههه ألعن أم الغرور
سامي ضحك: هههههه
ملاك ابتسمت:وليش ما تخطب أميره بنت حلوه ومثقفه وفوق هذا أخلاق وعمرها 22 ومناسب لعمرك
سامي بنفي: لا لا مابي قرايب أبي وحده أنقيها بمزاجي وتعجبني صج أميره بنت حلوه وما عليها قاصر بس أنا أبي وحده أحبها
ملاك : بكيفك أنت الي بتتزوج مو أنا
عزوز جا لأمه: ماما ماما وشد إيدها
ملاك ابتسمت وشالته بحضنها: هلا حبيب ماما أنت شبتي
عزوز ببراءه أشر على صدرها: هلـــيب
وسم وسامي ضحكوا:ههههه
ملاك ضحكت بحرج: هههه عن إذنكم بروح أرضع ولدي وقامت

سامي بخبث: ما أوصيج انتبهي عليه لا يغص ههههه
ملاك ضحكت وهي تمشي: ههههه لا تحاتي ،إذا تزوجت وصار عندك عيال بتعرف ههه

سامي ضحك وقام نزع بلوزته ونط بالمسبح ـــــــــــــــــــــــــــــــــــــــــ

بالمستشفى وجدام غرفة العمليات
نفس الوقت

كانوا واقفين ينطرون الدكتور يطلع ويطمنهم
طلال كان منهار: ممكن أعرف الســـالفه
فيصل يهديه: تطمن بقولك السالفه بس بالأول نتطمن على روان

بعد ساعه طلع الدكتور

طلال وأخوان روان راحوا له بسرعه
طلال بلهفه: طمني دكتور مرتي شفيها
الدكتور المصري: بصراحه شكلها تعرضت لضرب قامد أوي أدى إلى نزيف شديد من المعده إلى الفم ، أحنا قدرنا نوقف النزيف والحمدلله بس لازمها راحه شديده بالأضافه إلى الرضوض الي بجسمها وتحتاج وقت حتى تخف
طلال تنهد: آآه الحمدلله يعني حالتها مستقره
الدكتور: إيوه الحمدلله ولازمها راحه تامه عشان نتلافى حدوث انهيار عصبي وأنا خليها يومين وححطها تحت الملاحظه وأشرف عليها
فيصل: مشكور دكتور يعطيك العافيه
الدكتور: الله يعافيك ، أنا كنت هبلغ التحقيق بس عشانكو خلاص حسكت ، وسلامتها أن شاء الله
ومشى

بعدها طلعوا روان على سرير متحرك وبيدها المغذي وجهها شاحب والسسترات يدزونها

جراح: أنا بروح أشوفها
مساعد: وأنا بعد رايح معاك
ومشوا
فيصل: طلال تعال الأستراحه أفهمك السالفه عشان نروح نتطمن عليها
طلال راح وياه ووليد معاهم


بغرفة روان
كانت نايمه وأخوانها حولها

جراح بضيق: ماتوقعت أبوي يطق بهالعصبيه
مساعد تنهد: آه أجرم فيها لا وفوقها هذا الكلام الي قاله ما تشيله جبال
جراح: الله يستر وبعدين بعرف منو هالنذل جليل الحيا الي مركب هالصور ودازهم لا وكاتب عليهم
مساعد بقهر: آه لو أعرفه ويطيح بيدي لأذبحه وأخليه يتمنى الموت ، روان روان العاقله يتهمونها بشرفها ، آه ياناس مقهور مقـــهور

روان كانت تسمعهم وحاولت تفتح عيونها
حركت رأسها بضيق وفتحت عيونها وشافت مساعد ونزلت دمعتها: مســ مساعد
مساعد وجراح قاموا لها
مساعد جا عندها وباس رأسها ومسح دمعتها: روح مساعد وقلبه الحمدلله على سلامتج

جراح باس رأسها: الحمدلله عالسلامه يالغلا
روان ابتسمت بكبرياء مجروح: الله يسلمك

بنفس الوقت دخل أبوفيصل معصب
مساعد وجراح تفأجاوا: يبـــه
أبوفيصل بدون نفس : وحطبه
وراح لبنته
روان شافته وصدت عنه
أبوفيصل بحده: لاا ومسويتلي حالج شريفه
مساعده عصب: يبه شهلـ كلام روان بنتك وتربيتك والصور جذب وباين أنها مركبه
أبوفيصل يتطنز: لااا ليكون أنت تعلمني لو ما كان هالكلام صج جان ما عرفنا فيه
روان صرخت: حرام عليك يبه أنا بنتك وتقدر تسأل طلال إذا بينا شي ولا لا
أبوفيصل بحده: حرمت عليج عيشتج أكيد بسأله
بنفس الوقت
دخل طلال معصب ومعاه فيصل ووليد
فيصل تفأجا: يبه شدراك أن أحنا بالمستشفى
أبوفيصل: السايق قالي والتفت لطلال
طلال روان دخلت عليها
روان انصدمت وأخوانها صرخوا: يـــبه
طلال انصدم: الله يهداك عمي شهلـ كلام
أبوفيصل بحده: بتقول ولا أتصرف بنفسي
طلال بهدوء: دخلت عليها
أبوفيصل بغضب: وكانت بكر ولا لا
طلال انصدم وطالع روان الي صرخت: يـــبه حرام عليك

أبوفيصل بغضب: أنتي يامسودة الوجه بتسكتين ولا أجي أكمل عليج
فيصل ووليد ومساعد وجراح كانوا مقهورين وساكتين

أبوفيصل بحده: بتقول ولا أسوي لها فحص عذريه

طلال بحده: لا كانت بكر وهذي أخر مره اسمح لكم تتدخلون بحياتنا الخاصه حتى لو كنت أنت ياعمي
أبوفيصل تنهد: آآآآه أن شاء الله تكون صادق وأكون غلطان ، ومشى

طلال توجه لروان وانحنى لها وباس رأسها: سامحيني يالغاليه غصب عني
روان همست : روح عني
طلال همس: روان حبيبتي آ
روان قاطعته: طلال إذا تحبني خلاص اتركني بروحي الحين

طلال باس رأسها وهمس: براحتج بس برجع لج
وطلع

فيصل جا عندها وساعدها تقوم وسندها عالسرير ومسح دموعها
روان بصوت مبحوح: بالأول طلال شك فيني والحين أبوي

فيصل باس جبهتها: خلاص يالغلا أحنا واثقين منج
وليد: روان حبيبتي شقصدج بأن طلال شك فيج يعني معناتها السالفه قديمه
روان : تذكر قبل العرس بشهر لما ييت من بيت خالتي أبجي وقلت لكم أني تهاوشت مع وسم
وليد : إيـــه
روان بصوت مبحوح: فذاك اليوم كنت قاعده بغرفة وسم وكنا نسولف وبعد ساعه وسم قامت وراحت تجيب عصير ، أنا قعدت بروحي شوي ومليت وقمت فصخت جاكيتي ودخلت بفراشها وتغطيت وفجأه دخل سامي مستعيل وعباله أني أخته وسم وكان يناديها
وسم أبي الــdvd‏ طلال بغرفتي ويبيه
أنا وقتها خفت وارتبكت وما عرفت شسوي وظليت ساكته

واهو رفع اللحاف وانصدم وتأسف مني
فيصل: وبعدين كملي
روان تكمل ونزلت رأسها: مد إيده عشان يقومني وأنا من الخوف كنت متجمده وما تحركت وظليت متمدده وفجأه دخلت علينا وسم وتفأجات وصرخت وظنت أن سامي اعتدى علي وصارت تتهاوش معاه وو
مساعد بنفاذ صبر: إيـــه
روان نزلت دموعها: طلال سمع صراخها وطلع من غرفة سامي لعندنا ولما شافنا انصدم وعصب وجا لسامي وعطاه كف وسمعه كلام وما عطاه فرصه يتكلم أو يشرح وجا لعندي ورفعني بغضب وقال بتتم زواجنا بس عشان عمي يالخاينه وسكتت وصارت تبجي

فيصل انقهر: كل هذا يصير وأحنا ما ندري
مساعد: آه ياروان لو أنج متكلمه من قبل جان عرفت شلون أتصرف مع طلال وأفهمه

وليد رفع رأسها ومسح دموعها وضمها لصدره
روان بصوت مبحوح: بليلة العرس طلال رفضني واتهمني بشرفي وظل أسبوعين ما يحاجيني إلا أخر يوم قبل مانرجع واجهته وفهمته أني برئيه بس بعد شنو بعد ما جرحني وذلني وحلفت له أني محد لمسني ولا بيلمسني إلا اهو وما صدقني إلا لما سلمته نفسي وتأكد بنفسه ، أنا مجروحه مجروحه وصارت تبجي
وليد ضمها وهو مقهور وقعد يهديها
مساعد انقهر ووصل حده وطلع معصب
فيصل بضيق:روان حبيبتي خلاص الي صار انتهى ولازم تنسين وتبدين صفحه جديده

روان: أنا اليوم بس رضيت وكنت مستانسه وبفتح صفحه جديده مع طلال بس أبوي أبوي ياخوي ذبحني
وليد تضايق: روان بس كافي دموع لا تنسين أنج تعبانه ومحتاجه للراحه
روان ظلت فتره تبجي وبعدها سكتت وقامت غسلت وجهها بمساعدة أخوها جراح وبعدها انسدحت ونامت من التعب

فيصل: قوموا خلوها تنام وترتاح
والعصر نمرها
بعدها قاموا طلعوا
ـــــــــــــــــــــــــــــــــــــــــ
على البحر
الســـاعه 1:30 الظهر

كانت الشمس مرتفعه بوسط السما وحاره
أبوطلال وعياله كانوا قاعدين على فراش عند البحر ويسولفون ومستانسين بهالجو
وأول ما حرت الشمس قاموا قعدوا تحت المظله وطلبوا غدى


جنا: الجو اليوم شي بصراحه طلعه روووعـــه ياليت لو كانوا معانا طلال وروان
أم طلال ابتسمت: خليه مع زوجته ياخذون راحتهم لاحقين على القعده معاهم

ـــــــــــــــــــــــــــــــــــــــــ
في فيلا أبوسامي
نفس الوقت


ملاك بالصاله مع ولدها وأمها

أم سامي: ريلج ما بيجي يتغدى معانا
ملاك ابتسمت: إمبلا اهو قالي بيجي والحين بدق أشوفه

ودقت على "نور عمري"

فيصل رد بابتسامه: هلا والله بحبيبتي الي ناسيتني من الصبح

ملاك قامت وراحت الحديقه : هههه أنت بالبال دايم ولا عندك شك بهالشي
فيصل بخبث: لااا بس لو تثبتين لي أفضل
ملاك همست: إذا رجعنا البيت بثبت لك يابعد طوايف ملاك

فيصل ابتسم : عيل غمضي عيونج وبتلاقيني جدامج
ملاك ضحكت وغمضت: هههه أدري تضحك علي شلون جدامي وأنت بالطريج
فيصل الي كان داخل وشافها وجا يمشي لعندها وضمها وهمس بأذنها: افتحي عيونج وبتشوفيني
ملاك فتحت عيونها متفأجاه: متى وصلت ههههه
فيصل قرب أكثر: توني وصلت وجيت لج مشتاق . وباس شفايفها بوسه دافيه رجوليه طويله
ملاك استحت وذابت بين إيدينه ونست أنها واقفه بحديقه بيت أهلها

سامي الي كان جاي من النادي شافهم وابتسم بحرج وقال وهو ماشي عنهم لداخل: أقول يالنسيب لا تنسى نفسك هههههه ودخل

فيصل تو انتبه ورفع شفايفه بهدوء وضحك بحرج: هههههه لا تحاتي
ملاك من الأحراج خشت رأسها بصدر فيصل
فيصل ضحك وضمها:هههه حبيبتي امشي ندخل لا أتهور

ملاك استحت ومشت معاه

دخلوا داخل
عزوز شاف أبوه وجا يركض: بابا بابا ههههههه
فيصل ابتسم ورفع ولده لصدره وباس خدوده بحنان: روح بابا شلونك
عزوز ضحك:ههههه بابا ههههه

فيصل ضحك على ولده إلي للحين ما عنده إلا ثلاث كلمات بابا وماما وهليب: ههههه حبيبي أنت ، وشاف خالته وجا سلم عليها شلونج خالتي شخبارج

أم سامي ابتسمت: هلا فيك يابو عبدالعزيز أنا الحمدلله بخير وأنت طمنا عنك وعن أهلك
فيصل ابتسم: أنا بخير ونعمه طول ما عندي هالزوجه السنعه وأشوف ولدي حشاشة يوفي جدامي ،وأهلي كلهم بخير توني جاي من عندهم ووصوني أسلم عليكم
ملاك وام سامي: الله يسلمهم

بعدها جوا الباقي وقامت ملاك وأمها يجهزون الغدي ووسم جت من المدرسه وراحت تاخذ شاور
أبوسامي نفس الشي جا وسلم على فيصل ودخل غرفته يتسبح

بالصاله ما بقى إلا فيصل وسامي
فيصل بجدية: سامي أنا عرفت باللي صار بينك وبين طلال
سامي بحرج: اعذرني يابوعبدالعزيز الي صار غلط غير مقصود وأنا تأسفت من طلال صج أنه بالبداية زعل بس أمس ببيتكم جا وصالحني لأنه تسرع بحكمه علي وعلى زوجته والحمدلله أنهم تصالحوا

فيصل ابتسم: معذور ياسامي أنت ريال وما ينشك بأخلاقك وأختي وريلها تفاهموا الحمدلله

بعدها نجبوا الغدى وقاموا كلهم يتغدون
ـــــــــــــــــــــــــــــــــــــــــ في فيلا أبوفيصل
الساعه 2:30

نوف جت من المدرسه مستانسه وفرحانه وسوت الي برأسها وسجلت بعرض الأزياء بمركز محلي ويعرض بالخارج، راحت غرفتها تروشت ونزلت مستانسه ولا كأنها سوت شي كبير وظلمت معاها ناس


أم فيصل عيالها قالوا لها أن روان راحت مع زوجها لبيتهم وهي صدقت وبعد الغدى راحت تنام
نوف درت باللي صار من أبوها وفرحت وحست أنها تخلصت من هالعقده لأن أبوها بعد هالسالفه ما بيدلع روان وايد

جراح ومساعد ووليد بعد الغدى قعدوا بغرفة وليد يسولفون

بغرفة وليد
جراح:ما بنقول لأمي
وليد: لاا ماله داعي دام أبوي سكت بعد ما اكتشف أنه غلطان

مساعد: صح وبعدين روان أن شاء الله باجر الصبح تطلع من المستشفى وبتروح بيت ريلها يعني المشكله انتهت وما له داعي نكبرها

ـــــــــــــــــــــــــــــــــــــــــ

بالمستشفى عند روان
الســـاعه 4 العصر

كانت ممدده وسرحانه وودها تقوم بس ما تقدر لأن جسمها يعورها من الرضوض

دخل طلال مبتسم وجا عندها ورفعها وضمها بقوه لصدره وباس خدها: حبيبتي شلونج الحين
روان ابتسمت: محتاجه حضنك عشان أحس بالأمان
طلال ضمها أكثر لصدره وهمس بأذنها: حبيبتي سامحتيني
روان رفعت رأسها وطالعت بعيونه: طلال أنا ما زعلت عليك بالعكس كنت زعلانه عشانك خفت تكون متضايق وخفت أظل بعينك خاينه ، طلال أنا أحبك أحبك
طلال ابتسم وقرب منها وباس شفايفها بوسه طويله ومشتاقه

روان استحت بس كانت مستانسه وتمسكت فيه أكثر

وطلال لما شافها استسلمت وتمسكت فيه كمل توزيع بوساته الساحره على خدودها وعيونها وعنقها ورقبتها

ـــــــــــــــــــــــــــــــــــــــــ

بشقة فيصل
نفس الوقت

ملاك أول ما جوا دخلت غرفة ولدها سبحته ولبسته بيجامه وحطته بسريره ونومته وطلعت


فيصل بالغرفه كان متروش ولابس بيجامة نوم سوده حرير
ومتمدد بالفراش

ملاك دخلت وشافته وابتسمت وجت عنده وهمست بأذنه: بتروش وأجي مو تنام
فيصل ابتسم بخبث: ناطرج

ملاك ابتسمت ودخلت الحمام تاخذ شاور
طلعت بعد عشر دقايق لابسه روبها
قعدت جدام المرايه نشفت شعرها الكاريه وبسرعه صار مبلل ونازل على وجهها بطريقه حلوه
شافت فيصل يطالعها ويبتسم وابتسمت بخبث واخذت اللوشن ودهنت جسمها فيه
وقامت لكبتها وطلعت لها قميص نوم سكري ناعم وحرير قصير لنص الفخذ وصدره علاق وشفاف
خذته ومشت الحمام تلبس

فيصل وقفها: ويـــن
ملاك: بروح ألبس
فيصل بخبث: ألبسي جدامي عادي أنا زوجج
ملاك استحت: ههههه أدري أنك زوجي وحبيبي بعد بس أنا استحي ومشت ودخلت الحمام

فيصل ضحك: ههههههه هين أنا أوريج
ملاك لبست القميص وربطت الروب وطلعت وراحت خذت العطر وتوجهت لفيصل

قعدت عنه وضمته: خذ حط لي عطر
فيصل ضحك: ههههه ما تعرفين تحطين لنفسج
ملاك بأغراء وتسبل عيونها : لا علمني وفتحت روبها
فيصل ابتسم وعجبته حركتها وجذبه شكلها الناعم وقرب منها وحط عطر تحت أذونها وعلى معصم إيدينها وأخر شي حط على فتحة صدرها وهمس: جذي يحطونه
ملاك ذابت من قربه وهمست وهي تدفن رأسها برقبته وتبوسها: فيصل أحـــبك
فيصل ابتسم: وأنا أمووت فيج وقرب منها عشان يبوسها إلا انفتح الباب ودخل عزوز

ملاك ضحكت وتعدلت:هههه خيرها بغيرها
فيصل بقهر: أف ليش ما قفلتي الباب
ملاك ضحكت وهي تشيل عزوز بحضنها: ها عزوز شتبي
عزوز ضحك وأشر على صدرها: هلـــيب هههههه
فيصل ضحك: هههههه أنتي الي عودتيه عالرضاعه الطبيعه
ملاك استحت وضحكت : هههه الرضاعه الطبيعه أحسن للنمو وبعدين كلها شهور وأفطمه. وفتحت قميصها وقربت ولدها من صدرها وصارت ترضعه

فيصل كان يشوفهم وهو مبتسم على حنان الأم لولدها

ملاك: لو تشوفه شلون أحرجني جدام أخوي اليوم سوى فيني نفس الحركه وسامي قعد يضحك علي
فيصل ضحك:ههههههههه ولدي حبيبي طالع على أبوه
ملاك همست: لاااا يعني عاجبك زين عيل
ظلت تقريبا ربع ساعه ترضع ولدها وأول ما حست أنه شبع ونام قامت عدلت قميصها ومسحت صدرها وبعدها شالته ودته لسريره

فيصل كان متمدد وقاعد يشوفها ومبتسم

ملاك دخلت وسكرت الباب وراها وقفلته

وجت عنده وتمددت جنبه وحطت رأسها على صدره

فيصل ابتسم: أشوفج جيتي مو عالأساس زعلتي عشان ولدي حبيبي يشبهني
ملاك همست بأذنه: لأني ما أقدر استغني عن حبيبي وأبو بنتي بالمستقبل وأن شاء الله تكون تشبهني
فيصل ضحك وشدها لصدره وصارت فوقه: ههههه أي بنت

ملاك همست: أبـــي بنت منك . وقربت لصدره وباسته
فيصل انجن على كلامها وقربها منه أكثر ووو
ـــــــــــــــــــــــــــــــــــــــــ

في فيلا أبو فيصل
الساعـــه 7 بالليل


أم فيصل وجراح ونوف كانوا قاعدين بالصاله يسولفون

جراح :يمه شرايج نقول لأبوي نسافر بالعطله مع بعض أحنا وأعمامي
نوف بخبث: أيه يمه تكفين نبي إيطاليا
أم فيصل ابتسمت: ما أدري يايمه بكيفكم إذا جا أبوكم قولوا له
أبوفيصل كان توه داخل وسمعهم: شنو اللي يقولونه

أم فيصل: بيسافرون بعد شهر بالعطله لأيطاليا
أبوفيصل: أنا مفكر بهالشي بس طلعت عندي أشغال ضروريه بس بخلي العيال يسافرون

نوف باعتراض: شمعنى بس اهم
أبوفيصل ضحك: ههههه أنا ما قلت الشباب قلت العيال يعني أنتي وأخوانج وفيصل ومرته بتسافرون إيطاليا وأنا وأم فيصل بنروح المزرعه عشان نرتاح
جراح بنغزه: إيـــه أكيد بتاخذ راحتك مع المدام وتعيد أيام الشباب هههههه
أبوفيصل ضحك:ههههه عيب ياولد استح شهالحجي

ـــــــــــــــــــــــــــــــــــــــــ

في مقهى شبابي
نفس الوقت

كان المقهى متروس شباب مشجعين وحماس وتصفير وهيصه لأن اليوم فيه مباراه بين القادسيه والكويت نهائي كأس سمو الأمير حفظه الله

سامي ووليد ومساعد وأحمد كانوا قدساويه وقاعدين يتابعون بشغف

وطبعا المقهى كان فيه مشجعين الفريقين والأجواء نديه وحماس خصوصا بين أكبر طرفين لأندية المعايير والتكتل.

>> حادثه حقيقه نقلتها لكم وليس تزييف للوقائع

كان الشوط الثاني بنصه والنتيجه 1_ 0 لصالح القادسيه

مساعد بحماس: هجمه هجمه إيه إيه قوو لااااااا ضاعت
وليد: أف ضيعها مساعد

بنهاية الشوط سجلوا الكويت التعادل
مشجعين الكويت صرخوا: هــــــــــــــــــيه
القادسيه بالعكس: لاااااااااااااااا

أحمد بقهر: ياااااه ضيعها نواف بالدقايق الأخيره
سامي بضيق: فيه ترجيحي

بعدها انتهت المباراه بفوز القادسيه بركلات الترجيح ونواف الخالدي اهو الي سجل الهدف
جمهور القادسيه: قـــــــــوووول هيه هيه قادسيه جمهور ردوا علي ، هيه هيــــــه

بالمقهى:
الكويتاويه: لاااااا غش غـــش

مساعد والقدساويه ردوا عليه: هــــــيه هيـــه قادسيه هيه هيه هههههههه
صاروا الجماهير يباركون لبعض والأجواء حدها حماس
وليد ضرب كفه بكف سامي: هههه ألف مبروك علينا اللقب وصافحوا بعض
أحمد بفرحه: يبيلها مسيره وعشى

طبعا جمهور الكويت كانوا حدهم منقهرين من القدساويه وبالذات مساعد الي مشتط وميت فرحه ومسوي دائره ويرقص بوسط القهوه

مساعد متحمس وفرحان بالفوز: بعد عمري القدساويه عيال الفهد فديتهم أنا هيه هيـــه قادسيه
جماهير المقهى يردون وياه وأخوه وليد وسامي وأحمد يطالعونه مبتسمين: هـــيه هيـــه قادسيه أوووووه

واحد من مشجعين الكويت عصب: أصلا خذتوها بالغش والحكم كان وياكم
مساعد ولع وبحده صرخ بوسط المقهى: حبيبـــي أحنا عيال الفهد واللي مو عاجبه يشرب مـــاي البحر
ربعه صفروا بحماس: أوووووه عاشوا عاشوا
وليد ضحك: هههههه حدك قوي
مساعد ضحك بفخر: ههههه قدساوي أعجبك
الكويتاويه تنرفزوا بس سكتوا

بعدها مساعد ووليد وأحمد وسامي طلعوا وراحو مطعم يتعشون احتفالا بالفوز
ـــــــــــــــــــــــــــــــــــــــــ

بالمستشفى
الســـاعه 9 بالليل

روان كانت قاعده تنطر طلال الي طلع يجيب عشى ويرجع

روان تتألم وتحط إيدها على ظهرها: آه ياظهري أحس أعصابي مشدوده آآه وصارت تتلوى بمكانها من الألم

بعد دقيقه دخل فيصل بروحه جاي يتطمن على أخته
وأول ما شافها تتألم خاف وراح لها بسرعه
فيصل: روان حبيبتي شفيج
روان ضغطت على نفسها: آه فيصل أحس ظهري مشدود يعورني ماني قادره أتحرك

فيصل اخترع ونادى الدكتور

طلع ينطر برا والدكتور دخل يفحصها إلا يشوف طلال جاي وبيده أكياس عشى
طلال ابتسم وصافحه: هلا والله أبوعزوز ها أشوفك عند مرتي
فيصل ابتسم:أيـــه جيت أشوفها بس لقيتها تتألم من ظهرها وناديت لها الدكتور والحين اهو عندها
طلال انصدم: نعـــم روان شفيها
فيصل : لا تخاف أكيد من الرضوض والكدمات
بنفس الوقت طلع الدكتور وراح لطلال: أنت زوجها
طلال بسرعه: أيـــه أنا طمني دكتور
الدكتور: ماتخافش بس هـــي شكلها بتتألم من أثر الرضوض والحركه صعبه عليها أنا أديتها أبره مهدئه للأعصاب ودلوقتي حنادي السستر عشان تديها أبره بخصرها وعاوزينك تساعدنا
طلال بخوف: أيه أنا بساعدها ودخل يشوفها اهو وفيصل

روان شافته وبجت: طلال شوفه بيعطيني أبره بخصري قوله أني مابي مابـــي
طلال جا يهديها ومددها عدل: حبيبي كلها أبره وأنا بكون معاج

روان صرخت : فيصل قوله أني أخاف مابي مابي وصارت تحاول تقوم وطلال كان مثبتها

فيصل ابتسم: روان حبيبتي اسمعي الكلام وبعدين غمضي عيونج وماراح تحسين فيها وشاف السستر دخلت وبيدها الأبره ، طلال أنا بروح انطر برا أوكي وطلع

السستر جت وقربت من روان

روان شافتها وانجنت وصارت ترافس وتحاول تقوم وتبجي: طلال حبيبي عفيه بعدها بعدها

طلال تضايق وزعل على حالة حبيبته بس ثبتها ورفع بلوزتها غصب عنها : حبيبتي أنتي خلاص عاد كلها غزة أبره

روان حاولت تصرخ وصارت تضرب طلال على صدره بعنف وهو ما يرد بس بعد لحظات اختفى صوتها وهدت ونامت لأن السستر غزتها أبره وطلعت

طلال بعد ما نامت تركها وعدل بلوزتها وغطاها عدل إلا بدخلة فيصل
فيصل: ها شصار
طلال ابتسم: جننتني غصب ثبتها لا وصارت تحاول تقوم وترافس

فيصل ابتسم وقعد عالكرسي: روان من كانت صغيره تخاف من الأبر وتنجن لو شافتهم
طلال ابتسم: يعني من زمان أنا حسبتها بس الحين عشان بخصرها
فيصل ابتسم: لااا من زمان وللحين ، روان تخاف من شئين الأبره ومنظر الدم تموت لو شافتهم
طلال ابتسم وقعد عند طرف سريرها وانحنى وباس رأسها: بعد عمري ، تصدق فيصل ساعات أقعد أفكر وانقهر عشانها ، تخيل الحين مر على زواجنا بس 3 أسابيع يعني المفروض تكون عروس وحياتها مليانه سعاده
فيصل ابتسم: تعوضها أن شاء الله، مادام تحبون بعض بيكون جدامكم عمر عشان تعيشونه بسعاده
طلال: أن شاء الله أقدر أسعدها وأعوضها عن كل لحظات الحزن الي عاشتها

فيصل ابتسم وقام: يلا أنا أخليك معاها وباجر أمرها إذا ما طلعت

طلال قام سلم: فمان الله يلا سلاااااااااام
فيصل طلع وطلال ظل قاعد عند رأسها وترك العشى عالطاوله
بعد ربع ساعه
روان فتحت عيونها وشافت طلال قريب منها ودمعت عيونها: ليش خليتها تعطيني أبره

طلال انحنى عليها وباس رأسها وخدها ومسح دموعها: حبيبتي الأبره خذيتها عشان ترتاحين وترتخي أعصابج
روان ابتسمت: طلال
طلال ابتسم وهمس: عيونه
روان همست: ضمني
طلال ابتسم ورفعها لصدره وضمها بقوة لصدره
روان استانست وهمست بأذنه: ضمني بعد وخلني على صدرك أحس بالأمان . وباست رقبته
طلال ضمها أكثر لحد ما حس أنه وده يدخلها بضلوعه

ـــــــــــــــــــــــــــــــــــــــــ

بعد مرور أسبوع

روان طلعت بعد ما تشافت وراحت مع طلال لبيتها وبتبدأ شهر عسل يديد مع طلال حبيبها وزوجها

نوف صارت تروح كل جمعه وسبت لمحل عرض الأزياء بحجة أنها تروح تدرس امتحانات نهاية السنه عند رفيجتها

وليد أخوها كان مشدد عليها وهو الي يوديها ويجيبها بس نوف كانت خبيثه أول ما توصل لبيت رفيجتها تطلع معاها بسايقهم وترجع قبل ما يجي وليد بنص ساعه


بشقة فيصل
الســـاعه 5 المغرب


ملاك كانت قاعده بالصاله تطالع تلفزيون ومالها خلق لأنها حاسه بدوخه
فكانت لابسه قميص أسود مقلم بالطول خطوط بيضا رفيعه وحفر وتحته لابسه بدي أسود نص البطن وفاتحه زرين من فوق وبنطلون أسود ضيق وطويل
وعزوز كان قاعد جدامها عالأرض ومطشر الألعاب ويلعب

دخل فيصل مبتسم جاي من برا

راح باس ولده ونزله عالأرض واستغرب لما شاف ملاك قاعده وما انتبهت عليه

جا قعد عندها وباس خدها: شلونها حبيبتي
ملاك ابتسمت وضمته: حبيبتك بخير بس حاسه بدوخه

عزوز شاف أمه تضم أبوه وغار وقام لها يركض: ماما وجا ضربها على ريلها
فيصل مات ضحك: هههههه ولدج يغار
ملاك ابتسمت وشالت ولدها وحضنته: هههه بعد عمري ولدي فديته
فيصل بنص عين ورافع حاجب: لاااا بس ولدج فديته
ملاك ضحكت وعزوز كان بحضنها ويلعب بزرارت قميصها: هههههه لا وأبو ولدي بعد فديته ما أستغني عنه أنا
فيصل ابتسم
ملاك نزلت ولدها وخلته يلعب تحت وقامت
فيصل : وين قايمه
ملاك نزلت وهمست بأذنه: أممم مالك شغل هههه وراحت عنه
فيصل بخبث: هين أوريج وقام وراها

ملاك دخلت الغرفه وراحت غرفة تبديل الملابس ووقفت جدام المرايه وفصخت قميصها وقطته عالأرض ونزلت رأسها الأرض وصارت تحرك شعرها القصير بيدها
فيصل دخل وشافها وابتسم وجا وراها بدون ما تحس ورفعها عن الأرض وصار يدور فيـــها
ملاك تفأجات وصارت تضحك: هههه فوفي حبيبي نزلي أنا بروحي دايخه
فيصل ضحك على شكلها: هههه فوفي وتبيني أنزلج احلــــــمي

ملاك ضحكت وهو يدور فيها: ههههه بتنزلني غصب ورفست ريله
فيصل اختل توازنه وطاحت وطاح فوقها عالأرض وضحك بخبث: ههههه أنا أوريج جنيتي على نفسج هههه وقرب منها وصار يبوسها على رقبتها وعنقها وصدرها
ملاك ولعت أحراج: حبيبي شفيك عزوز بالصاله الحين بيدخل يشوفنا
فيصل رفع رأسه وابتسم: لا تخافين سكرت الباب ومد إيده للبدي عشان ينزله
ملاك استحت : لا لا فوفي حبيبي الله يخليك أنا تعبانه

فيصل ابتسم وما رد عليها
ولا حياة لمن تنادي ـــــــــــــــــــــــــــــــــــــــــ

في جناح طلال
الساعه 6 المغرب

روان دخلت البيت جايه من الصالون مع أميره

دخلت غرفتها تتروش وتتجهز حق طلال لأن اليوم يعتبر بداية جديده
سوت حمام مغربي وحمام اللافندر وشيره وتنظيف بشره وبديكير ومنكير
طلعت من الحمام بعد ربع ساعه انتعاش ولابسه روبها

طلعت لها قميص نوم لونه سكري حرير وعلاق من الصدر وشفاف وفتحته واسعه وطوله لنص الفخذ والظهر عاري

حطته عالسرير وراحت قعدت عالتواليت ونشفت شعرها الطويل وتعبت وهي تستشوره وخلته ناعم وأطرافه لبرا ودهنت جسمها بلوشن معطر وحطت ميك أب برونزي خفيف وروجها برتقالي ذايب على شفايفها
بعدها قامت لبست القميص وتعطرت ولبست فوقه الروب وطلعت تجهز العشى علما يجي طلال

ـــــــــــــــــــــــــــــــــــــــــ
في فيلا أبوطلال
الســاعه 8

أم طلال: أميره يمه روحي الديوانيه وخذي معاج المبخر عيال عمج بيجون بعد شوي

أميره قلبها دق: عيال عمي أبوفيصل
أم طلال ابتسمت: عيل منو يلا روحي بسرعه تراهم جايين بالطريج
أميره قامت: أوكي يمه (وبقلبها فديته مساعد بيكون موجود ببيتنا)

راحت بسرعه خذت المبخر وولعت فحم وحطت فيه بخور دهن عود أصلي


دخلت الديوانيه وما شافت أحد فقعدت تبخر

ظلت تقريب 10دقايق لين حست أن الريحه انتشرت وشالت المبخر وطلعت من الباب إلا تلقى طلال أخوها ومساعد ووليد بوجهها
أميره استحت وتمنت الأرض تنشق وتبلعها
طلال ابتسم: أميره شتسوين
أميره بحرج: أحم كنت أبخر الديوانيه عن أذنكم
مساعد ووليد: شلونج يابنت العم

أميره: الحمد لله بخير
طلال قاطعهم: يلا تفضلوا داخل
طلال ووليد دخلوا
وأميره ظلت واقفه وفاهيه وتطالع مساعد الي ناطرها تبعد عشان يمر
مساعد بابتسامه: أموره بدخل
أميره كانت بتذوب(يقول أموره بعد واااااي ياناس أحبه): أحم أيه صح ادخل وبعدت عنه
مساعد دخل وعلى شفايفه ابتسامه وبقلبه(فديت هالجمال والنعومه أنا)

>> طلعوا يحبون بعض بس محد تجرأ يصرح بمشاعره للثاني

ـــــــــــــــــــــــــــــــــــــــــ

في فيلا أبوسامي
الســاعه 9

كانوا قاعدين على طاولة العشى

أبوسامي: أقول ياعيال شرايكم بهالعطله نسافر السعوديه
وسم بسرعه: لا يبه نبي نروح قطر بشوف أسواقها ومبانيها يقولون صايره تهبل
سامي: صح يبه قطر بالفتره الأخيره صارت وايد متطوره ولو تشوف أسواقهم الجديده تحس أنك قاعد بروما من كثر ما تشوف الأسواق وطريقة بنيانها الحلوه وهذا غير أهلها العسل

أبوسامي ابتسم: قطر قطر أنا أهم شي عندي راحتكم ووناستكم
أم سامي: أنزين مادام أننا بنسافر ليش ما نعزم بيت أبوفيصل وبيت أبوطلال ونروح جميع
أبوسامي: عيال أبوفيصل بيروحون مع فيصل ومرته لأيطاليا وأبوفيصل ومرته وبيت أبوطلال بيروحون المزرعه

وسم: يــاااي وناسه هالعطله بنسافر ونتسوق ونغير جو
سامي ضحك: ههههه لا تستعيلين بعد أسبوعين بتنتهي الدراسه وتبدأ العطله
ـــــــــــــــــــــــــــــــــــــــــ

في فيلا أبوفيصل
نفس الوقت

أبوفيصل بعد العشى راح قعد يطالع نشرة الأخبار
وأم فيصل راحت تكلم بنتها روان
دقت عليها وردت بعد رنتين
روان: هلا والله هلا بالغاليه وتاج رأسي شلونج يمه وشلون أبوي وأخواني
أم فيصل ابتسمت: هلا فيج يايمه الحمدلله أحنا بخير وأخوانج كلهم بخير وترى مساعد ووليد مع طلال ريلج ببيتكم ما شفتيهم
روان استغربت: لا ما شفتهم أنا كنت بالصالون وييت على طول تروشت وقعدت أجهز العشى حق طلال
أم فيصل: أيــه تلقينهم قعدوا بالديوانيه المهم يابنتي طمنيني عنج وعن ريلج عساج مرتاحه ترى طلال خوش ريال
روان ابتسمت: لا تحاتين يمه أنا بخير ووايد مرتاحه مع طلال أصلا اهو مدللني ومو مقصر علي بشي
أم فيصل: زين يايمه عيل أنا أخليج مع السلامه
روان : مع السلامه يمه
وسكرت
ـــــــــــــــــــــــــــــــــــــــــ
عند روان أول ما سكرت دقت على وليد
وليد رد مبتسم: هلا بروونه أختي حبيبتي
طلال بهاللحظه خزه
وليد ضحك وروان قالت بدلع: لاااا أختك حبيبتك وما تقولي أنك موجود عندنا
وليد ابتسم: ههههه شدراج
روان ضحكت: هههه أمي قالت لي ، اسمع تعالوا عندي فوق

وليد طالع بطلال وابتسم: أوكي دقيقه ونكون عندج
روان: ناطرتكم وسكرت

طلال قال: شعندها
وليد : تقول ليش ما تجون عندي ما دام أنكم هني
طلال ابتسم: نروح فوق والعشى زين
مساعد: أكيد اهي مجهزه العشى
طلال: يلا عيل قوموا


عند روان أول ما سكرت راحت جهزت العشى وكانت طابخه محاشي وورق عنب وباستا إيطاليه وتبوله

جهزت الصحون والملاعق وبعدها راحت تشوف نفسها بالمرايه

بنفس الوقت دخل طلال ومعاه وليد ومساعد
مساعد بخبث: الله ريحة الشقه عجيبه بخور وعطور لا وريحة الطبخ بعد آآآه شي عجيب

طلال ضحك: هههه إنزين تفضلوا علما أروح أشوفها

وليد بخبث: لا تتأخر
طلال ضحك ودخل الغرفه


روان بالغرفه كانت واقفه جدام المرايه تتعطر وتربط روبها عدل وطوله لتحت الركبه

دخل طلال وشافها وابتسم وجا عندها وضمها لصدره من ظهرها وباس رقبتها وهمس بأذنها: حبيبتي العشى جاهز

روان ابتسمت: أيه جاهز وبعدين أنا زعلانه منك وزمت شفايفها بزعل
طلال ابتسم على حركتها: ههه فديت الزعلانه شفيج
روان بدلع وتلعب بأزارير قميصه: ليش ما قلتلي أنك ييت وقاعد تحت وأنا فوق أنطرك

طلال بلع ريجه على حركتها ودلعها: ماأدري نسيت ، يلا بدلي وتعالي نتعشى
روان : أبدل ليش
طلال كتف إيدينه وطالعها بخبث من فوق لتحت: بتطلعين جدام أخوانج بهالمنظر
روان ضحكت ومشت عنه: هههه لابسه روب القميص وبعدين عادي
طلعت وطلال ضحك وطلع وراها

روان جت وشافت أخوانها يسولفون وأول ما شافوها ابتسموا
روان جت وباست خد مساعد : مساعد حبيبي اشتقتلك وطاحت بحضنه وضمته
طلال حس بالغيره ومساعد ضمها وضحك: هههههه وأنا بعد مشتاقلج
روان ابتسمت وتركته وراحت لوليد وباست خده وقعدت جنبه: شلونك ولودي
وليد ضحك: ههه كل هالكبر ولودي
روان ضحكت وقامت بتجهز العشى: ههههه أدلعك حرام يعني هههه
مساعد بخبث ويشوفها رايحه: أقول روان شلابسه حضرتج
روان : الي تشوفه هههههه

بعدها حطت العشى وقعدوا يتعشون ويسولفون

بعد العشى قعدوا بالصاله يشربون شاي

روان قامت وقعدت صوب مساعد ومددت وحطت رأسها على ريوله
طلال بغيره: روان قومي عنه
وليد ومساعد ضحكوا: ههههههه

روان ضحكت: ههههه لا عاجبني أحب أحط رأسي بحضن مساعد ورفعت رأسها وحركته على ريول مساعد

مساعد ابتسم لها: روان تدرين بنسافر هالعطله إيطاليا
روان تضايقت وطالعت بطلال

طلال فهمها وابتسم: ومن بيروح معاكم
مساعد: أحنا الشباب ونوف وفيصل ومرته أما أبوي وأمي بيروحون المزرعه مع أهلك
طلال ابتسم: أهاااا خلاص عيل يمكن نروح وياكم
روان تضايقت لأن إيطاليا بالنسبه لها ذكرى سيئه

وليد قام: يلا مساعد نمشي صارت الساعه 11
مساعد قام: يلا عن أذنكم
طلال: وين رايحين خليكم تو الناس
وليد ابتسم: لا تاخرنا وبنخليكم تاخذون راحتكم
طلعوا

روان ظلت بمكانها بس قاعده

طلال سكر الباب ورى الشباب ورجع عندها وقعد وأخذها بحضنه: تضايقتي صح
روان لمته وحطت رأسها على صدره وهمست: أممم أجذب عليك إذا قلت لك لا بصراحه إيه بس أنا الحين مستانسه دام أني بحضنك ولك بروحك
طلال رفع وجهها وطالع بعيونها بحب:حبيبتي أنا قلت بنروح عشان بهالسفره بخلي إيطاليا أحلى ذكرى لنا وبنعيش شهر عسل يديد
روان ابتسمت: أوكي حبيبي خذني معاك لأي مكان بالدنيا

طلال ابتسم وقرب منها وباس شفايفها بلهفه بوسه رجوليه طويله آسره
روان ماتت أحراج بس شدت على قميصه وذابت بأحضانه

طلال بعد حركتها كل الي سواه أنه شالها ودخل فيها الغرفه

ـــــــــــــــــــــــــــــــــــــــــ

انتهى الجــــزء الرابــع

قصة
←☺ همساتك تذوبني بس ظلمك يعذبني ←☺

انتظروا الجزء الخامس بالكثير من الأحداث المفرحه والصادمه والأكثر كوميديه والمليئه بالمفأجات المشوقه والجرأه الجميله

[شموع الكون]

←☺ الجزء الخامس ←☺ا


بعد مرور أسبوعين

بدت العطله وخلصت الدوامات والامتحانات
فيصل ومرته وولده وأخوانه وروان وطلال سافروا إيطاليا مع بعض
أبوفيصل وأم فيصل وبيت أبوطلال راحو المزرعه وقعدوا هناك
أما بيت أبوسامي فسافروا قطر



في طيارة الخطوط الجوية الكويتيه المغادره إلى روما العاصمه الأيطاليه
الساعه 11:30الظهر

روان كانت قاعده مع طلال .
مساعد ووليد مع بعض.
جراح ونوف مع بعض.
وفيصل ومرته وولده مع بعض.
وكلهم بالفرست كلاس

ملاك مسنده نفسها على كتف فيصل وعزوز نايم بحضن أبوه

فيصل يهمس: حبيبتي
ملاك: همممم
فيصل ابتسم: حاس أنج تعبانه
ملاك رفعت رأسها وهمست بأذنه: حاسه أن صدري مضغوط وأذا لمسته يعورني
فيصل كان بيضحك بس كتم ضحكته وهمس:يمكن دورتج الشهريه بتجي
ملاك تذكرت: أوووه صح حبيبي ذكرتني أنا نسيتها من شهر ونص

فيصل ضحك: هههههههههه
ملاك زعلت و ضربت صدره بيده: شحقه تضحك أنا قلت شي يضحك .
فيصل كتم ضحكته: حبيبي زعلتي
ملاك بعدت عنه ولفت ناحية الشباك : لا تحاجيني
فيصل كان بيرد بس عزوز كان يحوس بحضنه ويضحك: هههه ماما ماما وحاول يقوم
ملاك ماردت
فيصل ابتسم بهمس: الحين أنا زعلانه علي أنزين ولدج شكو

ملاك طالعته بخبث: مو ولدك زعلانه عليكم أنتو الأثنين
فيصل ضحك وعزوز عصب: ماما
ملاك ابتسمت وخذته لحضنها: نعم ياروح ماما
عزوز بفرح ويحرك إيدينه بالهوا: هليب
فيصل ضحك: هههه ولدج فضحنا بكل مكان هههه
ملاك ضحكت:هههه عزوز حبيبي مافيه حليب الحين إذا رحنا بيتنا فيه حليب زين
عزوز برفض وصار يضربها على صدرها بأيدينه الصغار وقرب أصابعه من قميصه عشان يفتحه : هليب هليب

ملاك عطته لفيصل وهي تضحك: هههه خذ ولدك فضحني

فيصل ضحك وخذاه وظل عزوز يصرخ شوي وبعدها نام بروحه



جدامهم وعند جراح ونوف

نوف تفكر: الحين هالسفره لازم أستغلها عدل عشان أروح أعرض أزياء عالميه بس لازم أفكر بخطه عشان محد يشك أو يحس فيني وو
قاطعها جراح: نوف المضيفه تسألج تبين شنو عالغدى
نوف ابتسمت: أبي تشكن كوردن بلو مع شبس
جراح : أوكي ولف عالمضيفه: 1 تشكن مكسيكانا و1 تشكن كوردن بلو و2 شبس أوكي
المضيفه : أوكي شي ثاني
جراح ابتسم: لااا مشكوره

المضيفه راحت وجراح قعد يفكر: غريبه أول مره أشوف مضيفة طيران كويتيه بالعاده عرب أو أسيويين بس آآه عليها عيون ذباحه.



جدامهم عند وليد ومساعد

وليد يهمس لمساعد: أبيك تحط بالك من نوف إذا وصلنا
مساعد باستغراب: أوكي بس ليش
وليد همس له: بصراحه روان مره قالتلي أن نوف تطالع أفلام إباحيه وأنا خايف عليها هي مراهقه وبسرعه تنحرف فاهمني
مساعد انقهر وعصب: فاهمك بس هالجلبه أنا أوريها هذي أخرة الثقه فيها
وليد يهديه: شفيك هد أعصابك أنا قلتلك عشان تكون معاي بالصوره وبعدين أنا من شهر مراقبها وما شفت عليها شي


جدامهم وعند عشاق الحب

روان تهمس بأذن طلال:حبيبي طلولي أبيك تاخذني لشلالات أبي أوقف عالجبال وتنزل علي شلالات الماي وتكون معاي وأنا بحضنك
طلال ابتسم وخق : فديت حبيبة طلولي أنا الي تبينه يصير
روان ضمته وابتسمت: أحبك أحبك
طلال ابتسم وهمس: وأنا أموت فيج

وليد من وراهم ضحك: هههه حتى بالطياره عشاق ياربي ترى والله أنا عزابي هههههه
مساعد زهق ضحك وروان استحت وطلال ضحك: ههههه تزوج وتدلعك مرتك محد ماسكك
وليد ابتسم: لاا أنا تو الناس إذا مساعد يبي يتزوج بكيفه
روان تدخلت : ليش تو الناس عمرك 25 ومو ناقصك شي جمال وطول وثقل وعقل شتنطر
طلال تدخل: أشوف تمدحين أخوج
روان وقفت وتخصرت: لااا أخوي وبكيفي وأحبه ولا أنت غيران
وليد ومساعد وجراح وفيصل فجروها ضحك وما اهتموا بالناس: هههههههههههه
طلال بخبث: إيه غيران عندج مانع وشدها له وطاحت بحضنه

روان استحت جدام الناس وضحكت: ههههه أنت ما تشبع حتى بالطياره تاخذني بحضنك

هني طلال وأخوانها الأربعه انسدحوا عالكراسي من كثر الضحك: ههههههههههههه
جراح صرخ: فديت أختي ياناس هههه
فيصل ضحك: هههه اسكتوا ازعجتوا العالم
روان ضحكت وأرسلت لجراح بوسه بالهوا: هههه فديتك أنا

نوف كانت الوحيده الي تضحك مجامله وبنفسها: أف حتى بالطياره ماخذه الجو حضرتها

←←←←←←←←←←←

في مزرعة أبوفيصل بالوفره
الساعه 6 المغرب

أم فيصل وأم طلال كانوا حاطين فرشه وقاعدين بين الزرع وجدامهم دلال القهوه والشاي وصياني الحلو

أم فيصل بابتسامه: إلا بناتج وينهم من وصلنا ما شفتهم
أم طلال ابتسمت: أميره فديتها من أول ما يت تروشت وراحت تحضر كيك وعشى وجنا بالمسبح مع أحمد أخوها
أم فيصل بجديه: إلا قولي لي ياأم طلال أميره ما انخطبت
أم طلال بصدق: لا والله ياأم فيصل هذا هي صار عمرها 22 وللحين قاعده تقول بتشتغل بالأول
أم فيصل بابتسامه لها معنى: ومتى بتشتغل
أم طلال: هي توها تخرجت وأن شاء الله بتقدم على وظيفه إذا فتحوا باب التسجيل
أم فيصل بصدق: بصراحه يا أم طلال أنا أبي بنتج حق وليد ولدي بس ناطره لبعد ما يرجعون من السفر عشان أفاتح أبوفيصل بالموضوع
أم طلال ابتسمت وانشرح صدرها: هذي الساعه المباركه ووليد ريال ما عليه كلام واعتبريها صارت كنتج


عند جنا وأحمد بالمسبح

أحمد كان يسبح وجنا قاعده على طرف المسبح وتلعب بريولها ولابسه جينز برمودا ضيق وبلوزه بيضا علاق

جنا: حموووود متى بتطلع بتسبح

أحمد ضحك: ههههه مطول الماي حلو وبستانس فيه
جنا باحتجاج: حموود حرام عليك صار لك ساعتين تتسبح

أحمد صرخ بضحك: هههه لااا
جنا : ياأخي ضحكي عشاني أنا أختك وبعدين ماتعرف مقولةرائع أن تشعر بمعانات الأخرين والأروع ألا تقف مكتوف اليدين وتبادر إلى مساعدتهم)
أحمد ضحك بصوت عالي :ههههه يعني أنتي الحين تعانين ههههه
جنا بدلع وتحدي: حموود إذا ما طلعت بنزل ومالي شغل فيك
أحمد بتحدي: سويها وأكسر ريلج

جنا باحتجاج: أنا أكبر منك لا تتحداني ها ، وطبت بالمسبح

أحمد ضحك وطلع: هههه أنا أوريج
←←←←←←←←←←←

في فندق الهيلتون بقطر
الساعه 7 المغرب

حجزوا جناح واحد ملكي 3 غرف
بغرفة وسم
كانت توها قاعده من النوم بعد تعب الطياره
فدخلت تروشت وطلعت بعد عشر دقايق نشفت شعرها واستشورته وخلته نازل وحطت ميك أب خفيف كحل وماسكرا وحددت حواجبها بقلم وحطت غلوس وردي شفاف وتعطرت وبعدها لبست بنطلون سكني أسود وبلوزه زهريه نص كم ضيقه وفيها رسومات بألوان مختلفه

طلعت وما لقت أحد قاعد أخوها وأمها وأبوها للحين نايمين فكتبت كرت عند باب أخوها (أنا صحيت ونزلت اللوبي بشرب كوفي _ الساعه 7:30)

خلتها عالباب وطلعت من الجناح ونزلت تحت

راحت عند الكافيه وطلبت لها نسكافيه وخذته وقعدت بطاوله بروحها

قعدت تشرب بهدوء وتطالع الشوارع والسيارات من الزجاج العاكس

قريب من طاولتها كان فيه شلة شباب وعددهم أربعه قاعدين يشربون كوفي ويسولفون ويضحكون بصوت عالي

واحد منهم: شباب شفتوا هالبنوته الوحيده ياحرام تكسر الخاطر شرايكم نروح نونسها

الثاني ضحك بخبث: ههههه شكلها مو حق هالسوالف
الأول: شدراك
الثالث رد: لأنها من أول ما دخلت وعينها بالأرض وما التفت لأحد
الأول بغرور: وإذا طيحتها لكم
الرابع ضحك: ههههه لا تفشل نفسك شكل البنت محترمه

الأول قام : أوكي تشوفون وراح لها

جا عندها ووسم كانت سرحانه

الأول بخبث: مرحبا
وسم باستغراب: هلا مراحب منو معاي
الأول بخبث ابتسم: معاج يوسف ممكن نتعرف
وسم جنت وصرخت: تعرف عليك جني وأخذك وياه ياقليل الأدب ياللي ما تستحي ياعديم التربيه >> ياحرام شرشحته ههههههه
وسم قامت تمشي وربعه فجروها ضحك على يوسف الي تشرشح
يوسف راح وراها وشد إيدها بعنف: أنتي قد الكلام الي قلتيه

وسم نفضت إيدها بقرف وعطته كف: طراااااخ لو ماني قدها ما جدمت عليها ومشت عنه

يوسف بعد تصرفها وقف مصدوم شوي وبعدها ابتسم بخبث وإيده على مكان الكف: لبوه جارحه ويبيلها ترويض

ربعه
الثاني (عادل): بصراحه يستاهل

الرابع (عمر): بنت قويه ومتربيه عدل
شافوا يوسف جا وكتموا ضحكتهم على شكله وآثر الكف

يوسف ابتسم: أنا أوريها جنت على نفسها

>> يوسف وربعه عادل وعمر وبندر طلاب كويتيين يدرسون بقطر
←←←←←←←←←←←

في فندق من أشهر فنادق روما الساعه 4 العصر

حجزوا 3أجنحه ملكي
جناح لطلال وروان (غرفه بحمام وصاله)وجناح لفيصل وملاك وولدهم (غرفتين بحمامين وبلكونه) وجناح لوليد وأخوانه(غرفتين ، غرفه فيها وليد ومساعد وجراح وغرفه لنوف)

وصلوا من ساعه والكل دخل يتروش وينام
بجناح فيصل

ملاك كانت زعلانه على فيصل عشانه ضحك عليها وأول ما دخلت تروشت ونشفت شعرها ولبست بس قميص أبيض واسع حرير بأزره وطوله لنص الفخذ وما لبست إي شي تحته غير شورت أبيض صغير وايد

وفيصل كان متروش ومتمدد عالسرير
ملاك كانت تشوفه بس تتغلا ، تعطرت وطلعت الصاله شالت عزوز ودخلت فيه روشته ولبسته بيجامة نوم ومشطت شعره وعطرته وعزوز كان مبتسم وبس

فيصل كان يطالعها وابتسم: حبيبتي أم عزوز للحين زعلانه

ملاك ما ردت بس ابتسمت وخذت عزوز بيدها وجت قعدت عالطرف الثاني من السرير وفتحت قميصها وقربت ولدها من صدرها ترضعه
عزوز لصق بحضن أمه أكثر وصار يحس بحنانها
فيصل ابتسم وقرب منها وباس خدها وهمس بأذنها: ملاك قلبي متى بيرضى
ملاك استحت وابتسمت وهمست له: أحم إذا عزوز نام أقولك
فيصل ابتسم وظل يطالع منظرها وقلبه مستانس ويرفرف فرح على هالمنظر وهمس: ملوكه أبي بنوته
ملاك ولعت أحراج وابتسمت ونزلت رأسها: أحم تو الناس

بعدها بربع ساعه عزوز شبع ونام على صدر أمه
ملاك بعدت وحطته عالسرير وغطته وبعدها رفعت نفسها وعدلت قميصها
وقربت لفيصل لناحيته وفتحت إيدينها له: ضمني
فيصل ابتسم لها وضمها لصدره

ملاك همست: حبيبي أنا بالطياره كنت أقصد أقولك أني حاسه أني حامل
فيصل تشقق من الوناسه واتسعت ابتسامته ورفع رأسها وطالع فيها: صج ولا تمزحين
ملاك دفنت وجهها بصدره: حاسه
فيصل ابتسم: لازم نتأكد
←←←←←←←←←←←

أما بجناح وليد وأخوانه
الساعه4:30

نوف استغلت فرصة نوم أخوانها وتروشت بسرعه ولبست بنطلون أبيض ضيق وحرير وبلوزه أزرق جويتي حرير والظهر عاري كله وتنربط بخيط بس على شكل ورده
ولبست فوقه جاكيت وخذت شنطتها وطلعت لدار عرض الأزياء عشان المصمم طالب منها صور

←←←←←←←←←←←

أما بجناح العشاق
نفس الوقت
طلال كان قاعد من النوم ودخل الحمام يتروش عشان يطلعون
روان بعد ما تروشت ونشفت شعرها واستشورته وسوته كيرلي كبير على طوله وصار شكلها روووعه
ودهنت جسمها بلوشن وتعطرت بعطر باريسي نفاذ

وراحت طلعت لها
تنوره قصيره حرير واسعه بكسرات لونها أبيض وطولها لتحت الركبه وبلوزه حمرا علاق حرير فتحتها سبعه ولازقه بجسمها وفوقه قميص أبيض جم طويل وربط عالصدر وطلعت بوت أبيض طويل جلد
ولبستهم
وحطت ميك أب خفيف كحل أسود وماسكرا وحددت حواجبها بقلم بني وروج أحمر فاقع ولبست حلق أكسسوار أحمر ناعم
إلا طلع طلال من الحمام لاف الفوطه على خصره
شافها وابتسم وعجبه شكلها الأنثوي الجذاااب المغري البحت

روان بابتسامه: نعيما حبيبي
طلال يتقدم جهتها: ينعم بحالج ، حبيبتي صايره وااااايد وااايد رووعه وجذابه وباس خدها بنعومه مده طويله
روان استحت من منظره: حبيبي بنتأخر
طلال ابتسم وهمس بأذنها: لازم نطلع
روان نست نفسها وحطت إيدينها حول رقبته وصرخت بدلع: إيه أنت قلتلي بتطلعني عفيه حبيبي
طلال انجن على عفويتها وحركتها وقال بخبث وهو يرفعها: حبيبتي بنأجل الطلعه

روان توها تستوعب وصرخت بضحك: هههه لا لااا عفيه حبيبي طلال بتخرب كشختي
طلال ضحك ونزلها عالسرير وسدحها وفتح بوتها وفصخها إياه: ههههه روان حبيبتي تتدلعين وتقولين لا
روان تحاول تبعد بس عقب ما وهقت نفسها: لاا طلول حبيبي عفيه أحبك أحبك أحبك
طلال ضحك وحط إيده على قميصها ونزله وانحنى لمستواها وصار يبوس وجهها ورقبتها

روان ما لقت حل إلا تستسلم
←←←←←←←←←←← في قطر
الساعه 9 بالليل

عايلة أبوسامي كانوا قاعدين بأحد المطاعم الفاخره وطالبين عشى

وبطاوله ثانيه كان يوسف مع ربعه قاعد يراقب وسم

وسم كانت تشوفهم ومو معبرتهم ولا مهتمه أصلا

سامي: يبه شرايك بعد العشى نروح مجمع الــ(....) يديد ووايد حلو
وسم : أيه صح منها نتمشى ومنها نتسوق
أبوسامي ابتسم: خلاص تم أصلا أحنا جايين نغير جو

بنفس الوقت دق تلفون وسم وردت: هلا أموره
أميره ضحكت: هههه هلا فيج ها شخبار أهل قطر
وسم ضحكت: هههه بخير وعافيه ياليت لو كنتو معانا عشان نستانس أكثر
أميره ابتسمت: أممم أي والله تصدقين ودي أقول لأبوي نجي عندكم شرايج
وسم صرخت من الوناسه: صــج فديتج أنا يابعد عمري
أميره ضحكت: هههه صج بس أنتوا جم بتقعدون
وسم بفرحه: لحظه أسال أبوي، يبه أحنا جم بنقعد
أبوسامي ابتسم: شهر
وسم استانست: أوكي ، أموره يقول شهر يعني يمديكم تقعدون أسبوعين بالمزرعه وأسبوعين عندنا
أميره استانست: خلاص عيل أنا أخليج وأروح أشوف أبوي وأقوله سي يو
وسم بلهفه: سي يو ياقلبي

ـــــــــــــــــــــــــــــــــــــــــ في إيطاليا
الساعه 6 المغرب

بجناح الشباب
نوف دخلت بسرعه الجناح وما شافت أحد قاعد وتنهدت: آآه الحمدلله محد صحى للحينهم نايمين ، أمبيه ساعتين تاخرت عبالي قعدوا
وتو بتدخل غرفتها إلا طلع جراح وشافها: نوف وين كنتي شكلج طالعه
نوف بتوتر: أيه صحيت من ساعه وشفتكم نايمين ونزلت اللوبي شربت نسكافيه
جراح بشك: والي ينزل اللوبي يكشخ بهالشكل هذا لبس سهره

نوف ارتبكت: شفيك جراح تحقق معاي وبعدين قتلك رحت أشرب نسكافيه ولا تبيني انزل مبهذله
جراح عصب وجا مسكها من عضدها بقوة وشد عليها: أنا لما اسألج تدرين عدل فاهمه وبعدين ثاني مره لا تطلعين بدون استأذن ولا عاد أشوف هاللبس الماصخ سامعه
نوف خافت منه بس صرخت: لا مو سامعه وبعدين أنت مالك شغل ما تتحكم فيني
جراح فقد أعصابه : أنا مالي شغل ياجليلة الحيا . وعطاها كف طــــرااااخ انقلعي غرفتج بسرعه
على هالصوت قعد وليد وشافهم: شفيكم جراح شعندك عليها شحقه طقيتها
نوف نزلت دموعها وجراح نفض إيده معصب وهي دخلت داخل
جراح بعصبيه: لسانها طويل اسألها شحقه طالعه بدون استئذان تقول بكيفي لا ولابسه لبس نفس وجهها بعد
وليد عصب وراح لها الغرفه ودخل ورفس الباب: نــوف
نوف ماتت من خوفها: آآ هلا
وليد بحده: ثاني مره إذا شفتج طالعه بدون أذن مني ريلج بكسرها وإذا طلعتي تلبسين لبس محتشم سامعه
نوف بخوف وطاعه: أن شاء الله أن شاء الله
وليد حس فيها وجا عندها وضمها بحنان لصدره وهمس: نوف حبيبتي أنتي مراهقه وأختنا الصغيره عشان جذي نخاف عليج
نوف ضمت أخوها وبجت: أدري ياخوي سامحني وأوعدك أن هذي أخر مره أطلع بدون أذنك

وليد ابتسم ومسح دموعها: يلا اهدي وغسلي ويهج وبدلي عشان نطلع نتمشى ونتعشى

نوف ابتسمت بخبث: أوكي
ـــــــــــــــــــــــــــــــــــــــــ
عند فيصل وملاك
نفس الوقت

فيصل : حبيبتي أنا طالع أشوف الشباب وإذا خلصتي تعالي عشان نمشي
ملاك جت وبيدها عزوز الي ملبسته جينز وبلوزه بنفسجيه ومكشخته ومشطه شعره ومعطتره
شالته وعطته لفيصل: خذ عزوز معاك وأنا إذا لبست بجي
فيصل ابتسم : فديته أنا ولدي كاشخ وباس ولده
عزوز ضحك وضم أبوه: هههه بابا
فيصل ابتسم له: ملاك حبيبتي أنا بنطرج عند أخواني لا تتأخرين وباس خدها
ملاك استحت: أوكي
عزوز حس بالغيره على أمه وعصب: بــابا عب عب (عيب)وعطاه كف بريء بيده الطفوليه هههه
فيصل وملاك ماتوا ضحك: هههههههههههههه
فيصل قرص خدود ولده وهو يضحك: هههه فديت العيب أنا ولدج يغــار مني
ملاك كانت زهقانه ضحك: ههههه عطاك كف ياحلات ولدي ههه فديته أنا يغار علي هههههه
فيصل بنغزه ويقزها من فوق لتحت ورافع حاجب: يعني عاجبج
ملاك ضحكت: ههههه أيه وراحت عنه
فيصل ضحك ومشى: ههههه أنا أوريج بعدين ياحبيبتي
ـــــــــــــــــــــــــــــــــــــــــ

عند طلال وروان
نفس الوقت

روان كانت زعلانه من طلال على الي سواه لما خرب كشختها وخرب عليها الطلعه

طلال كان مبتسم ويراضيها: حبيبتي خلاص عاد قلتلج آسف بس قومي
روان زامه شفايفها بدلع: لااا تسوي فعلتك وبعدين تقول آسف خلاص روح بروحك أنا ما أحاجيك وبعدين مالي خلق أتروش وأبدل مره ثانيه
طلال ضحك: هههههه فديت الزعلانه ياناس وقرب منها وأخذها بحضنه وباس خدها وهمس: وإذا قلتلج عشاني
روان ضحكت وضمته: عشانك بقوم بس توديني شلالات
طلال ابتسم وباس خدها: وأنا حاضر بس بالأول نتعشى مع الشباب وبعدها نروح أوكي
روان قامت: أوكي


بعد نص ساعه كانوا الكل جاهزين والتقوا تحت بلوبي الفندق
فيصل: ها وين تبون تعشون
مساعد: نبي باستا بصلصه إيطاليه
وليد: خلاص عيل فيه مطعم حلو امشوا نروح له

راحو مع بعض مشي لأن المطعم قريب من الفندق


وصلوا بعد 10 دقايق ودخلوا وقعدوا بطاولة كبيره حقهم

البنات(ملاك وروان ونوف ) قعدوا جنب بعض
والشباب(فيصل ووليد ومساعد وجراح وطلال) قعدوا جنب بعض جدامهم
وعزوز القائد قعدوه برأس الطاوله
عزوز يضحك: هههه بابا بابا
فيصل ابتسم له ومساعد كان قاعد جنب عزوز فضحك وقرص خدوده: ههههه فيصل ساعات ودي أكل خدود ولدك

فيصل والكل ضحكوا:هههههه

ملاك ابتسمت: مساعد اترك ولدي عنك خدوده أبيهم ديربالك تأكلهم ههههه
الكل: ههههههه
عزوز ضحك وأخيرا نطق: أمو أمو (عمو) هههههه
مساعد انجن عليه وأخذه بحضنه وباس خدوده: أويلي ياروح عمو أنت وأخيرا نطقتها

روان ضحكت وبعفويه : هههه فيصل ولدك بيخليني أغار أبي ولد مثله
الكل ضحك: هههههه
جراح بخبث: جيبيه من طلال ههههه
روان استحت والكل قعد يضحك

أما طلال ابتسم وبنفسه: آه ياروان حطيتي إيدج عالجرح

ملاك تهمس لروان:تدرين روونه أحس أني حامل
روان بحماس: صــج
الكل انتبه عليها
فيصل ابتسم: شعندكم
روان بخبث: سر هههههه
ملاك ضحكت: هههه شفيج روان فضحتينا
روان ضحكت: هههه طلال أبي
نفسها
الكل ضحك ومساعد تحرش: شنو تبين هههه
روان قامت باتجاه طلال وتخصرت: مالك شغل إذا تزوجت أقول هههه
مساعد ضحك: ههه صج أنج ما تستحين
روان راحت لوليد الي قاعد جنب طلال: وليد حبيبي ميخالف تقوم شوي
وليد ابتسم: شحقه
روان تغمز لمساعد: شوف بقول حق وليد هههه وتهمس بأذن وليد بقوله أبي ولد
وليد نقع من الضحك على جرأتها: هههههه أتحداج تقولين وقام
روان ضحكت: ههههه تشوف وقعدت عند طلال الي كان مبتسم لها وقالتله: حبيبي طلولي ملاك عندها ولد والبنوته يايه بالطريج وأنا بعد أبي يكون عندي ولد منك
طلال ابتسم وهمس بأذنها: أجلي الموضوع شوي أحنا تونا ما صار لنا شهرين متزوجين
روان اعترضت: لــيش أنا أبي
طلال تضايق: روان حبيبتي قلتلج أجليه وبعدين خلينا نعيش شهر عسل طويل
روان تضايقت بس طوفتها وكملوا عشاهم بسوالف وضحك

ـــــــــــــــــــــــــــــــــــــــــ

في مزرعة أبوفيصل
الصبح الساعه 10:30

كانوا الكل مجتمعين عالريوق

أبوفيصل: أبوطلال بعد الريوق أبيك بسالفه
أبوطلال : خير أن شاء الله إذا خلصنا نروح نقعد بمكان هادي ونسولف
أم فيصل ابتسمت لأنها تعرف الموضوع وبخاطرها(أن شاء الله بس يوافق وإذا على وليد إذا رجع من السفر أقوله)

أميره : حمووود شرايك بعد الريوق نتسابق بقيات
أحمد ضحك: هههه يعني الحين تبيني أتسابق أنا وياكم
جنا وأميره تخصروا: ليش عيوني مو عاجبينك
أحمد ابتسم: بصراحه لا أشك أنكم تعرفون تتسابقون
جنا بتحدي: خلاص نتحدى وإذا فزنا عليك تنزلنا الديره وتاخذنا السوق ونتسوق على حسابك

أحمد ضحك: هههههه أوكي موافق

بعد الريــوق
أبوفيصل وأبوطلال انتقلوا لداخل الفيلا
أبوطلال: ها يابوفيصل شالموضوع
أبوفيصل ابتسم: والله يابوطلال كل السالفه أن أنا ودي أناسبك وأخطب بنتك أميره حق ولدي وأحنا نتشرف بنسبكم
أبوطلال ابتسم وما سأل عن الأسم لأنه توقع أنه وليد: وهذي الساعه المباركه وأنا عن نفسي موافق وما بلقى لبنتي ريال يصونها ويحفضها غير ولدك بس شرايك نأجلها لبعد ما يرجع الكل من السفر ولوقتها بعطي بنتي فرصه تفكر عدل

أبوفيصل: رأي من رأيك ياخوي
خلاص تم

ـــــــــــــــــــــــــــــــــــــــــ

في أحدى شلالات جزر أيطاليا
الساعه 12 بالليل

روان كانت لابسه جينز سكني أسود ضيق وبلوفر سماوي واسع بخطوط صفر بالعرض وسحاب أصفر مفتوح وتاركه شعرها مفتوح
ومتمدده على أرض الجبل حافة الشلال وحاطه رأسها على صدر طلال الي لابس جينز وقميص أزرق واسع ويطير مع الهوا البارد وقطرات الماي تنزل عليهم وصوت الشلالات والمنظر الطبيعي الآسر

روان بحب: حبيبي عادي أسالك سؤال بس ما تزعل
طلال ابتسم باستغراب: اسألي وشدها له بقوه
روان ابتسمت وطالعت بعيونه وصار صدرها ملاصق لصدره : أنا أبي ولد منك أبيه يكون ولدي شبه منك أبي أحس بمعنى الأمومه أبي أعطيه حناني كله أبي أقربه من صدري وأرضعه أبي أحس أني عشت كل لحظات طفولته من المهد لين يبدأ ينطق ماما وبابا ، طلال حبيبي أنا أبي أتوج حبي لك بولد يكون جزء منك بس أنت ليش رافض
طلال انصدم من كل هالمشاعر الي تحملها زوجته بقلبها الصغير وابتسم وقربها من صدره وضمها بقوه: حبيبتي أنا مو رافض ، تتوقعين أكو واحد ما يبي يكون عنده ولد من وحده حبها وتزوجها وعاشت معاه بكل لحظات عمره إلا إذا كان فيه سبب يمنعه
روان انصدمت ورفعت رأسها باندهاش: يعني أنت آآ
طلال قاطعها: أنا عندي عقم وصار لي سنه أعالج بدون محد يدري بس الطبيب يقول احتمال آآ
روان قاطعتها وحطت إيده على شفايفها وبعيونها دموع: حبيبي خلاص لا تكمل أنا مستعده أعيش معاك العمر كله بدون عيال بس المهم أني أكون معاك بكل لحظات حياتك
طلال ابتسم وباس عيونها الي حابسه الدموع: أوعدج أني أعيشج حياه ما عيشتها بحياتج

روان طالعت فيه وقالت بصوت هامس: أحــبك ، وفتحت أزرة قميصه ووزعت بوساتها على صدره العاري
طلال سكت وبدالها الشعور
ـــــــــــــــــــــــــــــــــــــــــ
انتهى الجزء الخامس

قصــة
¤¤ همساتك تذوبني بس ظلمك يعذبني¤¤

الكاتبه المحبه لكم: يالــيت الحزن لحظه

ترقبوا الجزء الــسادس القادم بقــوه بأحداثه الرومانسيه

















¤¤ الجــــزء الــسادس ¤¤

في قطر
بأحد أسواق ومجمعات قطر الشهيره بتصميمها الرائــــع

الســاعه 2 الظهر

أم سامي: وسم يايمه أنا تعبت من الفراره
وسم ابتسمت: خلاص يمه أنتي اقعدي بهلـ كوفي ارتاحي وأنا بدخل هالمحلات الي جدامج
وإذا خلصت أجي عشان نتغدى أوكي
أم سامي: خلاص أنا انطرج لا تطولين عشان نروح لأبوج وأخوج

وسم : أوكي وراحت دخلت محل بجامات نوم وهالسوالف

صارت تتفرج عالمعروض وشافت بيجامه نوم طقم بناتي كامل مكون من(بلوزه علاق وردي برسمة دبدوب أزرق بأبيض ومعاه شورت نفس الشي + ربطات شعر على شكل شريطه ورديه بدبدوب أزرق + شحاطات (نعول) على شكل فرو ناعم وردي بدبدوب أزرق كبير بالوسط)
وسم ماتت على هالموديل : يــــاااي يينن ييــنن شكله وايد كيوت
يوسف كان مراقبها وقال من وراها بصوت هامس: اخذيه ما يغلا عليج
وسم انصدمت بوجوده: هذا أنت صج ما عندك كرامه الحين شحقه تلاحقني
يوسف ابتسم بخبث: جمالج آسرني وأنتي كله صادتني عطيني فرصه أتعرف عليج يمكن تحبيني
وسم قام قلبها يرقع من نظرة عيونه الجذابه وبسرعه قالت: حبك برص أن شاء الله شايفني وحده صايعه حبيبي أنا وحده أهلي واثقين فيني ومو مستعده أخرب هالثقه على حثالة المجتمع أمثالك
يوسف ما أخذ من الكلام إلا كلمة حبيبي مع أنها سبته: أنا حبيبج يابعد عمري هالطول والنعومه كلها
وسم ارتبكت: أنت واحد ما ينفع معاك الكلام ومشت وخلته وراحت قالت للبايع
لو سمحت أبي من هالموديل أربع بيجايم بألوان مختلفه
البايع: بتأمري بس أديش السايز (المقاس)
وسم: كلهم لارج
البايع : أوكي مدام وراح طلع لها الي تبيه وحطهم بكيس كشخه

وسم دفعت الحساب وطلعت وما عبرت يوسف الي طول الوقت يقزها ويأشرلها


يوسف يهمس لنفسه: شهالبنت ما تعطي أحد ويــه بس حلوه حلوه وماراح أخليها

ـــــــــــــــــــــــــــــــــــــــــ

في إيطاليا

في حديقه رائعه الجمال تطل على منظر آسر وساحر للعيون الي هو برج بيزا المائل

الســاعه 5 المغرب

كانوا الشباب(فيصل ووليد ومساعد وجراح وعزوز هههه) قاعدين بوسط الحديقه عالزرع وتحت شجره ومسوين دائره ويسولفون
أما ملاك ونوف راحو لبحيره موجوده بوسط الحديقه

عند الشباب

عزوز كان قاعد بحضن عمه وليد ويحوس
عزوز يشد بلوزة وليد ويضحك: أمو أمو ههههه
وليد ضحك: ههههه نعم ياأمو (يقلده)
عزوز قام من حضنه ووقف وشد إيده وصار يأشر على واحد ماسك بلونات كبيره ويبيعها : أمــــو
جراح ضحك: هههه يبي بالونه
فيصل اعترض: لا خله يولي لا تشتري له أنا أخاف عليه وابتسم لولده
عزوز عصب وجا لأبوه ركض بخطوات متعثره وقعد بحضنه وعطاه كف بيده الصغيره: بــابــا
مساعد وجراح ووليد نقعوا ضحك: ههههههه
وليد الي كان واقف قعد وإيده على بطنه من كثر الضحك: ههههه عصب عزوز
فيصل هالمره صرخ بوجه ولده: عزوز عيب تضرب بــابــا

عزوز خاف من صرخة أبوه ودمعت عيونه وباس خد أبوه : بابا
>> فديته أنا يتأسف هههههه
مساعد ابتسم: حرام عليك خوفت الولد
فيصل ابتسم على حركة ولده وباسه وعشان يراضيه قام عشان يشتري له بالونات

مساعد بعد ما راح فيصل: حلو أحساس الأبوه
جراح ضحك: هههه تزوج وتجربه

وليد ابتسم: مساعد أنا مأجل فكرة هالزواج حاليا ومستحيل أفكر إلا إذا تطمنت على نوف ببيت زوجها ، إذا تبي أنت تزوج

مساعد تنهد: آآه بصراحه أنا أحب وحده وخاطري أتزوجها

وليد ابتسم: خلاص إذا ردينا الديره فاتح أبوي وأخطبها

جراح بخبث: شسمها حبيبتك
مساعد ضحك: هههه ما راح أقولك اسمها بس يبدأ بحرف الألف

بنفس الوقت جا فيصل وجدامه عزوز الي مستانس ويركض من الفرحه وبيده ثلاث بالونات بأحجام وألوان مختلفه



عند البنات

نوف بمغزى: ملاك شرايج بعرض الأزياء
ملاك ابتسمت: من أي ناحيه
نوف: كمهنه
ملاك بجديه: راح أقولج بالنسبه لمجتمعات كخليج وخصوصا الكويت
نوف بنفسها(وهذا الي أبيه): أوكي
ملاك كملت: أحنا عندنا مهنة عرض الأزياء منهه غير شريفه بالأغلب لأنها تتطلب أن العارضه تكون جرئيه وما عندها حيا وعادي لو تطلع ببكيني أو عاريه جدام الرياييل والكاميرات وهذا غير الي يتم بالخفاء ووراء الكواليس بين المصمم وعارضته الي عادي يقيس لهم ويلبسهم ، أما بالنسبه للاجانب والي يحبون هالمهنه يشوفونها حلوه وفن راقي.
>> للتوضيح هذا رأي الكاتبه الشخصي ولا يمثل أحد غيرها ووجهة نظر قابله للنقد والمعارضه فالاختلاف لا يفسد للود قضيه ولكن دون تجريح.

نوف تحطم أملها بأقناع أهلها بممارسة عرض الأزياء كهوايه: ما أدري أنا أحس أنها فن وذوق وأحبها كهوايه عشان جذي سألتج عنها
ملاك ابتسمت وقامت وقفت على حافة البحيره: الــله الهوا حلو واااايد
نوف ضحكت: هههه انزلي لا تطيحين داخل
وتوها ما كملت إلا تشوف عزوز جاي يركض مستانس ومن السرعه دز ملاك وطاحت داخل
البحيره: طــــــش طش
ملاك صرخت برووعه: هــى
وغاصت داخل
عزوز خاف وبجى وصار يصرخ عند البحيره: آآآ مامــا ماما أهــى أهــى آآآ
نوف انجنت وصرخت بصوت عالــي: مــــــــــلاك .


عند الشباب
وصلتهم صرخة نوف
مساعد خاف: مو جأنه هذي نوف تصرخ
فيصل اخترع وقام: تنادي ملاك وراح يركض وهم وراه


بالبحيره
ملاك ما كانت تعرف تسبح وحاولت بكل قوتها تطلع بس خارت قواها لما دخل الماي أذنها وفمها ووصلتها صرخات عزوز البرئيه
نوف تبجي وعزوز بحضنها يرافس عشان أمه: مــــــــاما ماما أهــــي أهــى آآآآ
بنفس اللحظه وصل فيصل يلهث ونفسه مقطوع من الركض : شفيكــم وما نطر رد لأن شاف ملاك غايصه بوسط البحيره ومغمى عليها
نط لداخل البحيره ووصل لعندها وهو يصرخ بخوف: مــلاك
شالها وضمها لصدره وطلعها على إيدينه مغمى عليها

عزوز كان يبجي بحضن عمه وليد: أمو ماما أهــى أهــى
وليد يهديه وبحنان: خلاص عزوز حبيبي شوف ماما بخير

نوف كانت خايفه وتشاهق من هول الموقف
مساعد بحنان جا يهديها وضمها لصدره: خلاص نوف شوفيها بخير
نوف تشهق: خفت عليها وعلى عزوز

بهاللحظه فيصل كان منزل ملاك عالأرض ويضغط على بطنها عشان تطلع الماي

ملاك كانت تحس فيه ويطلع من فمها كميات كبيره من الماي

فيصل كان خايف موت على حبيبته وزوجته: شافها طلعت كميات كبيره بس ما صحت
ورفعها لحضنه وصار يضرب خدودها بخفه
ملاك فتحت عيونها وشدت على قميصه بضعف وهمست: فــ فيصل أنا تعبانه وغمضت عيونها مره ثانيه
فيصل انجن وقام شالها : شباب تعرفون عياده قريبه
مساعد بسرعه: في ورا البرج بشارع
فيصل وهو يركض وهو يصرخ: يلا وليد بسرعه

راحوا بسرعه ركبوا بسيارة وليد الي ساق فيهم
وفيصل كان قاعد ورى وملاك بحضنه
ومساعد وعزوز وجراح ونوف ركبوا تاكسي وراحو معاهم

ـــــــــــــــــــــــــــــــــــــــــ

في معهد رقص السالسا الأيطالي
الساعه 5 المغرب

طلال كان قاعد بكراسي ومبتسم ويطالع روان الي كانت ترقص على موسيقى إيطاليه

روان كانت لابسه قميص أسود كم طويل ضيق بأزره وبنطلون أسود قماش كتان ضيق وساده

كانت ترقص بحركات متقنه وأغراء وجسمها المشدود ساعدها على الحركه

خلصت الرقصه وطلال صفق لها وكان مفتون بحركاتها
طلال بابتسامه: ها حبيبتي خلصتي نمشي
روان جت عنده واعترضت: لا لا أبي بعد رقصه وحده
طلال اعترض : وإذا قلت لا
روان باست خده: عفيه حبيبي بس هالرقصه
طلال ابتسم: أوكي رقصه وحده بس
روان ابتسمت وبدلع: أوكي بس بفصخ القميص مضايقني
طلال طالعها بنظره خاصه من فوق لتحت: لاااااا
روان ضربت ريلها بالأرض بدلع: مابي أف ليش أنت جذي
طلال ضحك على حركتها:هههه ياهل
روان ابتسمت: أيه ياهل عندك مانع ، عفيه عفيه طلولي حبيبي أنت
طلال ابتسم من كل قلبه عليها: تتفصخين جدام الناس
روان ابتسمت وانحنت له : لا شوف لابسه بدي صغير وبعدين ما في أحد وفتحت قميصها شوي وبان صدرها

طلال انجن على حركتها وأغراه صدرها وعفويتها: روان ترى أحنا بالمعهد مو بجناحنا
روان استوعبت وضحكت: هههههه ياريــــــاااااال وراحت وقفت بوسط الصاله وفصخت قميصها وظلت بالبدي الأسود نص الصدر

طلال ابتسم بخبث على كلمتها
ولما شاف بطنها المشدود وظهرها العاري ذاااب وخق وقام لها
روان كانت ترقص ومو حاسه فيه
طلال شدها له وطاحت بحضنه ووجهها اندفن بصدره
روان تفأجات ورفعت رأسها مبتسمه
طلال طالع بعيونها بنظرات خاصه وبعيونه لمعان وحب غريب
ظلوا مدة عشر دقايق كامله يطالعون بعض بالنظرات
وبعدها طلال قرب منها وباس شفايفها الناعمه بوسه رومانسيه ساحره ملتهبه وضع فيها جميع أشواقه وعطشه

روان ماتت على هاللحظه الي تحس أنفاسها بأنفاس حبيبها وتختلط بريقها ورئتها وتمسكت فيه أكثر
بعد مده
طلال سحب شفايفه ببطء وروان سندت رأسها على صدره وضمته وغنت:
أبــيع العمر من أجلــك
ولا أنــك بس تشوف الهم
أنــا والله من غيــــرك
حبيبي ما أبي سنيــني
تنادني وأجي ملهــوف
وأقول آمــر حبيبــي تم

>> لسعد الفهد

طلال عجز عن وصف مشاعره وعجز عن نطق أي كلمه غير كلــــمة: أحــــــبج
روان دفنت وجهها برقبته وهمست: خذني لحضني وأرويني من نهر حبك ، خذني البيت
طلال ابتسم وهمس بأذنها: أحبج وأعشقج وأهواج أحبج أحبج وباس أذنها

روان ابتسمت وظلت متعلقه فيه ثواني لحد ما دق تلفونه
طلال رد: هلا والله ببو عزوز وينكم
فيصل ابتسم: هلا فيك أنا توني رجعت الفندق ، ملاك طاحت بالبحيره الي جنب الحديقه وانغمى عليها وخذتها العياده وطلعت حامل ويبيلها راحه وتونا رادين
طلال تفأجا وابتسم: صج عيل سلامتها وألف مبروك الحمل ، أنا الحين بجي أشوفها
فيصل : حياك بأي وقت والله يسلمك ، يلا سلاااام
طلال : سلام
سكر
روان بسرعه: شفيك شصاير ومنو حامل
طلال ابتسم: ملاك طاحت بالبحيره وبالمستشفى طلعت حامل ويبيلها راحه
روان ابتسمت وهي تلبس قميصها: ياقلبي عليها امش نروح نشوفها

طلال ابتسم وحط إيده بأيد روان وطلعوا مشي للفندق
وروان أي مكان تشوفه ويعجبها توقف وتصور فيه
ـــــــــــــــــــــــــــــــــــــــــ

بجناح فيصل وملاك

ملاك كانت متمدده بتعب بعد ما خذت شاور يريحها ولبست قميص أبيض لنص الفخذ واسع وبس
جنبها كان فيصل وبوسطهم عزوز الي ما نام إلا بعد مازهق بجي على أمه وما تطمن ألا لما شافها قاعده
ملاك همست وعينها على عزوز: بعد عمري قعد يبجي لين شبع وسمعته يصرخ ويناديني ساعتها ضعفت لما شفته وجاني أحساس أني بتركه بروحه
فيصل قرب منها وانحنى وباس جبهتها بوسه طويله حنونه: الله لا يحرمنا منج يابعد عمري

ملاك ابتسمت وعيونها تلمع: ولا يحرمني منك ، وحطت إيدها على بطنها وصارت تحركها
شفت قلتلك حاسه أني حامل

فيصل مسك إيدها وباسها: بعد عمري أنتي ما تتصورين شكثر فرحت لما دريت أنج حامل حسيت أني بطير من فرحتي لأن عزوز بيصير له أخت
ملاك ابتسمت: شدارك أنها بنت
فيصل بخبث وطالعها: أدري وبس
ملاك فهمته وولعت أحراج: فوفــــــــــــي
فيصل ضحك على أحراجها: هههه عيونــه وقلبه
ملاك ضحكت: ههه خلاص لا تحرجني

ـــــــــــــــــــــــــــــــــــــــــ

بعد مرور أسبوعين

بيت أبو طلال سافروا قطر عند أبوسامي عشان يكملون الصيفيه عنده
إلا أبوفيصل ومرته ظلوا لأنه ما خلص شغله

نوف صارت تستغل الفرص وتطلع لدار العرض تعرض أزياء وتنازلت عن أشياء وايد وصارت جرئيه ووافقت تعرض أزياء شفافه وجرئيه وشبه عاريه لا وتصور بعد وتخلت عن قميها وكونت علاقات من رياييل وايد مثل المصمم وبعض الشخصيات الغنيه الي تحضر عروض الأزياء وصارت تشرب وترقص وتطلع معاهم
>> باختصار ضاعت وضيعت سمعة أهلها

روان بعد كل المواقف الحلوة الي عاشته مع طلال تخلت عن فكرة العيال ولو أنها ظلت تدعي ربها بصلاتها يشفي طلال ويرزقها بولد

مساعد صار يفكر بأميره وايد وقرر أنه أول ما يرجعون بيخطبها

عزوز صار عمره سنه وعشر شهور وبدأ يتكلم وملاك كانت تفكر تسوي له حفله إذا كمل سنتين

وسم صارت من كثر ما تشوف يوسف تحس ناحيته بانجذاب وحب بس عمرها ما بتقبل فيه إذا ظل جذي وما تغير




في قطــــــر
الساعه 12 الظهر

بشقة كبيره أجرها أبوسامي أسبوعين طول فترة أقامتهم وعشان تكفي لهم ولأبوطلال وعياله

وعزمهم عنده عالغدى
أبوسامي: ياحيالله أبوطلال ما بغينا نشوفك ولهنا عليك ياخوي
تو ما نورت شقتي
أبوطلال: الله يحييك ياأبوسامي الديره منور بأهلها

عندالبنات
وسم كانت تقول لأميره وجنا عن يوسف
وسم: تصدقون بنات أنه قليل أدب كل مره يلاحقني وأنا بالبدايه ما أعبره بس بعدين أتنرفز وأزفه لا وأسبه بعد ويرجع يلاحقني
جنا بحماس: لااا حرام يمكن معجب فيج
أميره بقوه: خله يولي زين الي يلاحق بنات الناس بهالطريقه واحد يتسلى وما عنده كرامه بعد ولو معجب مثل ما تقولين جان جا وطق الباب
وسم بتأييد: صح كلام أميره بس تدرون بنات أنا أحس أني بديت أحبه
أميره وجنا بدهشه: تحبيــنه
وسم ابتسمت بخجل: بس هذا مو معناه أني راضيه بطريقته وبنفس الوقت ما أقدر أنكر أعجابي فيــــه

جنا ابتسمت: أنزين اهو قطري
وسم: لا اهو طالب كويتي يدرس بقطر
أميره بخبث: شدراج
وسم ضحكت: هههه لا يروح بالج بعيد قالي وهو يحاول يغريني وياخذ الرقم

ـــــــــــــــــــــــــــــــــــــــــ

في إيطاليا
الساعه 7 الصبح

في دار عرض أزياء لمصمم عالمي

نوف استغلت فرصة نوم أخوانها وجت تسوي عرض

دخلت لغرفة الملابس وشافت كذا عارضه
راحت عند المصمم

(بحط الحوار مترجم بالعربي لأنه بالأنجليزي )
المصمم جاك( اسم مستعار): أهلا روز كيف حالك؟
>> نوف مسميه نفسها روز عشان محد يعرفها
نوف ابتسمت: أهلا بك جاك أنا بخير ، ماذا لديك اليوم لأعرضه ؟
جاك ابتسم وقام طلع لها فستان أصفر بورود صيفيه أبيض وبرتقالي وموديله الظهر عاري كله وينشد بخيط رفيع والصدر فتحته واسعه لفوق السره وطوله لنص الفخذ

نوف ابتسمت وخذته: أنه جميل جدا سأرتديه لتراه
راحت وقفت عند مرايه ولبسته

جاك جا من ورى الستاره وانحنى لظهرها وقعد يسكر لها الخيط
جاك بخبث: أنه يبدو عليك رائعا جدا ويظهر مفاتنك بصوره جميله
نوف ضحكت: ههههه أتقصد أنك معجب بي
جاك انتهى من ربط الخيط ورفع لها رأسه: يعجبني ذكائك

نوف ابتسمت: هيا بنا لتأخذ لي صورا بهذا الفستان
جاك قرب وباس خدها: حسنا ولكن هناك ثمن لمنع عرض هذه الصور ياروز
نوف بدلع ونست معاه كل قيمها: حسنا ليس لدي مانع

ـــــــــــــــــــــــــــــــــــــــــ
في مزرعة أبوفيصل

أم فيصل : أبوفيصل أنا جمعت كل الأغراض
أبوفيصل قام: يلا عيل خلنا نمشي ونرجع لبيتنا

قاموا وركبوا السياره وبنص الطريج
أبوفيصل أخذ تلفونه ودق على ولده فيصل
فيصل رد: هلا والله هلا بالغالي وتاج رأسي شلونك وشلون أمي
أبوفيصل ابتسم: هلا فيك يايبه أنا وأمك بخير ونعمه وتونا بطريجنا للبيت ، أنت شلونك وشخبارك وشلون أخوانك
فيصل: أحنا بألف خير وعافيه وأخواني كلهم يسلمون عليك

أبوفيصل: أيــه يايبه هذول أخوانك لا أوصيك فيهم أنت كبيرهم وديربالك عليهم وبعد عيني مابيهم ينظامون ولا تنزل لهم دمعه وخاصة خواتك وبالذات روان أنا ظلمتها

فيصل خاف: الله يهداك يبه شهالكلام بعد عمر طويل أن شاء الله
أبوفيصل: الواحد مو ضامن عمره ياولدي يلا مع السلامه وسلم على أخوانك
فيصل: مع السلامه يبه

أبوفيصل سكر وطالع مرته: ياااه ياني مشتاق لعيالي وخاصة روان صار لي شهر ما شفتها ، مشتاق لهم ولقعدتهم

أم فيصل: اذكر الله يابوفيصل أن شاء الله بتشوفهم

لا إله إلا الله كانت أخر جمله قالها أبوفيصل وبعدها دخلت عليه شاحنه ودعمته وصار حادث فظيع

ـــــــــــــــــــــــــــــــــــــــــ

انتهى الجــزء السادس

من قصــة:
°○ همساتك تذوبني بس ظلمك يعذبني °○

للكاتبه: ياليت الحزن لحظه