]*[ اوتـــار الــحب ]*[ < رواية سعودية>

[حور الجنان]

السلام عليكم
قصـــة عجبتني وحبيت احطها بهالمنتدى ان شاء الله
تنال اعجابكم ......


نتعرف على اعضاء القصه

وابى تفاعل

لجزء الاول
الفصل الاول
...
بعرفكم اولا بالعوائل
عائلة خالد
الزوجة/ بدريه
الاب/ خالد متوفي من زمان من 15 سنه
الابنه/ سمر عمرها 19 سنه وحيده امها..تخصصها علم الاحياء
عائلة خالد عائلة ثريه تعيش في وسط العاصمه الرياض
وتسافر في اجازات الصيف لخارج السعودية
---------------------------
عائلة عبدالمحسن
الاب/ عبدالمحسن اخته اللي هي بدريه
زوجته/عبير
عندها عيال اللي هم
زياد عمره27 سنه
متزوج وزوجته هنادي حامل هذا اول حمل لها وهي الان في الشهر
السابع
اما ياسر فعمره 23سنه توه متخرج وجلس هالسنه راحة
مجنون في شيء اسمه خيول
مايمر يوم الا ويركب الخيل حقه واسمه(الساري)
البنت الوحيد امل نفس عمرها سمر 19 سنه دايم مع بعض
وهالعائلة تعيش في الرياض
-----------------------------
عائلة سعد
الاب / سعد متوفي من سنتين بجلطه في الراس
وزوجته/ حصه عمرها 46
وبنتهم وحده اللي هي
خوله عمرها نفس عمر سمر وامل 19 سنه
تخصص ادب انجليزي
------------------------------------------
بداية العطله الصيفيه العصر الساعه5:20دقيقه
في بيت خالد كان مجتمع وحاضر ومبسوطين بخطبة ياسر لسمر
كانو فرحانين لهذه الخطبه..

اما في بيت عبدالمحسن

لابس ثوب ومتجهز ومتعطر ومتشخص وجالس
من كثر ماجلس ثوبه تعفط
دخل زياد اخوه/هاه شخبارك ياالعريس
ياسر/الاقول زياد انت كنت متوتر وتحس رجليك بتتكسر واصابيعك مزرقه
زياد/ايه بس اصابعي مازرقت الا حمرت كلنا كذا لازم
جلس ياسر وانسدح على الكنب واخذ يفكر
بعد فتره
زياد ويناظر ياسر ويكلمه وهو شاك/لايكون لابس ثوب الملكه؟؟
ياسر يناظر ثوبه/ايه اجل شلبس
زياد/قم قم قم انت وجهك لابسه من الحين مشفوح عروس
ياسر/نختصر وقت شنسوي..
زياد/ قم لاالنعله تحوس وجهك
ياسر/ ههههه خلاص بقوم
-----------------------------------------
الساعه ست ونص الكل حاضرين ومتجهزين ومتشخصين والحضور مندمجين والكل ينتظر خروج سمر
امل/سمور فستاني حلو؟؟؟
سمر/وووووع
امل/في عينك هذي بدايتها
سمر/ايه من الحين العين حمره
امل/هههههه مانتي هينه
سمر/الاقول شرايك فيني
امل/الله علجمال ماشاءالله عيني عليك بارده يافرحة اخوي فيك
دخلت بدريه واول مادخلت ابتسمت/يالله سمور انزلي
كانت لابسه سمر تركوازي حرير وهادي وطويل ومخصر على جسمها ومن وراء من الاسفل
ذيل طويل وعند نهاية الذيل تكثر وروده بلون الاصفرالمذهب كان الفستان عليه لمعه خفيفه بلون الاصفر
معطتها لمسه خفيفه وهاديه
وفتحة الصدر كانت بشكل السفينه بمعنى عند الكتفين مفتوحين تشبه السفينه او سمكه
وصايره قمر من جمالها ومع جمال الشعر اللي مسرحته ومرفعته كانت بمنتهى الروعه ورقه
عاد صايره بيضه ولون شعرها غجري وعيونها السود اللي معطتها الجمال الكافي والميك حاطته بلون التركوازي طالعه
قمر واحلى من القمر من جمالها
اما امل فكانت لابسه قرمزي مخصر على جسمها وكان هادي هاااااااااااادي ومعطيها حلاوه في هلفستان الراقي
كان مخصر عليها وفيه ستان بلون الاحمر الغامق وملمعه طالع هاااااادي
اما هنادي لانها حامل فلبست جلابيه عنابي بس صايره حلوه فيها
سمر/امول تعالي معاي لاتتركيني
امل مسكت يدها ونزلوا/وشفي يدك ترتجف
سمر/بالله عليك تبيني ارقص لك
امل /اليوم ماكله علي خلاص سمر شئ واقعي وبيصير
سمر/ياربي استحي امل والله استحي
امل/بكره بشوفك تراكضين وراه
سمر/من زينه اركض وراه
امل/طيب ليش وافقتي عليه دام انه مهو زين؟؟
سمر/رحمه وشفقه مني له
امل/بلا هذره زايده اشوف ان احنا طايحين من عينك ماعجبناك
سمر/امول ياربي شوفي وش كثرهم
وقفت شوي ونزلت تسلم عليهم
امها جات لها يالله سمر ادخلي
سمر/مابي
الام/سمر اعقلي وادخلي الرجال ينتظر
سمر/يمه ادخلي معاي
امل جات/سمر للحين مادخلتي
سمر/يعني لو دخلت بتشوفيني هنا امل الله يخليك ادخلي معي
امل/بوصلك وبطلع
سمر/تشمين عطري ريحته حلوه ؟..شكلي مضبوط؟
امل/ وتقرب عندها ووووووووووووع وش هريحه لايكون سويتها
سمر/اااااااااااامل مو فاضيه لك ادخلي معاي
امل/ادخلي ياسمر خلاص اخوي ينتظرك الا ويتصل ياسر على امل
امل/هلا
ياسر/وجع وين صديقتك كانت امه بجنبه ضربته
امل/وجع يدوس بطنك ياثور بتدخل الحين اوف
سكرتها منه
امل/يالله سمر ماصارت
طلعت الام/وش فيك سمر لك نص ساعه مادخلتي يالله
سمر/طيب يالله
امل وامها دخلو فجئه ماشافوا سمر
يالله من هالبنت بعد خمس دقايق دخلت
قامت امل وصلتها للمكان المخصص
ام زياد/الف الف مبروك
بصوت هامس /الله يبارك فيك
ياسر هو عاد قوي وجه اول مادخلت وهو حاط عيونه عليها مابعدهم وهي منحرجه بلمررررره
يناظرها (يالله ماتوقعتها بهلجمال كله ياحظي فيها)
بعد السوالف وزعو الاكل وكلو وعطوهم الشبكه الذهب والماس واخذ الخاتم ولبسها(يافشيله صاير واسع) ولبسها كانت ترتجف
ومرتبكه وخاااااااااااااااااااايفه وهو متردد شوي...وبليبسها العقد كان العقد حلو من الانواع النادره صراحه اختيار حلو وذوووووق
كان صغير العقد بمعني مو طويل
من سوء الحظ انو لازم يقرب منها علشان يسكر العقد قرب شوي
سمر خلاص تحس نفسها متجمده مع كل اقتراب يزيد دقات القلبين يالله لحظه حاسمه
صاير قريب عندها بلمره فجاء يسكرها لمس رقبتها وزاد توتره هي خلاص حست شوي وبيغمى عليها بعد ماسكرها لاحظ
ان وجهها احمررر ولاحظت انو يوم يسكر العقد كان خايف بعدين جلسو شوي قامت امه وامها وامل وتركوهم
سمر تناظرهم بنظرة رجاء لاتروحون وتخلووووووووووني شوي بتقوم معهم بس جلست

كان الفتره اللي جالسين فيها هدوء ساكتين ومنزله راسها
شافته يطل عليها وابتسامه تزيد من وسامه ياسر
ياسر/سمور تستحين مني؟؟نسيتي يوم كنتي صغيره وتقولين يسور انا زوجتك!؟ وقلت لك مابيك
وزعلتي ورحتي تعلمين علي عمتي؟
ضحكت سمر شوي وهي منزله راسها
ياسر/يالله سمور ارفعي راسك
وعطاها الكيك وخذته منها وماكلت
ياسر /سمور انا زهقت
سمر وبصوت خافض /ليش؟؟؟؟؟؟؟؟؟
ياسر/زوجتي ماتسولف معي
سمر سكتت وناظرته
وقتها توقف العالم والساعات وتلاقت العيون
تعمقت داخل الاوراح ابتسم ياسر
ابتسمت سمر بأحراج اخذ ياسر الملعقه وقطع الكيك وناظر سمر وقرب الملعقه لها عند فمها بتردد فتحت فمها
واخذت القطعه الكيك ثم عطاها العصير وشربوا مع بعض
دخلت ام زياد ومعها الخدامه ماسكه الصينيه فيها مأكولات منوعه
ام زياد/يالله يالعرايس اكلو العشاء ناظرت سمر وابتسمت لها وطلعت
ياسر/سمر ماقلتي رايك بالشبكة؟
سمر واخيراً نطقت/حلو
ياسر/اكيد؟؟
سمر/ايه حلو
ياسر/الحمدالله
سمر قربت له الصحن فيه اكل
ياسر بخبث/لقميني!!
سمر فتحت عينها وانحرجت/ان شاءالله
ياسر..بمكر وخبث وهو رافع حاجبه/اكيد زوجك
سمر استحت ونزلت راسها
ياسر/رجعنا
سمر/ههههههههه
ياسر/ يامحلى هالضحكة الرنانه..
وعطته لقمات وهي خلاص منحرجه رايحه فيها بعدها كلت
وخلصو وطلعوا الاهل كل واحدمبسوط
وكانت اسعدهم سمر تتأمل الطقم وترسم عليها امنيات حياتها ومستقبل جديد
وفجأة قطع عليها احلامها كان المتصل ياسر
ياسر/السلام عليكم ياقمر ياسر
سمر/وعليكم السلام
ياسر/ماحبيت انام وماسمعت صوتك
سمر /هههه
ياسر/اقول سمور
سمر/هلا
ياسر/فستانك اليوم يجنن طالعه قمر
سمر/شكرا
ياسر/وانا ماقلتي رايك فيني
سمر/............
ياسر/سمر
سمر/لبيه
ياسر/مارديتي
سمر/ ياسر انااستحي
ياسر/يازين ياسر وهي طالعه من فمك
سمر/.....
ياسر/ياقلبي تستحين؟؟
سمر وهي ميته من احراج وتتقلب على سريرها/ايه
ياسروهو يلف بالكرسي/هههه يالله ماطول عليك جهزتي نفسك
للسفر
سمر/طبعاً
ياسر وهو يوقف عند المرايا/ومتى رحلتكم
سمر/الساعه اربع العصر
ياسر وهو يضحك/مثلنا اكيد بنفس الطياره
سمر /زين
ياسر/اجل ابجلس جنبك
سمر وهي تحط راسها على الوساده/ياسر؟؟
ياسر وهو مغمض عيونه/عيون ياسر
سمر/خلاص
ياسر بضيق/مليتي مني؟؟
سمر/لا
ياسر وهو ماد البوز شبرين/اجل ليش قلتي خلاص
سمر بدلع/استحي والله
ياسر/هههه اوكي اشوفك بكره
وسكرت السماعه
ومنسدحه عسرير وتلمس شعرها بيدها وهي مبسوووووووووووووطه

وشوي الا تدق امل وترفع تشوف الشاشة

امل /مساء االخير والحب
سمر/هههههه مساء النور
امل/سمور ليش جوالك مشغول
سمر/ههههههههههههه ليش تسألين
امل/اكيد الثور
سمر بزعل/ثور بعينك يالدبه
امل/الله تدافعين عنه وينه بس يسمع
سمر/هههههههههه
امل/سمور متى بتمشون بكره
سمر العصر ساعه اربع
امل/زين ونااااااااااسه والله
سمر/عارفه
امل/وجع نقل لك اخبارنا كلها
سمر/هههههههه الحين صرت منكم وفيكم لازم اعرف اخباركم
امل/خلاص خلاص بكره بجلس بجنبك
سمر/اكيد مثل كل مره
امل/طيب بسكرها جاني النوم بااااااااااااااااي
سمر/باااااااااااااااي
ونامت الاميره تحلم بأحلام ورديه
(((العاده الصيفيه لازم تسافر العائله خالد وعبدالمحسن في الاجازه لاي دوله هالمره قرروا يسافرون
نيويورك الا زياد وزوجته لانها حامل فماقدرت تسافر صعب عليها)))
.....
قام ياسروهو لابس بنطلون جينز اخضر وتي شيرت زيتي وشعره مرغى برغوه
ونزل للاستطبل وطلع الساري وركبه لمدة ربع ساعه..
ودخل يفطر..
لقى امه وابوه يفطرون وصبح عليهم وجلس
عبدالمحسن يغمز/هاه يالعريس شلونك اليوم
ياسر/الحمدالله
ام زياد وهي تصب حليب/يما ياسر نزلت شنطتك؟
ياسر وهو ياكل زيتون/تونا
ام زياد بنروح لعمتك ونتغدى هناك متى بنخلص
ياسر والفرحه شاقه حلقه/واللـــــــــــه؟؟
ام زياد ابتسمت/ايه
وياسر مخبي سعادته اليوم بشوفها..ترك الفطور /ان شاءالله يمه
عبدالمحسن/ تعال كمل فطور.. الولد ضاعت علومه
عبير/ هههههههه الله يسعده
عبدالمحسن وهو ماد البوز شبرين/ بس هو وانا لا
عبير بخجل/ ويسعدك ياابو زياد ويطول بعمرك يالغالي
عبدالمحسن/ الله لايحرمني من هالزين الي مصبح اليوم على وجهه
....
راح ياسروجهز اغراضه ومو عارف شيسوي يفكر فيها طول الوقت
بعد ماخلص نزل شنطته وحطها بسياره ينتظر ابوه وامه وامل اللي تأخرو اكثر من ساعه
وطلعو لاام سمر.........
------------
قامت من سباتها الاليم لتجد زوجها الحبيب بجانبها
خالد/ الف مبروووك سارة..جبتي بنت قمر
سارة بتعب/ الله يبارك فيك
خالد/ ها وش نسميها
سارة بابتسامه/ وش رايك؟
خالد/ نسميها خالد!!!
سارة/ وش خالد..انت خالد..كيف نسمي خالد..وهي بنت مو ولد.
خالد بحزن/ نسميها خالد علشان تتذكريني؟
سارة بحزن/ وليش اتذكرك وانتي معي؟
خالد / انتي عارفه اني ميت..واذا سميتي البنت خالد راح تتذكريني
سارة ودموعها على وجهها/ لا لا خالد انت مامت...انت معاي
وتمسك يده..
خالد/ لا يازوجتي لا يالغاليه انا ميت من 15 سنه ولانسيتي؟
سارة/ لا مانسيت..بس انت الحين حي
خالد ابسم لها/وهو يقول بروح
سارة ماسكة يده ونظرة خوف/ وين؟
خالد وهويناظر بحزن/ لقبري اعيش باقي ايامي!!
سارة وسط دموعها/ لا خالد ارجع معاي انت وعدتني تكون معي الى الابد
ويطلع خالد من الغرفه وخياله يتلاشي ببطيء
وتصرخ سارة/ لااااااااااااااااااااااااااااااااااااااااااااااااا ااااااااااااا
...
على هذا الصراخ تقوم سارة من نومها..وتناظر الطرف الثاني من السرير
وتناظر حولها...انا كنت احلم...ايه ...احلم
وترجع بنظرها الى طرف السرير..اشتاقت له ولوجوده
معاها..اشتاقت لبسمته الهادئة..اشتاقت لكل شيء فيه ولكل شيء يخصه
مرت15 سنه وهي وحيده..مرت15 على اخر نظرة واخر كلمه
تركها وراح عنها...بعد ماوعدها انه يكون معها على طووول
تبكيه..وتبكي ايامها معه..حست بالحنين له وبالوحده القاتلة..عاشت
معه سنوات حلوة كلها حب وعطف وموده
وكانوا اسعد زوجين..كيف لا...وهم يرون ثمرة حبهم تنمو..
سمعت ان الباب يضرب فمسحت دموعها علشان تخفي شوي من احمرار عيونها
الام وتمسح دموعها /تفضلي يا سمر
سمر/يمه خالي عبدالمحـ......يمه وش فيك تبكين
وجلست جنبها
الام/لا بس كنت اتثاوب
سمر/يمه لاتحسبيني صغيره ماعرف انتي يمه كنتي تبكين صح؟؟
الام سكتت شوي وحبت تصرف/اي صياح وحده بكبري وش يصيحها قومي بس وقامت ورتبت السرير
وجلست سمر على الكرسي الطويل الانيق
سمر وهي تناظر ابوها من الصور/يمه انتي نادراً ماتتكلمين عن ابوي
الام ابتسمت وناظرت الصور/يعني مثل ايش اتكلم؟؟
سمر/مادري احس انك ماتتكلمين عنه كثييييييييييييييير
الام/ابتسمت لبنتها وجلست جنبها وتنهدت شوي/سمر انتي لازم الحين تفكرين بمستقبلك خليك من هذكريات
يالله جهزتي شنطتك واغراضك؟؟؟
سمر/من زمان يالله انا بطلع بروح اخذ دش
طلعت بدريه ونزلت تحت..
عبير/هلا والله شخبارك وش علومك
بدريه وهي تسلم عليها/بخير الحمدالله انتم شخباركم وش مسوين
عبير/الحمدالله بخير وسلمت على اخوها وجلسوا
امل/عمتي سمر هذي وينها من جينا ماشفنا وجهها لاتكون استحت بس
بدريه/ههههه تلقينها تاخذ لها حمام روحي لها تلاقينها بغرفتها
بدريه/شخبارك ياالعريس وش مسوي
ياسر وخدوده محمره كنه بنت/بخير الله يسلمك وهو يقول بنفسه
(ياربي هذي متى تطلع ابي اشوفها ابي املي عيني من شوفتها)
-----------------------------
امل وهي تطبل بالباب
سمر/هاااااااا امل ادخلي انااعرف طقت الباب لازم تطبلين
دخلت امل وجلست على السرير وفتحت جوال سمر
سمر كانت تمشط شعرها/ياسر موجود..
والتفتت على امل وفتحت عيونها/ اموووول عطيني الجوال..ليش تفتحينه
امل بعدم اهتمام/عادي سمور
سمر/لامو عادي سكريه
امل/ اوكي..
وتوها بتسكر شافت رساله وصلت لسمر/سمور رساله جاتك..افتحها؟
سمر جات واخذت الجوال/ لاممنوع اللمس
امل/ على بالك كاسكو ههههههههههههههه
سمر/ ههههههه وش جابه على بالك
امل/ انتي وحركاتك ههههههههههههه
وقرت الرساله الي كانت من ياسر
((ايه احبك
لا تحسب كلمتي زلة لساااااااان
الغلا مايحتمل شك ويقين
اللسان بساعة الشده حصان
والخجل مايبعده مسح الجبين
معك ينساب الحكي حب وحنان
وكل شده بس قدامك تلين
مابقى للصمت في صدري مكان
ايه احبــــــــــــك قلتها والله يعين ))
ضحكت سمر لا اراديا وناظرتها امل
امل/ اووهوو بدينا سوالف المعاكسات انا طالعه
سمر/ اصبري
امل/ لابطلع اخاف تنتقل لي العدوة
سمر/ ان شاء الله
امل/ سمور تبين الفكه مني؟
سمر ببرائة/ لا
امل/ خلاص قولي الله لايفرقنا
سمر/ امين
ونزلت امل وجلست مع عمتها وامها
اما سمر ردت علي رساله ياسر
((تبقى حبيبي مثل ماكنت أناديك !
وتبقى حروف اسمك بقلبي معاني ان جيتني بقولك يا مرحبا فيك !
وبحرسك في عيوني وداخل كياني وان رحت عني بدعي الرب يحميك !
ويحفظ حبيبي لو حبيبي نساني!!))
كان في هالوقت ياسر جالس مع ابوه في المطار يرتبون اوراقهم
فما انتبه للرساله..ولماجات الساعه 2.30 تغدوا
وعلى الساعه 3.15 مشوا للمطار
عبدالمحسن و بدرية وسمر بسيارة
وياسر وامل وعبير بسيارة
...
وصلوا الامطار
وجلسوا فيه نصف ساعه..
الحريم في كراسي ومقابلهم عبدالمحسن وياسر
ياسر كان عارف لبس اخته الي كانت لابسه
تنورة ورديه..وناظر الي قدامه لاحظ انها لابسه تنورة بني خشبي
وحركاتها متوترة تاكد انها سمر..اه ياسمور الله يصبرني هالفترة
مااقدر اشوفك ولا اكلمك..بالمقابل كانت سمر واقفه عند الكفاتيرا وتراقب ياسر
ومتضايقة منه كيف يناظر هالبنت صدق قليل ادب ومايستحي اوريه الخبل
جات امل ومعها عصير/ سموور
سمر/ هاه
امل/ الي ماخذ عقلك يتهنا به
سمر/ الله لايهنيه
امل/ افا ليش؟
سمر وهي معصبه/ شوفي الاخ الكريم وهو يقزز البنت الي قدامه
امل / وين؟؟
وحطت يدها على فمها/ يامصيبتي لايكون يظنها انتي؟
سمر وهي متخصره/ انا واقفة هنا؟ عميان ماشوف؟
امل/ ياغبيه وش عرفه انك هنا؟
سمر انحرجت صدق كيف يعرف انها هنا وسكتت
امل/ ها سمور مارديتي
سمر وهي تصرفها/ الله يهديه بس
امل/ وهي ميته ضحك/ امين ههههههههههههههه

نهاية الفصل
..
اتمنى تعجبكم البداية
..
ماهي توقعاتكم في الطيارة؟
ومتى يعرف ياسر انه يناظر البنت الغلط؟
ومن تكون هالبنت الي يناظرها؟ وهل لها علاقه بالقصه
ام انها مجرد بنت ناظروها بالمطار
..


حـــــــــــور الجـــــنان

[حور الجنان]

الفصل الثاني
النداء الاخير لرحلة نيويورك
قامت البنت صاحبة التنورة البنيه ودخلت البوابة6
وكانت رحلة العايلة في بوابة6 فقام ياسر بعد ماقامت البنت ودخل وراها
وهو يمشي وراها ويكلمها بس ماعطته وجه
ياسر/ سمور وقفي!!
البنت ساكته وهي تمشي للطيارة
ياسر..مسك ذراعها ووقفها
التفتت البنت وهي معصبه/ بلا قله ادب
وضربته بشنطتها الصغيرة وتركها/ هين سمور!!
وقف والتفتت وراء يشوف اهله وينهم!!
شاف امل وسمر واقفات وحده متخصرة والثانية تضرب برجلها الارض
طبعا هم متغطيات..بس عرفهم بشنطة امل الي على شكل ميكي ماوس
وفتح عيونه!! من البنت الي تكون مع امول!! طيب من هي البنت الي كنت ماسكها
والله وجاك الموت ياتارك الصلاة..
امل/ ياسر وش تسوي؟
ياسر وهو منحرج/ هاه....ولاشي
مشت سمر ومرت من عنده ولاعطته وجه ودخلت الطيارة
ياسر/ لحظة..انا......
امل/ خلاص لاتحاول تصلح غلطتك!! لانك خربتها
ياسر وهو يوضح لها/ والله ماقصدت
امل وهي تقرب منه/ هي ملاحظتك من البداية..جب عذر مقبول
وراحت عنه..وهو مازال واقف مروا عليه البقية
ودخل معهم..كان رقم امل23 وجنبها عبير في الوسط..وسمر25 على جنب اليمين
وياسر25 جنب سمر..عبدالمحسن22 وجنبه بدرية..
سمر شافت المضيفه تأشر لياسر على مكان سمر..زعلت وتضايقت يجلس جنبي
وانا اشوف يعاكس وحدها ثانية..لامستحيل..وراحت لامل وطلبت تبديل مكانها
ورفضت امل..حتى تعطيهم فرصة يتصالحون..وكانت الطيارة على وشك الطيران
وهي تحاول في امل..بس امل راكبه راسها..وزعلت وراحت مكانها..ولقت الخاين جنبها
حاولت تمسك نفسها ومرت من عنده ودخلت..طبعا ياسر كان على الطرف..
وسمر عند الشباك....ابحرت في عالمها..وتقلبت في افكارها..ترمي بها الهموم يمنه ويسره
كان نظرها مخترق الطيارة وممتد لبعيييد..بعيد عن جو الطائرة..وكان واضح عليها التفكير من فتحة نقابها
وفجأة لاحظت البنت صاحبة التنورة البنية قدامها في الكرسي..وبسرعه لفت على ياسر وتشوف هو مشغول في ايش
لقته يتأملها هي(سمر) انتبه لها وانتبهت له بعدت عينها للجهة الثانية لانها لو طولت بالنظر كان سامحته على الي سواه
اما ياسر بعد التفات سمر نزل نظرة لحضنه وهو يفكر كيف يفهمها..بعد الاقلاع فتح جواله وشاف رساله
فتحها..وعرف انها من سمر..اي سمر الي جنبه وقراها((تبقى حبيبي مثل ماكنت أناديك !
وتبقى حروف اسمك بقلبي معاني ان جيتني بقولك يا مرحبا فيك !
وبحرسك في عيوني وداخل كياني وان رحت عني بدعي الرب يحميك !
ويحفظ حبيبي لو حبيبي نساني!!))..ياه لو كانت هالكلام الي بالرساله صحيح
راح اكون اسعد انسان..ياحبي للبنت الصغيره..
وطلب اعاده ارسال وارسل لها (
طول . ' 12' .
الوقت 3--/--9
أفكرفيك ' . 6 . '
أرحمني الله يخليك.)
ورن عندها تنبيه الرسائل وفتحتها وقرتها
ضحكت داخل نفسها..وردت عليه
(لا تحسب ان القلب هام وضمنته..
نذر علي ان ذلني ما اعترف فيه..)
هو متلهف ينتظرها ولما وصلت هالرساله
تضايق اي ذل تتكلم عنه..المسألة مسأله غلطه..وقلبتها علينا ذل!!
التفت لها وباعلي صوت/ اي ذل تتكلمين عنه هاه؟؟
الكل ناظر مصدر الصوت مابين متعجب..وبين منحرج..وبين واحد مافهم
سمر لفت للجهه الثانية وقالت ببرود/ لاتسوي فضايح مو ناقصين!!
لاحظ الحركة الي سواها واحمر وجهه وجلس ومسك جريده وحاول يقراها
بعد ربع ساعه..قام ياسر لدورة المياة ورجع وجلس يناظر سمر الي كانت تقلب في جوالها
ماتمنى احد منهم يوصل الامر للي وصل له..كل واحد رسم ليلة الامس اجمل كلام
واحلى نظرات..لكن!!!
ياسر وهو يناظر بحنيه/ سمر..
سمر تناظر ببرود/ نعم!!
ياسر/ سمور انتي قاصده الكلام الي بالرساله؟
سمر انصدمت منه..معقوله يكون حساس لهدرجة..مانسى السالفه..ظل يفكر فيها!!
ياربي ليتني مارديت عليه..لا وهالنظرات الي تخلي الواحد يندم ياربيه!!
ياسر/ سمر وين رحتي..مارديتي علي..قاصده ولا..لا!!
سمر بتردد وبصوت هامس/ لا ماقصدت
ياسر/والله!!
سمر/ اي
ياسر بفرح وهو يرفع ايده/ الحمدلله..الحمدلله >> هالولد فشله
سمر/ خلاص خلاص فشلتنا
ياسر/ وانتي كل كلمه والثانية فشلتنا..خليني اعبر عن فرحتي
سمر/ هههههههههههههههههههههه
ياسر/ هذي ثاني مره تضحكين
سمر/ لايكون انت حاسبة وانا ماادري
ياسر/ لا كمبيوتر خخخخخخخخخخ
سمر/ ههههههههههههههههههههههه
وجات المضيفه وعطتهم شاهي كاس ماء
.................
خوله وهي تقوم امها/يما..يما
حصه/ لبيه يما
خوله/ يما قومي اشربي الدوا
حصه/ وينه؟
خوله/ لحظة..
ونادت المضيفه وطلبت منها كاس ماء
وعطته امها وشربت دواها
خوله/ الله يعافيك
حصه/ ويعافيك يابنيتي
خوله/ يما..ترا مانبي نطول هناك
حصه/ ليش؟
خوله/ احتمال ماالاقي بنات في سني اسوي صداقات معهم
حصه/ ان شاء الله بتلاقين..بنات خالك موجودات هناك.
خوله/ نشوف..ثم نحكم..
..................................
قامت سمر من النوم بسبب الام في بطنها
ظلت تترحقص مكانها..ودها تقوم للدورة المياة..وماودها تقوم ياسر
كان يطلع منها اصوات لاارادية..ومع الاصوات صحى ياسر
وناظرها ماسكه بطنها بقوه..مسك يديها/ سمر وش فيك؟
سمر في وسط الامها..والدمعه بعينها/ ماادري..بطني يعورني
ياسر بخوف/ قومي..يلا قومي دورة المياة
وقامت بشويش ومسكها وراح معها..لاحظت امل الي صار مع ياسر وسمر
وقامت وراهم..دخلت سمر وسكرت الباب وجلست تستفرغ
وياسر واقف متوتر جاته امل وهي خايفة
امل/ وش عندكم؟
ياسر متوتر/ ماادري قمت من النوم وشفتها تتلوى من بطنها
امل/ طيب وش السبب؟
ياسر معصب/ اوهو امول اسكتي قلت لك ماادري
امل وهي خايفة سكتت وننتظر سمر تطلع
طولت سمر وماطلعت ودق عليها ياسر الباب وماردت
يرجع يدق وهو متوتر/ سمر افتحي الباب..سمر..
امل بقلق/ سموور حبيبتي افتحي الباب
عصب ياسر من سمر ويرجع يدق الباب
ببعد فترة فتحت الباب وباين التعب في ملامحها
امل بلهفه/ ها سمور سلامات..وش فيك؟
ياسر واقف ينتظرها تجاوب
سمر تقلب نظرها بين ياسر وامل
سمر بخجل/ استفرغت
ولفت وجهها من الجهه الثانية بسبب الاحراج
ياسر/ وش السبب؟
سمر/ احتمال من الاكل الي اكلته بكفاتيرا المطار
امل متحيره/ احتمال
ياسر/ مره ثانية لاتاكلين شيء من مطاعم غير موثوقه
سمر وهي بردانه/ ان شاء الله
امل بنظره/ من الحين اوامريلا سلام
ياسر/ امل!!
امل/ باااااااي
وراحت عنهم ورجع كل واحد مكانه
*************************
بعد نصف ساعه..
ياسر ناظرسمر..ومسك يدها ولقاها بارده
رجع خوفه/سمور تحسين بتعب؟
سمر/ شوي!!
ياسر/ اول مانوصل لازم نروح الطبيب
سمر بملل/ مايحتاج
ياسر/ الا يحتاج
سكتت سمر مافيها حيل ترد عليه
وبعد مده وصلت الطيارة لمطار نيويورك..
نزلوا الركاب ماعدا العايلة علشان تخف الزحمة
جات بدرية لسمر..وشافت شكل بنتها مو طبيعي
بدرية/ سمور..وش فيك حبيبتي؟
سمر/ احس بشويه تعب..
بدرية بحنيه/ يلا قومي اوصلك..ثم نروح لطبيب
ياسر/ لا عمتي انا بوصلها
امل/ احم احم
عبدالمحسن/ انتي ماادري من وين تطلعين..وبعدين وش احم احم
رجال وزوجته..
امل بزعل كذاب/ يبا اكلتني ماقلت شيء
ياسر/ هههههههههه احسن تستاهلين
بعدها نزلوا واخذوا لهم شقه بعد مرور نصف ساعه
كانت مكونه من صاله و3غرف 2دورة مياه ومطبخ صغير
طبعا تصميم الشقه كان انيق وهادي يحسس بالراحة
دخلوا الشقه وراحت سمر لغرفه البنات وانسدحت على السرير
وجاتها امها تشوف حرارتها وكانت متوسطه..وشافت انها ماله داعي تروح
الطبيب..اما اذا زادت الحرارة لازم تروح..
جلست العايلة متجمعه بدون سمر..
امل تقلب في القنوات..وعبدالمحسن وبدرية وعبير يسولفون
اما ياسر باله مع الي بالغرفه(سمر)
رن جوال امل وشافت المتصل سمر..قامت
بدرية/ سمر فيها شي؟
امل/ لا بس بروح عندها
ودخلت عليها ولقتها متروشه وجالسه
امل/ يالعيارة يالكذابة..هذي الي بطنها يعورها
تبين تشوفين غلاك عندنا..ابشرط نحجتي بجيد ههههههههههه
سمر/ هههه زين جيد..حسيت بحرارة ورحت اتروش يمكن تخف
امل/ ليش ماطلعتي لنا؟
سمر/ واخوك؟
امل/ وش فيه؟
سمر/ ياسر موجود وانا ماابي اطلع
امل وهي تفكر/ ليش رجعتوا تتزاعلون؟
سمر وهي تضرب امل على راسها/ فال الله ولا فالك يالحمارة
بس انا استحي.الى الان..ماصرت زوجته..
امل/ اها..يالبي الي تعرف الاصول
سمر ترمي المخده الصغيرة على امل وهي تضحك..
طلعت امل للبقية..وقالت لهم/ سمر بخير
بدرية/ الحمدلله
عبير/ الحمدلله..قول لها تطلع
عبدالمحسن/ الحمد لله
امل/ لا ماتبي تطلع
وتناظر ياسر الي كان يناظر اخته بفرحه..وبعد ماسمع كلمتها الاخيرة
ونظرتها له..فهم انها ماتبي تشوفه؟ بس ليش ؟
دخلوا الامهات وعبدالمحسن وبقي ياسر وهو متضايق من تصرف سمر
وامل تناظرها وتفهمه انه هذا هو الصحيح..تفهمه بالنظرات
بس ياسر مايعتبر بالنظرات وقام وفتح باب شقه علشان يطلع
امل/ ياسر..وين بتروح؟
ياسر/ اللي ابيه مايبيني..مالي قعدع هنا
امل وهي تبرر/ ياسر افهم البنت..
ياسر وهو معصب/ وش افهم..هاه..قولي لي..كل يوم وبنت عمتك مطلعه لها سالفه سخيفه
امل/ لحظة ياسر افهمك
ياسر/ لاتفهميني..الشرهه علي اجي معكم ولاكان جلست في البيت مع الساري
احسن بكثير من الجلسه معكم
وسكر الباب وطلع وهو زعلان..ومو فاهم مقصد سمر
...
نهاية الفصل الثاني
..
انتظر توقعاتكم!!
..