تبي ترحل؟ على كيفك توكل

[عشتك خيال]

تبي ترحل ؟على كيفك! توكّل مانِيَ مْناديك
وقبل ترحل أنا طالبك..عينك حطّها بعيني

عسى لا طاحت دموعك تأخر فرْقتك مغليك
واضمّك حيل واهمس لك...... أمانه لاتخليني

أكابـر حـبـّك بـشعري واقول اني انا مابيك
واذا عشت بفقر وصلك أحس الـمـوت يغنيني

واقول أكره طواريّه واعزْ من جاب لي طاريك
مـدام عـيون خـلق الله تبي يـوم وتـعزّيني

جمالك مايشوفونه و طيبة قلبك تـحـلّيـك
سجنت الضيق وان شفتك نزل عفوَ بْـ مساجيني

انا ماعشت لجل آعيش اناعايش عشان أغليك
غلاتك لو ابـَوْزِنـهـا تـكسّـرْ كل موازينـي

كثير اللي يبي يَخْطفك مير آقول مااااااايمديك
وكثير اللي يبيني بس غيرك مايـكـفّـيـنـي

وِ غِيـره غـيـّرتـني لعنبوها كيف ماهي فيك؟
أحـس احـيـان بايعني واحس احيان شـاريني

واغار أحيان من ثوبك وعطر ن مسكنه بيديك
أجل وشـلـون لو تـدله مع غيري وتشكيني؟

واذا حسّيت بي ناسيك لالا مانِيَ بـ ناسيك
حشا لله لو دمّي نسى مجرى شرايـيـنـي

صعيبه!! لو ابنسى يطري فـ بالي عطر يحكيك
عـطـر خـدّك علىْ شْفاتي وباقيّه علىْ يْديني

تبي ترحل ؟مهو كيفك! تخلّيني وانا مغليك!
واذا لزّمت ..لو تسمح عيونك حطّها بعيني.

مما رااق لي ...

عشتك خياال

[عطر خاااص]

ابيااات رااائعه
تشكورااتي طيوب على الاختياار الرااقي
ودي قبل ردي

[شقآوة بنووته]

انتقاء اكثر من رائع
؛
سلمت الايادي