عندي عتب لكني مب زعلانه

[ثلوج دافئه]

يسعد مساكم يا الغوالي



انا بحمد الله تحسنت نفسيتي ورجعت



بس صدمة اليمة وش صاير في المنتدى ؟



شي غريب في مواضيع بدون ردود ؟؟؟؟؟؟؟؟؟؟؟؟ ليش عسى ما شر الكي بورد معطل لاسمح الله ولا شنو ؟؟؟؟



بدخل في العتب على طول


في معاي عضوات بحرينيات


يينا ورحنا ولا في موضوع يبين للمخاليق اللي هني وضعنا في البحرين ؟


لان احنا ما فيه نسيتو انا اهل وبدم واحد ؟؟ ولا خلاص



ما للكلام معنى



على العموم ربي يعيد ذيك الايام الحلوة اللي كنا كلنا روح وحده


كلنا نرد على مواضيع اصدقائنا قبل لا ننزل 7 مواضيع نتضاف لرصيدنا بدون معنى



سامحوني على الكلمتين بس شي بنفسي وقلته



اكيد بيكون عدد المشاهدات 20 والرد 1


:)



حياكم الله



اي احد يبي يحط تظلم حياااااه هههههههههههههه هني صفحة للبوح باذن الله وبدون زعل


<<ثلوج الشريرة :shiny:

[واثق الخطوة]

ويسعد مسااك بكل خير
وحمد الله ع سلامتكم وان شاء الله امووركم تكون تمام
وبالنسبة لكلامك لا تحسبينا انا نسيناكم تراكم دايم ع البال
وممكن انتي اعرف بالشي هذا
وارسلت عليييك وطولتو ما فيه حدا دخل منكم
وكتبت بشريط الاهداء اللي له صله مع اهل البحرين يطمنا علييهم
وان شاء الله ما زالت روحنا وحده وايامنا حلوه
وإذا كان فيه قصوور تقبلي اعتذااارنا
دمتم برعاية الله

[دره الكون]

اهلين حبؤؤبه

منووره

كيفك

وحيا الله اهل البحرين بينا

يينا ورحنا ولا في موضوع يبين للمخاليق اللي هني وضعنا في البحرين ؟


لان احنا ما فيه نسيتو انا اهل وبدم واحد ؟؟ ولا خلاص



ما للكلام معنى

حبيبتي معزة البحرين مو بكم موضؤع او كلمه لا يكفي معزتكم بقلؤبنا = اذا ع الكلام ماراح يؤصل شيء
واعيال بؤ متعب والبحرين ديره وحده يااخت ثلؤؤج

والاؤضاع اللي صارت لكم كنها صايره لنا بالضبط وربي لايعودها من ايام

على العموم ربي يعيد ذيك الايام الحلوة اللي كنا كلنا روح وحده

وبخصؤؤص المنتدى الؤضع ماتغير كلنا رؤؤح وحده وراح نضل ع يد

وحده مثل الاخوان واكثر :)

وربي يحفظنا

اسعدنا تواجدك ربي يسعدك

و مافي عتب بين الاحباب :)

[مجنون M]

ثلوج على طول رجعتي وتبين تتهاوشين

<< نتقابل في الطلعه ههههههههههههههههه

الأوضاع في البحرين شي أليم وانتم في بالنا مارحتوا ابد

بس كيف نتكلم عن اوضاع البحرين واحنا مالنا صلة فيهم

انتم حلقة الوصل بيننا وبين البحرين وكلنا روح وحده ويدين ثنتين << ماراح اعطيكم يدي هههههههه

وبعدين انا كنت مشغول ماااااااره مافضيت << نصااب فاضي ماعنده شغل هههههههههههه

الله يرجع ايامكم الحلوة ويرجع كل شي مثل ماكان واحسن ..

ونوووورتي المنتدى بطلتـــك البهيــــــــــــه واللي كلها عتـــاااب

خلاااص حطي منى امرشا سكرتيـره لك وعطينـا رقمهــا عشاان نتواصل معك

<< ذكي ماشاء الله علي ههههههههههههههه

بس خلي فيفي عبده سكرتيره خاصه لواثق ههههههههههههههههههههههههههههه

طيب خلاااص لا تزعلين وحقـك علينــا بنجيب لك حليب نيااق ( الابل )

بس اهم شي ترضين وش قلتـي موافقه ؟؟؟

[ثلوج دافئه]

وي ترى من شوقي خبصت شوي


معليش سامحوني يا الربع


عاااااااد انا مشتاقه لكم وايد والله


يارب تكون الرجعه حلوة ومييزة ونرجع حركة المنتدى باذن الله


مشكورين حبايب قلبي وما منكم قصور والله وانتو اللي سامحوني على القصور


ولكم بااااااااااااااااااااااااااااااااااااك للكل

[دره الكون]

حصل خير يا ثلؤؤؤج

ربي يسعدك

[حديث الوجدان]

[فقط الأعضاء المسجلين والمفعلين يمكنهم رؤية الوصلات]

[فقط الأعضاء المسجلين والمفعلين يمكنهم رؤية الوصلات]
الحمد لله على السلآمّه ي الـــورديه :cupidarrow:

آخر الغيبات إن شاء الله

ي الله خلينا نشؤف تفاعلك ومسابقاتكّ

با التووووفيق للجمّيع

وإن شاء المولى الغايبين ينورونا برجعتهمّ

ومانفقدهمّ أبد .

ودي قبل ردي

وجــــــــــدآن :icon31:

[فقط الأعضاء المسجلين والمفعلين يمكنهم رؤية الوصلات]

[موج]

السلام عليكم ورحمـة الله وبركاته
هلا ثلوج حياك الله
ومنورة المنتدى

طبعا لسى انتبه للموضوع ..

وبصراحة يمكن انتي كتبتيه وانتي زعلانه :)

لكن حبيت اوضح لك شيء

ثلوج انتي وجميع الأعضاء في قلوبنا

وتأكدي اننا نتمنى لك وللجميع الخير

وماننكر انه ممكن يحصل تقصير تجاه اي احد فيكم ..

موضوع البحرين واللي يصير فيها ..
نتمنى إنه ينتهي .. بأسرع وقت .. والله يكون بعونكم يارب ..

وزي ماهو صاير بالبحرين .. بلدان عربية ثانية تعاني من مشاكل ..
فالله ييسر للجميع الخير ..

المنتدى صحيح يمر بحالة ركود .. لعدة اسباب .. ومنها الإجازة حالياً .. تسبب ركود ..

تأكدي انه احنا نسأل عنك .. ونسأل عنك عن طريق الناس اللي يقدرون يوصلون لك

وأكيد عتبك ماجاء إلا من محبـة ..

وتأكدي إن أحلى الأوقات وأعضاءه لازالوا قلب واحد .. مافيه شيء يفرّقهم :)

الله يوفقك ويحميك

تحياتي لكِ ولشقيقتك برد الثلوج

موج

[بنت ابوي]

هلا وغلا ثلوج نورتي المنتدى
حمدلله على سلامتك ويقولون من طول الغيبات
بس انت الله يهديك دخلتي بدون غنايم
ولايكون في بالك ان احنا نسيناكم ولا
نسيناهل البحرين بالعكس هم اهلناوانا بعدعندي
اهل في البحرين بس الواحدما يقدريسوي شي
غير الدعاءلكم لو احنا ساكتين بس قلوبنا معاكم
وعذريني توني اشوف الموضوع لني ما ادخل دايم لضروف خاصه
ومن ناحية الردود صدقتي في كثيريدخلون ويشوفوالموضوع ويطلعون
من غيرردمع ان احنا نتعب عشان نحط موضوع يستفادمنه بس في ناس ما تقدر
وعذريني للاطالة وارجع اقولك نورتي المنتدى
ويلا وريناهمتك يالغلا
اختك بنت ابوي