السلام عليكم ورحمـة الله وبركاتـه
صباح الخير والعافيـة على الجميع ..
زاوية جديدة اطرحها لكم من سواليف موج
تفضلوا الشاي :tea:
والعصير هاي المرة كمان :glass: :glass: :glass:
بصراحة تبوون الجد ..
ماصرت الحق :D
ياهي سواليف واجدة :photo:
وعلشان ما نفحط .. نعطي كل موضوع وقته ;)
سالفة اليوم .. سالفة والله حزينة شوي:sad:
وتدل على إن هناك فئة من الناس
انتزعت من قلوبهم الإنسـانيـة والرحمـة .. :brose:
السـالفة كالآتي ..
يوم الخميس الماضي .. كنت مع والدي حفظه الله لحضـور حفل زفاف أحد الأشخـاص
المهم ..
دخل أحد المدعوين .. وقال لي والدي ..
" هذا الرجّـال .. يصير أخ فلان و فلان "
فقلت له : ماشاء الله تبارك الله
فقال والدي : " تدري .. ان هالرجال .. عنده أحد ابناءه أبكم "
فقلت له : " مسكين الله يعينه ويشفيه "
فأكمل والدي حديثه وقال : " المشكلة يا أحمد إنه يدرس في مدرسة خاصة بالصم والبكم هنا
والمشكلة الكبيرة إنه في يوم من الأيـام .. قاموا بتوزيع هدايا ملابس وغيره على الأطفال ..
وكلهم أخذو إلا ابنه .. ، والسبب إنه غير مواطن !! "
يعلم الله إني حسيت بغصّـه في قلبي .. وحسيت الدموع في عيني والله ..
قلت لوالدي : " حرام عليهم .. والله ماعندهم انسـانية .. ولا ضمير .. وحتى إحساس ، يكسرون بخاطر الطفل المسكين .. !! .. حرام عليهم والله "
فقال والدي : " المشكلة انه رجع للبيت وجلس يفهم ابوه انه مااعطوه .. ويسأل ليه مااعطوني والطلاب كلهم اخذوا !! .. لدرجة ان ابوه قال .. لو قالوا لي ادفع قيمتها مستعد ادفع .. لكن يكسروا بخاطر المسكين .. والله حرام "
----------
الشاهد ..
وين الإنسـانيـة .. وين الإسلام ؟؟
او فقط هذه عبارات اصبحت مجوفة من الداخل .. نسمعها ونراها في وسائل الإعلام
لكن في الواقع شيئاً آخر ..
ماذنب هذا المسكين . !! .. ألا ترأفوا لحاله .. ؟؟
سلبه الله احد النعم التي انعم بها عليكم .. ومع ذلك .. تفرّقون به !! ..
حسبي الله ونعم الوكيل .. حسبي الله ونعم الوكيل ..
وشكراً للجميع
عزتي في سمو ذاتي
04-21-2007, 11:48 AM
المشكلة اخوى موج اناحنا المسلمين كلناشعارات بس مانطبق
لونطبق صلحت امورنا
تسلم اخوى ربى يطول عمرك
فعلاً اخوي عزتي في سمو ذاتي
فقط نحنُ مجرد شعارات
أشكرك
:127:
ريومه
04-21-2007, 02:51 PM
ما اعتقد اخوي عزتي انه هالموضوع له علاقه بالشعارات ,, المفروض من باب الانسانيه انهم ما يفرقون هالتفرقه الشنيعه لهذا الطفل المسكين ,,
يعني إذا هو مو سعودي او مواطن لهذيك الدولة يعني هو لازم ينحرم من انه يحس نفسه حاله من حال ربعه إللي معاه ؟!!!
استغرب من الناس إللي يتصرفون هالتصرف بناس مو ناقصين احد يزيدهم هم او تعب او تجريح ,, وللأسف يصدر ها الفعل من ناس المفروض تكون الرحمه بقلبهم كبيره بحكم عملهم ,, بس شو نقول ؟!!!
حسبنا الله ونعم الوكيل ,,
اخوي موج اسمح لي اذكر موقف صار ويا بنت مكفوفه معانا بالجامعة ,,
بس عشان ابين لأخوي عزتي أنه هالموقف ماله علاقة بالشعارات ولا بغيره ,, هذا له علاقه برحم الشخص على المحتاج او الضعيف ,, وهو مبدأ انساني من الدرجة الاولى ,,
مره وانا راده من محاضراتي حصلت بنت يالسه تبكي بقووووووه بالشارع ومعاها بنت ثانية يالسه تحاول تهديها ,, طبعا حالة البنت ساعتها وهي تبكي بطريقه مو طبيعية خلاني اتفضل على البنات وأسأل : "شو صاير معاكم" وبحكم اني بنت قديمه بالجامعة وهم البنات الثنتين مستجدات معانا بالجامعة والسكن ويسكنون بالجناح المقابل لي ,,
المهم: انا سألت البنات تفاجأة البنت المكفوفه تمسك فيني وتقولي "انتي تخصصج تربية خاصة صح" ,, قتل لها هيه ,, وعقب قالت لي طلبتج توديني لمسؤولكم بالكلية مالتج ,, وفعلا وديتها بس ما كنت عارفه السالفه ,, بس اول ما وصلنا للمسؤول ,, طبت مني اني اجلس معاها وتمت هي تتكلم ويا رئيس القسم مالنا ,, وتقوله انا طالبه مستجده مكفوفه ,, ادرس في الاساسي هالحين ,, دخلت الجامعة وما سمحوا لي انه اقدم امتحانات التحدي عشان انا مكفوفه ومو عارفين كيف يقدمون لي الاختبارات ,, طبعا انا انقهرت ساعتها وقلت لها طيب ليش سكتي وما وصليتها للي فووق عشان يمكن انتي تعدي شي من المراحل ,, قالت لي انا قلت الحمدلله انهم قبلوني بالجامعه ورضيت بنصيبي وخلص ,,
عقب سألها المسؤول شو إللي تريدينه مني هالحين وشو المطلوب مني ,, تفاجأة منها وهي تقول له اريدك تطلع حقي من الدكتور فلان إللي يدرس كذا لأنه صارلي اسبوع انا اداوم معاه بالكلاس وهو كل ما يجي ويشوفني جالسه بالقاعه يطردني منها ,,
طبعا البنت تنطرد صارلها اسبوع من محاضراتها ,, وما تحضر المحاضره ولا تعرف شي من إللي يعطيه الدكتور للبنات ,, وجاء على اخر الاسبوع يسوي اكوز للبنات وتفاجأة المكفوفه انه الدكتور يوافق لها انها تمتحن معاهم ,, وحاولت البنت انها تحل إللي تعرف له ,, بس للأسف البنت رسبت لأنه الامتحان كان كله مرتبط بمحاضرات طول الاسبوع إللي هو كان يطردها منه القاعه ,,
من لعانة الدكتور هذا راح وقدم شكوه انه هذي البنت تضايقه بالقاعه ,, وتشتت بأنتباه البنات ,, وانه مستواها تحت المتدني ,, وانه قبولها بالجامعة قرار ماهو سليم ,, واخر شي البنت انطردت من الجامعة بسبت هالدكتور ,, مع العلم ياخوي ياعزتي انه هالدكتور اجنبي او غربي بالاصح ,,
بس القسم مالنا ماسكت عن الموضوع ,, والبنت رجعت لدراستها بس مازالت تتعرض لنفس هالمواقف ومن الدكاتره لاجانب اكثر شي ,,
اسمحولي طولت عليكم ,,
بس انا لو اتكلم من اليوم لباجر بها الموضوع ما راح اعطيه حقه ,,
تحياتي لك اخوي موووج ,, ويعطيك ألف عافية على موضوعك الرائع والانساني ,,
تسلمين أختي لولو على إضافتك الطيبة
وفعلاً شيء مؤسف اللي حصل للطالبة
وهذي هي التفرقة فعلاً
وحتى يكون هو البريء يتهم المسكينة !!
ولاحول ولاقوة إلا بالله العلي العظيم
والعتب يقعُ ايضـا على مسؤولي امثال هؤلاء
شكراً لك
:127:
رادار
04-21-2007, 04:53 PM
يعني وين راحت الإنسانية
ايش ذنب الولد المسكين انه انحرم من الهدايا والملابس ؟
ذنبه ياحبيبي انه (( غير مواطن )) !!!
طيب والإسلام ... خلاص ... معاد له محل من الإعراب
والعرق العربي .....انقطع .. وصار مو معترف به
والعطف على الصغير ... انقرض... وأصبحنا نراه في القصص والروايات
ياترى لو كان الطفل المسكين عايش ببلد غير عربي .. هل بيحصل له نفس الشي؟
آآه ياموج
سالفة تقهر والله
عافاك ربي
Blue Longing
04-21-2007, 04:57 PM
لا حول ولا قوة الا بالله ..
بس المفروض من الابو عشان ما ينكسر خاطر الولد يطلعه السوق ويقول له نق احلا لبس واحلى الهدايه ومايصير خاطرك الا طيب ..
ياترى لو كان الطفل المسكين عايش ببلد غير عربي .. هل بيحصل له نفس الشي؟
طبعا مؤكد لا .. والف لا ..
راح يلاقي كل احترام وتقدير ..
شكراً لك الرادار :rose:
بس المفروض من الابو عشان ما ينكسر خاطر الولد يطلعه السوق ويقول له نق احلا لبس واحلى الهدايه ومايصير خاطرك الا طيب ..
مؤكد أخي طارق إن أبوه سوى شيء يرضيه
ويجبر كسر خاطره :)
فهذا ابوه وماراح يهون عليه
يشوفه مكسور
تحياتي لك
:rose:
،،،ـندريلاٍَالـoـدِينـஐ
04-21-2007, 05:53 PM
يا الله!
حسيت بغصة وانا اقرا كلامك يا أحمد
مسكين والله الولد ياحرااااام
الحمدلله والشكر .. الناس هذولا مالهم اي علاقة بالأخلاق الاسلاميه لا من قريب ولا من بعيد
تذكرت نفسي لمن تخرجت من الثانويه ومعدلي 97%
وما قبلوني لا بجامعه ولا بكليه .. ليش؟؟
اجنبية
وكأنها اثم كبير او ذنب عظيم إني انولدت وما معي الجنسية!!
مانقول إلا حسبنا الله ونعم الوكيل
يسلموو موج
تذكرت نفسي لمن تخرجت من الثانويه ومعدلي 97%
وما قبلوني لا بجامعه ولا بكليه .. ليش؟؟
اجنبية
صارت مع الكثير .. خليها على ربك ..
لا والمصيبة .. الأكبر
على سالفة التعليم
الآن فيه جامعات أهليه صح ؟؟ .. حتى فيها .. مع انهم سواسية
هذولا يدفعون وهذولا يدفعون ..
بس لازالت فيه تفرقة عنصريـة !! ..
الله يكون بالعون بس ..
شكراً لك أم عبدالملك
:rose:
زهرة البنفسج
04-21-2007, 06:28 PM
اخي موج النظر الى الناس بشعوبهم وجنسياتهم هو تخلف ورجعية
لان الاهم شئ هو مايقدمة الانسان من اخلاق بغض النظر عن انتمائه
أنا معلمة وعندى اخت لى فى الله معلمة زميله سوريه والله افضل من الف سعودية
تسلم اخى موج على انسانيتك الرائعة
اخي موج النظر الى الناس بشعوبهم وجنسياتهم هو تخلف ورجعية
لان الاهم شئ هو مايقدمة الانسان من اخلاق بغض النظر عن انتمائه
شكراً لوجودك الجميل أختي زهرة البنفسج :rose:
وبغض النظر عن الجنسيات
مؤكد في كل شعب الصالحين والطالحين ..
ولن يصل احداً إلى درجة الكمال ..
ورائع أن نتعامل وفق تعاليم ديننا ..
وأن لانجعل تلك الفوارق .. فوارق عنصرية قبلية متخلفـة
شكراً لك
وعليكم السلام ورحمة الله وبركاته
غــريبهـ والله يـآموج حنـآ لمـآ كنـآ ندرس، بمتوسط
كـآنو يعطــو اللي مو سعوديـن هدايـآ و حركـآت ويدلعونهمـ لانهمـ مو مواطنين
اتوقع ع حــسب الادارهـ :rolleyes:
وبعـدين شو هو مو مواطــن قـمـة التخــلف :down:
والله حــرآمـ كسرو خاطــرو :bheart:
الوردة البيضاء
04-21-2007, 07:01 PM
السلام عليكم ورحمة الله وبركاته
يعطيك العاااااااااااافية " مـــــــــوج "
وللأسف بنشوف ونسمع مثل هذه القصص كتيييييييييير
الله يكون بعون أصحابها
ويعوضهم كل الخير بحياااااااااااتهم
ويهدي المسؤولين ، اللي ما بيعرفوا شو معنى المسؤولية ، وحقوقها ، وواجباتها .
تحياااااااااتي لك
دمت في رعاية الله
[.الدلوعهـ.][;83869']
اتوقع ع حــسب الادارهـ :rolleyes:
:bheart:
هي بالتأكيـد حسب الإدارة
شكراً لكِ أختي الدلوعة:rose:
الله يكون بعون أصحابها
ويعوضهم كل الخير بحياااااااااااتهم
ويهدي المسؤولين ، اللي ما بيعرفوا شو معنى المسؤولية ، وحقوقها ، وواجباتها .
وعليكم السلام ورحمـة الله وبركاته
اللهم آمين
وشكراً لكِ اختي الوردة البيضـاء
:rose:
مد و جزر
04-21-2007, 07:31 PM
أولا أحب أشكرك أخوي مووووج على هالزاويه اللي فيها الكثير والكثير
وعلى هالموضوع المميز بمعنى الكلمه
فعلا التمييز آفه من الممكن إنها تقضي على مواهب وعلى إبداعات كثيره
لكن للأمانه الشيء هذا مو في كل مكان >> يعني على حسب القائمين عليه
لأن في دور أخرى وفي جهات أخرى للأمانه لا يوجد هناك أي تفرقه
بالعكس جو مليء بالمحبه والعطف من القائمين على الجهه ذاتها
ولكن بالفعل ما حدث للطفل اللذي ذكرت .. شيء يمزق القلب
أسأل الله أن يعوضه بما هو خير
لك خالص شكري ومحبتي
:127::127::127:
لكن للأمانه الشيء هذا مو في كل مكان >> يعني على حسب القائمين عليه
لأن في دور أخرى وفي جهات أخرى للأمانه لا يوجد هناك أي تفرقه
بالعكس جو مليء بالمحبه والعطف من القائمين على الجهه ذاتها
:127::127::127:
كلامك صحيح مدّ وجزر ..
والله يهدي الجميع :)
:rose: